|
الكل يبخص في الشدايد خراجه
السلام عليكم ورحمة الله وبركاته الحر يزكي والدجاجه دجاجه وماني على بعض المقاريد مجبور الضرس قلعه لا تألم علاجه لا صار ما ينفع معه طب دكتور! وحكي القفى في الناس عيب وسماجه واللي يتتبع عرض الأجواد مثبور (نارد) قراح الماء .. ونترك هماجه هذا لنا مبدأ.. ومنهج ..ودستور واللي يطفي في الغداري إسراجه لايحتري قمراء ..ولا يرجي النور !! تراه يضيع صيدته في عجاجه لا يسمع الناصح.. ولا يأخذ الشور والكل يبخص في الشدايد خراجه لا نشبت اللقمة من الغبن في الزور ! والحظ لابان الردى في حجاجه أصبر مدام الصبر ياخوي مقدور الله خلق كونٍ وسيعٍ.. فجاجه والعبد لو يطرد وراء الرزق معذور و(راع) الرفيق ولا تعكر مزاجه خله سعيدٍ دايم الدوم مسرور كسر الخواطر مثل كسر الزجاجه نفس البشر دم.. وأحاسيس.. وشعور واللي يتصدد مالكم فيه حاجه يالله عسى إللي يدور الستر.. مستور وحذرا تصير لبعض الألسن (علاجه) بعض البشر يحلف.. ويشهد.. على الزور والتمر يعرف طيبه من خماجه ماجور ياللي تدهل الطيب ماجور الواحد القهار راعه وناجه الله يكافينا من الضيم والجور يقوله إللي قاسي الوقت عاجه صابر وهمه داخل الجوف مقبور!! للشاعر: عبد الرحمن بن عبد الله المجلـي - |
سلمت يابو سلطان عالنقل الرائع لاهنت ،،،
وصح لسان الشاعر مدد بلا عدد ،،، |
الله يكافينا من الضيم والجور
يقوله إللي قاسي الوقت عاجه شكرًا أبا سلطان على الاختيار الرائع صح لسان الشاعر |
صح لسان الشاعر وصح ذوقك
قصيده رااائعه بحق الله يسعدك ويعطيك العافيه |
تسلم اخي الغالي ابو سلطان
|
الله يكافينا من الضيم والجور
يقوله إللي قاسي الوقت عاجه رآئعه بما تعنيه الكلمه أختيار يستحق الأشاده أخي أبوسلطان تحيتي |
سلمت يابو سلطان عالنقل الرائع لاهنت ،،،
وصح لسان الشاعر تقبل مروري |
اقتباس:
واشكرك على المرور - |
اقتباس:
على المرور الطيب - |
اقتباس:
الذئب الرمادي تحيتي لك - |
اقتباس:
الله يسلمك اخوي راشد ويسعدني تواجدك - |
اقتباس:
القدير عنيد جهينه نورت متصفحي يالغالي واشكرك على كلمات الاطراء ودي واحترامي - |
اقتباس:
العزيز ابو سالم واسعدني تواجدك تحيتي لك يالغالي - |
طراح رائع راقي و نقي
كل الشكر لك |
رآآآآئعة جدا يابوسلطان
يسلم ذوقك وصح لسان قايلها |
اقتباس:
ودي واحترامي لك - |
اقتباس:
اختي سراب في متصفحي تحيتي لك يالغالية - |
الشكرك على النقل ولابداع الجميل
وصح لسان شاعرها |
| الساعة الآن 09:20 AM |
Powered by vBulletin .
جميع الحقوق محفوظة © لشبكة ومنتديات البراري 2010