|
قرص الجمر بالطريقة الايطالية
السلام عليكم ورحمة الله وبركاته قالوا بناتي يبه نبي نذوق قرص البر قلت غاليات وطلبكن رخيص ومالنا الا الله ثم مقلاة ابو فراس العجيبة فردنا العجينة وهي بر طبيعي بدون خميرة بالمقلاة ووضعناه على جمر خفيف حتى لا يحرق وهذي الصور https://img837.imageshack.us/img837/6844/0tuz.jpg وحطينا جمر فوق المقلاة لمدة نصف ساعة ثم قلبناها رأسا على عقب (قلبنا المقلاة ) حتى تستوي من جميع الجهات لمدة ربع ساعة وذلك حسب سماكة العجينة https://img819.imageshack.us/img819/214/pwn7.jpg والنتيجة فتاكة https://img35.imageshack.us/img35/5895/mt8r.jpg وسموا باسم الله https://img11.imageshack.us/img11/1714/wauc.jpg ولا يتغير طعمها عن طعم الجمر بطريقة صبا نجد |
بالعافية على قلبوبكم
|
هلا هلاهلاهلاهلا ومرحباااااااااااا
بأبو فراس حياك الله وبطلتك شغلك كله سنع لو مافي المقلاه قرص في ذمتي ان شغلك كله سنع في سنع الله يحفظك انت وبناتك ولا يوريك مكروه حبتي على رأسك |
وعليكم السلام ورحمة الله وبركاته
حياك اخوي ابو فراس والله يخليلك بناتك ويرزقك برهن وحنانهن تسلم وماقصرت على هالقرص الخالي من الرماد والتربه شوقتني لعمل الطريقه وتاكلون به العافيه |
ما شاء الله تبارك الله
طريقة رائعة وشغل مرتب كعادتكم ايها المبدعون حفظكم الله ووفقكم لكل مافيه الخير |
عليكم السلام ورحمة الله وبركاته
جمري جميل ويعتبر نظيف وخالي من حبيبات الرمل والصخور اشكرك يابوفراس ولو حطيتوا عليه سمن وعسل بيطلع شيء رائع جداً بعض الشيبان يعملون الجمري ويغمرونه بالفحم او الحطب ومخلوط مع رمل وصخور صغيرة وهذا يعتبر غير نظيف ومضر صحياً وعلشان كذا اكثر الشيبان معهم حصى بالكلى والسبب الجمري الذي يغمر بالرمال والفحم |
تقرير رائع ابو فراس وشغل نظيف جداً بارك الله فيك
|
اقتباس:
الله يعافيك ويبقيك اقتباس:
الله يخليك لعين ترجيك والسنع عندكم والله لا يوريكم مكروه والله يعز قدركم اقتباس:
اخوي ثامر جزاك الله خير ولا تنسى تحط زيت الزيتون والعسل وان كان معهن بصل راح يكون الذ اقتباس:
الله يحفظك وياقاك والروعة هو مروركم وتعليقاتكم اقتباس:
يا حيا الله حبيبنا تركي النظافة مطلوبة من الجميع لان بطوننا مهب مثل الاولين تحدر كل شي اصبحنا دلوعين ومايعين وعلى فكرة حنا نحط عليه بصل وزيت زيتون وعسل لكي يكون صحي بالفعل اقتباس:
عاد انت يالتراثي لازم ارد عليك لان الاكلة تراثية من اجدادنا شكرا على المرور والتعليق |
هلا ابو فراااس
ما لقينا المغمي بعنيزة وش الدبره متأكد أن الطعم نفسه في الجمرية والا يتغير انا ما اصدق الا على الذوق بنفسي عاد افهمها وشف لنا طلعة خفافية سلام |
عاد كل شي الا انتم يا اهل تمير ما يغلبكم الا اهل الرس وابو فراس بالنسبة للمغمي ادور لك واتصل بك ان شاء الله |
ماشاء الله تبارك الله
وش هالزين وصراحة شي يخليك تشتهي ولازم نجربة بس انا اعتقد دفنته بتعطيه الطعم الاصلي وماعلينا من تركي بلانظافة بلا صحة هالحين ناكل الفقع وهو كله حصى تسلم يديك وعساك سالم وع القوة يابيي والله يخلينا ولك ويحفظ ذرياتنا ويصلحهم خمس نجوم وتستاهلها |
الله عليكم يامزن سدير
خمس نجوم حتة وحدة اخبر ابو ناصر يبي لو نجمة وحدة علشان يصير ضابط |
اشوف انها خبزه (عاديه) !
افهمها مثل ما تبي يا ع س ل ((يمدح السوق من ربح به)) حفظك الله واولادك |
ماشاءالله
بالعافيه ان شاءالله بس فكرة حلوة يعطيك العافيه |
ماشاء الله
الله يعطيك العافيه اختراع طريقه جديده للقرص لابد من تطبيقها |
يعطيك العافية يابو فراس قمة الابداع كعادتك
اقتباس:
اقتباس:
لا تنسوووني ...:new12: |
الله يعطيك الف عافيه ..
يا ابو فراس |
ما شاء الله تبارك الله
طريقة رائعة وشغل مرتب كعادتكم ايها المبدعون حفظكم الله ووفقكم لكل مافيه الخير |
الشكر للجميع على المرور والتعليقات
وياليت ان الشاشة تنفتح كود نعطيكم من هالقرص |
الله يحفظك أبا فراس ياعمدة المنتدى وأنت دوما وأبدا فوق الراااااس ومشتاقين لك وبعد مشتاقين لعباس والله يخلي لك بنياتك وبغيت أجرب الطريقة الإيطالية بس حرفنا فيها شوي ... ألف شكر وألف دعوة وألف احترام لك أيها الفارس . |
هههههههه
تقل متواعدين ارد على موضوعك وترد على موضوعي وبالوقت نفسه |
عطونا صور اذا طبقتوها
وهل فيه احد منكم طبق ان يحط جمرة في داخل القلاية |
| الساعة الآن 05:37 AM |
Powered by vBulletin .
جميع الحقوق محفوظة © لشبكة ومنتديات البراري 2010