شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   شارك بأبيات فيها نصيحه (https://www.albrari.com/vb/showthread.php?t=90502)

أحمد الحربي 2019-11-28 09:07 PM

شارك بأبيات فيها نصيحه
 
لاضاق صدرك واظلمت كل دنياك
اســتقـبل القبـله ووزع همــــومك

ماينفعك هـــــذا ولاينفعـــــك ذاك
ولافـيه غير الله يقضــي لـزومـك.

م/ن

hunter00001 2020-11-13 11:23 PM

بسم الله الرحمن الرحيم

السلام عليكم ورحمة الله وبركاته



اخواني

اشكر الأخ احمد الحربي على طرحه هذه المشاركه.


هذه قصيده للشاعر يرحمه الله " ثواب بن طنف الجعيد" يخاطب ابنه متعب وينصحه.

يالله يامنشي المطرمن سحابه


ياالله يامنشي المطر من سحابه = يامنشي غر السحاب بماه
يامنشي الماء فالمزون الغوادي = تلعب به الأرياح في منشاه
يامجري الافـلاك حـتى مـقرها = ترتيب كل عارف مجراه
يارازق الحيتان في غبة البحر = حاشا كرم جود الغني ينساه
تفرج لعين حارب النوم نونها = كن الكرى عنها طويت رشاه
وقلب حداه الوقت من دون غايته = ساهر قمر عشرين في مبداه
وياقيل من جرب حلاها ومرها = وضيم الليالي ما يرع ثناه
لكن اماشي الوقت في اللين والقسا = ومر ٍ يحاديني ومر احداه
ومن لايداري هجرته باح سده = عميت دروبه واللزوم إحذاه
ضده زمانه لين يبحث سدوده. = وامسى كما ذيب يجر عواه
وانا الذي من تجربتها عرفتها = وكل عرفت بناه في مبناه
وليا بنيت قصور ترجع سقايف = وعلى كذا بيع الزمن واشراه
ويا متعب اسمع من مجرب نصيحه = من عاقل ٍ مايختلف معناه
حلس القبيله ياحذارى تناسبة = خله يناسب واحد ٍ شرواه
وابعد عنه قدام لاتبتلي به = وليا بليت احرص على فرقاه
مقارب الانذال كله خساره = والبيع بالخسران من يرضاه
خسارة ٍ فالحال والمال والذرا = ومعلوم طلع العود من مجناه
من قارب الجربا كما قيل يجرب = ومن حل في وادي الهيام اعداه
ومن لا يصون العرض عن منسب الردى = شاف الندم في ما جنت يمناه
ليا جهلت الارض سايل هل النظر = ويجيك من عند اللبيب وصاه
من قارب اجواد العرب يسلم النشب = يصون عرضه ما يباح حماه
يرفون خلاته ويدرون خاطره = وبيته يعلونه على علياه
وليا نبابه منزله ثم زارهم = عاضوه في اقرابه وفي مشحاه
ولو كان زلاته كبار الزرايب = ما احد درى عنها ولا ناحاه
ومن لا يشيرك لاتشقوى بحاله = لو كان سرعات الندب تاطاه
كم جاهل رايك يشوفه جهاله = وليا نصحته راح في عمياه
ولا كل من يضحك معك تعتزيى به = يغرك الربريب عند حكاه
وتصبح تبيع من الهقاوي بلا ثمن = في سوق خالي قول واعزاه
ليت الرجال وسومها في خشومها = حتى ليا شفت الردي تـنفاه
لكن اوادم كاسيتها ثيابها = والستر من رب العباد اضفاه
تمت وصلى الله على منبع الهدى = نبينا اللي نهتدي بهداه
عداد ماتذري الصبا والعوالي = واعداد ماهل الخيال بماه




وسلامتكم.

بقآيآ .. حرف 2020-11-21 10:13 AM

يا هلا يابو حميد نورت شبكة البراري

‏‎ماكل من هو نصيته يرتكي للحمل .
ولاكل من يبتسم لك شوفتك تطربه .

عليك في خوة الي خوته ماتمل .
معرب الساس طيبه مايبي تجربه .

واحرص على طاعة المولى وحسن العمل .
وابعد عن الذنب والمحظور لاتقربه

hunter00001 2020-11-21 02:17 PM

اقتباس:

المشاركة الأصلية كتبت بواسطة بقآيآ .. حرف (المشاركة 1053553181)
يا هلا يابو حميد نورت شبكة البراري

‏‎ماكل من هو نصيته يرتكي للحمل .
ولاكل من يبتسم لك شوفتك تطربه .

عليك في خوة الي خوته ماتمل .
معرب الساس طيبه مايبي تجربه .

واحرص على طاعة المولى وحسن العمل .
وابعد عن الذنب والمحظور لاتقربه

حياك الله اخي الحبيب بقآيآ .. حرف . بارك الله فيك.


الساعة الآن 06:21 PM

Powered by vBulletin .
جميع الحقوق محفوظة © لشبكة ومنتديات البراري 2010