مرحبا بالجميع

الحين احنا في موسم البرد موسم الطلعات وشبة الضو والعلوم الطيبه عسى الله يزيد المتعه بالامطار والربيع ...قولو امين

الشاهي ممتاز ويكيف الراس لكن مشكلته يبرد بسرعه او يثقل ونضطر لتغييره عدة مرات مره يضبط ومره لا

عندي طريقة ممتازة يبقى الشاهي معكم الى الصبح ما يتغير

نحتاج الى ابريق صغير الحجم في حدود نصف لتر او لتر حسب الحضور

ونحتاج ابريق ثاني كبير فيه ماء نقي فقط يغلي قريب من الجمر على طول

الحين نجيب الابريق الصغير ونضع فيه شاي ملء بياله لكل نصف لتر ماء .. اذا الشاهي ربيع لازم نغسل الشاهي بماء حار الين ينظف واذا الشاي ابو جبل او شاهي ممتاز العماني فلا داعي للغسل

نصب ماء مغلي الى الثلثين ونضعه حتى يقلب وبعدين نضعه قرب الجمر

انتبهو : بدون سكر

جيب بياله وحط سكر على كيفك وصب من البريق الصغير حسب ذوقك لكن لا تزيد عن نصف البياله وكمل الباقي من البريق الكبير من الماء المغلي

بكذا ترضي الجميع اللي يبي شاهي ثقيل واللي يبي خفيف واللي يبي سكر واللي ما يبي سكر والاهم يبقى الشاهي والكل يشرب الى الصبح

بالهناء والعافيه

ادعو لي