|
يالله عسى المرزم
السلام عليم ورحمة الله وبركاته مصافحة اولى اتمنى ان ترتقى الى ذائقتكم ( يالله عسى المرزم ) [poem=font="(Diwani Letter),6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] يالله عسى المرزم اللي لاح براقه = اللي من اعصير وعيوني تراعي له نون بروقه بوسط المزن شعاقه = مخايله تجذب العشاق ويخيله عساه فوق الجزيره يرخي اشناقه = بمر الولي فوقها ينثر هماليله يركز عليها لياما يعلن اغداقه = من حد جيزان لطراف العويقيله ياما يقولون فيه المملكة ضاقه = على جميع البلاد ارخى مخاييله من بعده الدار كله تخضر اوراقه = تعجبك شوفه خزاماها واكاليله تفرح به اهل الدبش قنايه الناقه = ان جاه علم الحيا تعلن محاويله والذود من وسط شبكه تعلن اطلاقه = يازين بالروض ياشرت مخاليله وتفرح به اللي لشوف البر مشتاقه = ناسن غلا البر وسط اعماقه تشيله مالوم نفسن لحب البر عشاقه = البر نفس الشقي يجلا غرابيله نفسي على الخايع الممطور تواقه = عندي هواء البر ماشين يحالي له انا اشهد انه هوى قلبي وترياقه = وهو طب روح الهواوي ياغشى ليله معي رجالن لحب الطيب سباقه = كل ابلجن يانطق تطرب تماثيله زين المهيل يامن الغشمري ساقه = من دلتن كيف راسي من فناجيله هذا مرامي وكل انسان واذواقه = وماقدر الله على المخلوق ياتي له [/poem] ناصر بن بايق الذرفي |
حــيــاك اللــه اخــوي نــاصر بــين اخــوانك
ابـــيات رائــعه صــح لســانك وبــيض اللــه وجــهك تــحياتــي لــك .. |
صح لسانك ماشاء الله تبارك الله
الله يعطيك الف عافية ماقصرت |
ناصر الذرفي
مرحبابك في محلك وحياك الله وحي ماجبت جزله من جزل صح لسانك وبإنتظار المزيد من قصائدك |
نفسي على الخايع الممطور تواقه = عندي هواء البر ماشين يحالي له
انا اشهد انه هوى قلبي وترياقه = وهو طب روح الهواوي ياغشى ليله الله .. الله أبدعت وأمتعت اخوي ناصر الذرفي ألف صح لسانك وبيض الله وجهك قصيدة جزلة من شاعر جزل تقبل مروري وتحياتي |
صح لسانك يالذرفي ..بيض الله وجهك على هالجزلة
|
صح السانك وسلم بنانك قصيدة جزله ومصافحة رائعة حضور مميز
اهلا وسهلا الساعة المباركة تحيتي |
صح لسانك شاعرنا ناصر الذرفي على هذه الأبيات الجميله ...
وأهلاً وسهلاً بك بين الجميـــع ... ،؛،؛، رذاذ |
صح لسان
اخي الحبيب وبارك الله فيك تقبل مروري اخوك,,راشد الحربي الخشيبي |
| الساعة الآن 03:50 AM |
Powered by vBulletin .
جميع الحقوق محفوظة © لشبكة ومنتديات البراري 2010