|
فتل ونقض
مساء الخير للجميع انا عندي موضوع ودي تفاعلون معي فيه اللي هو فتل ونقض يعني محاورة تتم بين شاعرين الى ان تنتهي ويبدا شاعرين آخرين وهكذا
بسم الله وابدا انا سلام الله سلام فيه طيب وحشمه وتقدير اقوله باسم راع العرض لاهل المنتدى الراقي نشارك فالبراري والمعاني فالبراري غير واريد الشاعر اللي يصخر الابيات ويلاقي وسلامتكم وبانتظار احد الشعراء |
الامرحبا ترحيبــــةٍ تشرح الخـــاطر بلا تشـــفير
تفضل هلا بك واشــرب قهــونك وبعدها الباقي نقيــم الملعــبة نلعب عــلـى مـــا تشتهي بيصير وجزل المعاني حاضره من شاعرٍ منها لنا ساقي |
يدوم بك البقا واعداد مارفرف جناح الطير
وانا اقول انك شاعر لا بعد شاعر وعملاقي شعار المنتدى ياصاحبي لايجي لهم تقصير ترى للمنتدى والشعر يارجال عشاقي |
عاشوا .. عاشوا .. سرا ..
شكرا لراع العرض .. والرد من سمو المشاعر متابعة .. وتشجيع إلى شاعرين .. بإستطاعتهما أن يمتعانا بأروع البدع .. الفتل والنقض .. معكم بإن الله دائما .. قداااام تحيتي |
مشكور اخوي غانم على المتابعة وانا اشهد انك منور ومشعلل المنتدى لاهنت
|
اقتباس:
مـع نــخبة الشـــعار لنــــا ذخر ورفـــاقي وجـهز لنــا المـوتر وطلبــونه لـه تصـفير لآن المسافة طويله... والمحطات مانلاقي |
[quote=غانم الضومري;1723364]عاشوا .. عاشوا .. سرا ..
شكرا لراع العرض .. والرد من سمو المشاعر متابعة .. وتشجيع إلى شاعرين .. بإستطاعتهما أن يمتعانا بأروع البدع .. الفتل والنقض .. معكم بإن الله دائما .. قداااام تحيتي يازين الدكة لامن شاف ولامن دري تشجيع منقطع النظير لاتوهقنا ونصدق هههه اشوفك في باحة القدوم يابوسامي . متى تستلم الدور؟ في الانتظار. |
حينما تستلم القاضية ، سوف تجدي في دكة الشيبان في مجلسنا العامر .. يالله شد حيلك الشغله خرب ههه ، جات الأوله فيك والله يستر .. وش رايك تعزمه للدكة .. على قولتك ..
المشكله أخاف الإدارة يعزمونه للمجلس وما تدري إلا هو واصلك .. أقول إيش رايك نلعب دفاع وانت خلك على المرتدات أعلن الاستسلام رسمي واعط الدور للي بعدك .. لكن إنا سابقك على الدكه .. خلنا مثل محترفيينا يجلسون مع الاحتياطيين وهم محترفين هذا كيف ... ؟ والا تدري قلوه ياويلك والله لاجيب اخوي الكبير ـ وتعال وش حطك بالعرض خلك بالطول .. عزي عنك ياسمو.. تحيتي |
تقدم ياجمل باحملك بالحمل وانت بعير ولاترغي عقب قب قب هديرك والحمل باقي
اباخذ معك سجه لين غانم يكمل التعبير والك عندي وابو سامي محبة داخل اعماقي |
أنا ابوكل الخيال يجيب اخيوله الليله وله التقدير .. تفضل لين يرجع سموه قــد ويلاقي
لكم المحبة والمتابعة .. الدور مع الخيال ، إلى أن يعود شايبي من دكتة الشيبان .. غش مافيه ههه! جايكم جايكم .. لو عرفوا الشباب بأنفسهم ولو برسالة خاصة .. لا استفدنا من بعضنا أكثر حيث المجلس يساعد في تبادل الخبرات والفائدة للشاعر نفسه . لأن المجلس يناقش جل القصائد وينقدها دون رؤية الاخرين .. تحيتي |
نشيل الحمل ما نرغي انا بــازل وغيــــري يحير
على رسلك ياراعي العرض لاتمسي معي شاقي ترى السجة ولودامت فهي معنا مداها قصير وابو سامي تراه جاهز معاه تتفجر اوداقي 0000000000000000 ياراعــــــــي العرض شرفنا في المجلس الخاص بالشعار ومطلب مـــن الآن مشرفنـا يسمح لكــــم بالدخول للـدار |
على البحر الطويل أرهقت شيبان نفسها قصير .. أبلقط أنفاس القصيده واتريح واســـــق ياساقي
