|
اللي تشوفه يا أبيـض الوجـه .. سـوّه !!~
طاح العتب .. ما هيـب لحيـة مشاريـه
............... خل الكـلام .. و حبـل الأعـذار طـوّه ماراح اقول أشلون او كيف .. او ليه ؟ ............... تـرى السـؤال بـدون أجابـه مـشـوّه العذر مااات .. و مـات همـه و رااعيـه ............... و الجرح جف .. و جـف غيمـه ونـوّه صاحبك ضاع الهـرج مـن بيـن أشافيـه ............... مـا كنّـه اللـي كـان قبلـك .. مـفـوّه يجمع لـك مِـن الشعـر فاخـر معانيـه ............... و يمـوت عنـدك قبـل فـيـها يتـفـوّه ليـه أنصـدم ؟ و تخـون قلبـي هقاويـه ............... و يطيح نجمـي .. و أنخـذل فـي علـوّه أصدق مع الواحـد و احبـه .. و اثاريـه ............... طـوول الليـالـي معتبـرنـي عــدوّه لايـا بعدهـم .. و أول الغيـث تالـيـه ............... و أنت اتعرف قلبي .. و خيـره وسـوّه يمكن لو انك قلت غلطـان .. قلـت ايـه ............... مير البـلا انـك قلـت .. ناقـص مـرّوه قل لي متى شحيـت فـي شـي ٍ أعطيـه ............... و قل لي متى صـارت محبتـك .. خـوّه يصعـب علـى الرجـال يثبـت مباديـه ............... و ان كانه اثبـت .. كيـف يثبـت سمـوّه الله يبيحـك عــن خـطـاك و تمـاديـه ............... و يبيـح قلبـك عـن خـطـاه وغـلـوّه مادام حبـك خالطـه شـك .. مـا بيـه ............... حب العتب و الشك .. مـاعيـش جـوّه ماكنّـي اللـي كـل مـا تلمـس ايديـه ............... يغمـرك بأحسـاس و حـنـان الأبــوّه وما كنـي اللـي كـل مـا مـر طاريـه ............... ضج الفضـا باسمـه .. و عكـر هـدوّه يـامرحبـا بالـجـرح .. و الله يحيـيـه ............... لا صـار مـن يمنـاك و الجـرح تــوّه بعض الجروح ان صابـت القلـب تنهيـه ............... و بعض الجروح .. تـزوّد القلـب قـوّه الله كتب.. و القـوس فـي كـف باريـه ............... و اللي تشوفه يا أبيـض الوجـه .. سـوّه |
الله يعطيك العافيه اخي الكريم على هذه القصيده الجميله |
الله يعطيك الف عافيه اخي الغالي
صح لسانك |
مروركم اسعدني ..... تقبلوااا تحياااتي .
|
قصيدة للشاعر عبدالله الذويبان
احسنت الاختيار والذوق اخي عابر سبيل |
لآهنتي على تشريفك وإضافتك الرااائعة .... فاااالك الجنة...
|
أصدق مع الواحـد و احبـه .. و اثاريـه
............... طـوول الليـالـي معتبـرنـي عــدوّه تعليقي على كلمة الواحد ليته ماقالها..تحسب على شاعر مثل عبدالله..انا ادري انها غير مقصوده ومعناها مغاير لكن الافضل تجنبها..ذوق رفيع ورائع استمتعت جداا بها..ودي |
احسنت الاختيار والذوق اخي عابر سبيل
قصيدة رائعة يسلم بوحك |
رائع مانقلت أخينا عابر سبيل ... وهذا يدل على ذوقك الرفيع
دمت بحفظ الله .. رذاذ |
مشكور عابر سبيل على الاختيار الجميل
|
هنا يكون للشعر سمو
و للحرف علو و للمجد دنو هنا المشاعر هنا احساس شاعر هنا وجدت نفسي عابر سبيل لله درك ما أجمل ما اخترت اسمح لي قمت بنسخها و حفظها |
اقتباس:
أخوي ( الذيب ) مرورك تشريف لي .........تقبل تحياتي. |
اقتباس:
لآهنت أخي الغالي ( سمو المشاعر ) تشرفت بمرورك الجميل... تقبل محبتي وتقديري. |
اقتباس:
مرورك أسعدني أختي الغالية ( رذاذ ) .... تقبلي أحتراااامي.. |
اقتباس:
لآهنت أخي الحبيب ( فهد ) تشرفت بمرورك الجميل وسرني إضافتك الرآآآئعة.. فالك الجنة. |
الله الله على هالذووق الرااااائع
في الانتقاء قصيده راائعه بروعة ناقلها تسلم والله يسعدك ويعطيك العافيه |
هذه القصيدة رائعة تعانق عنان السماء
بجمالها وروعة مفرداتها وقافيتها ولكن ينقصها أن تكتب باسم شاعرها بدون اسماء مستعارة قصيدة جميلة تستحق أن يتباها بها صاحبها صح لسان شاعرها |
| الساعة الآن 09:24 PM |
Powered by vBulletin .
جميع الحقوق محفوظة © لشبكة ومنتديات البراري 2010