ياما حلى الممشى وسجتك بديار
بسم الله الرحمن الرحيم السلام عليكم ورحمة الله وبركاته هذي القصيده تعبر عن نفسها وقد طلبها أخوي طلال الرحيلي ياماحلا الممشى وسجتك بديار ****فيها طرب روحك وفيها ونسها على جديد بالوكالات له كار **** جيب من اليابان يزهى نسبها ربع يمجد صاحبه وقت الاخطار *** ماينشبه لو كان صعب نشبها مع خوة تغنيك لو صار ماصار ****ما للردى سكه عليهم سلكها خوتهم تنسيك ضيقات الاسفار **** وعلومهم ما يمل منهو سمعها لامن نوينا طرقة تم باصرار **** وكل يجهز عدته ماتركها معنا بواريد بها الصيد يحتار **** يحتار يوم انه وقع في شركها معدد فيها عباريد من نار **** ماتخطي الا ان كان ربي صرفها لامن مشينا دربنا كله اذكار **** نطلب من الرحمن رزق ومشها ناصين ضلعان على حدها حرار*** فيها البدون وكل صيد يردها ولا من وصلنا عصير للموقف اسرار***في تلعة مجلاسنا في شنقها كل العفوش مرستكات بتدبار *** والعزبة اللي كاملات خرطها ما فيه ما ينقص ولو كبر مسمار***كل شي تمام وكل واحد حسبها هشيم سمر شاعمين بها النار*** جمره كما الليتات يضوي طرفها وبعد الصلاة مجهز الكيف بيطار***في دلة الرسلان لامن حكرها عليه مقياس من البن وابهار *** لامن رشفت هموم راسك نسفها معها علوم القنص ونقول الاشوار***والراي واحد ما لنا في حمقها يا زين شب النار في وقت الاسحار*** بعد الوتر والربع كل ركعها وبعد الفجر قدم الصدف يكشف المار*** الكل منا بندقه قد خطفها وعلى طلوع الشمس كلن بمسبار*** متمركز والصيد حذر حركها ينظر بدربيله وهو ما خذ احذار *** من روغة حذرى وهو ما كشفها وشوي وان الرمي له عج وغبار*** على بطين الضلع عنز وولدها يرميه ابو ابراهيم باتقان وعيار*** وهيه جفيل وكل رميه حكمها مشطين ولياها بلا حراك وفرار*** معها الجذع مافر شبر بعدها تسلم عساك تصيد تكرار وامرار*** صايد وفايد ربعنا يا سعدها وبعد الغدا حس الرعد بالسما ثار*** مثل المدافع رجته في سماها من مزنة سمرا بها البرق شرار*** هلت غزير امطارها مع بردها وشمام وان الضلع بالسيل هدار*** كل الشرايع سيلها ما رحمها هذي وناستنا اليا حل تذكار *** فلت حجاج با المناعير تزها ما هي علومن عند خبل وهذار*** لاجا اللزوم وقلت تكفى تركها وختامها صلوا عدد هطل الامطار*** وعداد عشب نابت مع زهرها على النبي المصطفى سيد الاخيار*** محمد رسول الله مذهب جهلها وسلامتكم الذعذاع |
صح لسانك
وسلمت على هالابيات الرائعة وبيض الله وجهك ياالشاعر |
صح لسانك ابيات ووصف للمقناص من قناص |
مع خوة تغنيك لو صار ماصار ****ما للردى سكه عليهم سلكها خوتهم تنسيك ضيقات الاسفار **** وعلومهم ما يمل منهو سمعها لامن نوينا طرقة تم باصرار **** وكل يجهز عدته ماتركها ............. معها علوم القنص ونقول الاشوار***والراي واحد ما لنا في حمقها يا زين شب النار في وقت الاسحار*** بعد الوتر والربع كل ركعها صح الله لسانك وبيض الله وجهك ياكحيلان قصيده جزله |
اقتباس:
وجهك أبيض تراها جات حراوي الصيد الايام هذي |
اقتباس:
اقتباس:
شاكر مرورك |
اقتباس:
الجزل مرورك |
صح لسانك على القصيدة والله يحميك من عين الحسود
تحياتي لكم قناص حربببببببببببببببببببببببببببببببببببببببببببببببب ب |
هشيم سمر شاعمين بها النهار؛؛جمره كما الليتات يضوي طرفها؛؛
وبعد الصلاة مجهز الكيف بيطار؛؛في دلة الرسلان لامن حكرها؛؛ رائع ياشاعرنا وصح الله السانك وصف اكثر من رائــع |
اقتباس:
مشكور على مرورك |
الساعة الآن 09:14 AM |
Powered by vBulletin .
جميع الحقوق محفوظة © لشبكة ومنتديات البراري 2010