|
استفسار لاهل المكاشيت الطيبه
اخواني الاعزاء
انا وربعن لي ناوين هالاجازه الجايه الي هي اسبوع تقريبا ... ناوين ان شاء الله نطرش لنا لمكان يستاهل هالايام ذي وودي بارائكم وش المكان الي تشوفونه يستاهل العنوه ...علما اننا شباب وخيمتنا معنا وكلشن راهي باذن الله بس نبي الشور والمكان الزين خبركم هالدوامات ماتخلي الواحد يطلع طلعة سنعه الا للي حول ديرته اقصد الشرقيه ... الخيارات الموجوده : حايل -------- بس مشكلتها برررررد يشلق العضم... الصمان --------- بدري عليها شوي ماهنا ربيع.. صعافيق والزلفي والحسكي وماجوارها --------- يبدولي هي الانسب وانتم وش رايكم؟؟؟ انتظر ارئكم ودعدواتكم برحلة موفقه ان شاء الله |
حياك يابوصالح عندي اكثر من خيار تبي الشماليه الغربيه تبوك العلا والاتبي عاد تأخذ لك عمره وتمر على ربيع الحجاز وانت والاجازه اللي حصلت عليها وتقبل مروري |
اخوي الكريم : الله يحييك لمنطقة تبوك ,, وأنصحك بمنطقة علقان روعه فيها كل التضاريس بس الله يعينك على البرد وإن كان بنظري(البرد) هو متعة الكشته ,,
|
اخوي الاطلسي تسلم اناملك فديتك انا ... والله بيني وبينك معي شياب ماودي بطول الطريق والا والله الديره تستاهل المشوار بس خبرك الوقت وانا يقالي الدلوله حقهم خخخخخخخخخخخ ماودنا بالمناقيد من هالشياب هههه مع اني اشوف الرميله والحطب حولك وان شالله الامطار جايه ترد الروح ................
اخوي البحتري ياهلا بك والله وبديرتك والنعم فيها لكن مثل ماقلت لاخوي الاطلسي المعنا والطريق البعيد مالي فيه خبرك كلها 4 ايام ماتسوا المشوار من الدمام ننتظر الباقين وجزاكم الله الف خير ماقصرتووو |
صعافيق ارها مناسبة في هذه الايام
وننتظر تقريرك عن هذه الرحلة |
هلابك ياراعي الشرقيه وأقترح عليك يابوصالح أنت وربعك هالمكان كنت فيه أمس الخميس وفي منتهى الروعه https://www.mekshat.com/vb/showthread.php?t=373085 يبعد عن شمال الرياض بحوالي 40كم روضه و نفود ممطور والحمدلله توكل على الله وإن شاء الله تدعي لي شف هالصور وأكيد فيه أحدث منها كل ماعليك تشوف الأخ قوقل وتقول له (روضة ملهم) الله لايهينيك ومارايح يقصر معك وأي خدمه راسلني على الخاص وأبشر بسعدك |
ابوعبدالله ياهلا بك اخوي تسلم والله على طرحك فديتك مدام هالامطار والخير سايله وان شاء الله دايمه يارب فالوجهه لصعافيق ان قاله ربي...
اخوي : ذيب الشعيب : تسلم والله الصور شوقتني مع اني ماحب الي موب طبيعي لكن الصور اغرتني وشكلي بحطها بالبال مررررررررره واشوف شيباني ان شاء يوافقوووون وربك يعين تسلموووووون فديتكم والله من جد ازعجتكم ... |
اخوي : ذيب الشعيب : تسلم والله الصور شوقتني مع اني ماحب الي موب طبيعي لكن الصور اغرتني وشكلي بحطها بالبال مررررررررره واشوف شيباني ان شاء يوافقوووون وربك يعين بالعكس يابوصالح كل شي طبيعي ماعدا طريقة ري الروضه أما العشب والربيع فليس للإنسان علاقة به فقط يرشون بالماء وربك طلع العشب |
جزاك الله خير اخوي ذيب وكلامك عين العقل
|
اعتقد روضة ملهم مناسبه 0ربيع ونفود والله يسهل طريقكم
|
| الساعة الآن 04:50 PM |
Powered by vBulletin .
جميع الحقوق محفوظة © لشبكة ومنتديات البراري 2010