أبستعيد اللياقه واشرب الفنجال من يد الخطير .. لو ان اللياقه عاليه أسابق الشبان وتزين الاخلاقي وين انت ياهملول يمكن إنك تهجـر البعيــــــر .. . اللي هدر يفدر إليا تجربع من حليب النياقـــــــي ما زلت متفرجا .. لم يصلني الدور .. مهما إستعدت اللياقة فإني لست كمثل الشباب ! أين هم ؟ تحيتي |
جيتك وحنا تعرفنا
ياشاعرن ولع الانوار واحذر حذاري تصرفنا وتصير مابين نار ونار |
اخوي غانم لااعرف ماذا تقصد بالمجلس وكلامك صحيح انا جديد ماعرف زين
|
اقتباس:
ترحيبة مثل الذهب بالسوق مالها باقي تقدم يارفيقي والوعد في ساحة التحرير قبل لاينتهي حكم العرب والسم ينذاقي |
يدوم ابك البقا ياصاحبي وآسف على التاخير
عدد ماحن رعاد السحاب ولاح براقي ياساهر صوب ساحات العرب حذرا تروح مغير ترى للبيت حراس وترى للروس حلاقي |
بعد رمي الرصاص ولجة العالم إبر تخدير
تزيد النار نار بلا وجود وتحرق إحراقي وانا ماني مكلف بالعلوم اللي تجي وتطير من سموم الافآعي جبت لي للسم تريآقي |
ترى كل المشاكل يارفيقي دبرت تدبير
يعافينا وياقانا من اله البشر واقي كثير الناس في هذا الزمن سوت سواة العير عساهم ياطويل العمرمايبقى لهم باقي |
وين الششششششششششششششششععععععععععععععععاررررررررررررررر ر
|
ابو فهد صاحبك لازم يجينا علينا مغير .. نبي حاكم يحكم بين عشاقي
بإنتظار ابو فهد .. إن لم يكن معنا .. فمكانه لابد أن يكمل كوكبة شعراء البراري تحيتي لكم أحبتي على الحوار الساخن جدا .. الذي لم أعرف فيه من ؟ إبو فهد مطلوب .. تحيتي |
ابو فهد لازم يجي علينا مغيــــر ... نبي قاضي وله التقدير واشواقي
ابو فهد مطلوب ياراع العرض .. لتكتمل كوكبة البراري .. مطلوب .. مطلوب تحيتي |
اخوي غانم شايب من الجماعه ولا يعرف النت ولايعرف له
|
المنتدى له ثلاث ايام واربع ليال -
وانا اتفكر وش اللي مطفي انواره بقول كلمه وانا رجل ماحب الجدال- المنتدى لاتعفف منه زواره |
سلامي سلامن نصرفه مثل صرف الشيك
عدد مايلوح البرق ويحن رعادي ياغانم تخير ناخذ علوم والا اعطيك انا لي ثمان ليال مارتاح لرقادي |
إفتح لنا بنكك وعطنا من القصايد شيك
مادامني مشغوووووول باجازة اولادي حاول تسليني وانا احاول اني اسليك ما دامنا بالبراري كلها عااااااااااادي |
عسى ربنا ياصاحبي دايم يهنيييييييييك
ويحميك رب الناس من كل حسادي انا كيف بسلا يابو سامي معك وارضيك بعد راح خلي وادي ورحت في وادي |
إن كان قلبه بالهــوى حيل مغليك
إقطــع بــدل وادي ثلاثيـــــن وادي وان كان قصده بالهوى بس يشقيك ماللنخل بالصيف غيــــر الجــدادي |
ياراعي الفتل والمنقوض .. أفتلك ابيوت وانقضها
وين انت ياراعي المفروض .. لا غبت لازم تعوضها |
موجود ياراعي المعروض ... تكتب بيوتك والاحضها
ياصاحبي غبت والمفروض..تعرف ظروفي وفارضها |
في مجلس الشعر شفنا نوض .. . شعلل بنفسي وهيضها
يرعد سحابه يقول انهـوض .. كل البراري لا فيضهــــا |
الشعر لازان مثل الروض... يشعف هجوسك وينهضها
مايشترى كل شي معروض... افتح عيوني واغمضها |
الشعر عندك عسل بالحوض .. إغرفلنا بس فايضهــــــــا
اللي يناسب مزاج المـــوض .. بخيولك اللي مروضهــا |
ياراعي العرض عرضك ما يكفيــني
لو ترفع العرض كان العقد سويته |
الله مغنيك وانا الله مغنيني
ومبروك يا مستشارن ذايع صيته |
أفرح ليا شفت زول اللي يسليني
ولا صار شاعر هذاك اللي تمنيته |
وافرح بعد يوم ابو سامي يناديني
وان قاله الله لازوره وهو في بيته |
يامرحبا باللي يفكر يجينــــي لي الشرف حمد يسير لبيتــه وان صار باكتوبر ترى جاهزيني وابشر بصيدٍ ماسبق وان كليتــه |
مدري هو النيه بأنه يجيني
والا عنيت بدعوتي يم بيته |
| الساعة الآن 11:02 AM |
Powered by vBulletin .
جميع الحقوق محفوظة © لشبكة ومنتديات البراري 2010