|
مطلووووووب شتلات طلح والي يخبر لا يبخل علينا يوجهنا
السلام عليكم ورحمة الله وبركاته \
اخواني اعضاء المنتدى انا صار لي فترة ابحث عن شجر الطلح شتلات بس للأسف ما حصلت وياليت الي عنده خلفيه وين تنباع يوجهنا للمكان الي تنباع فيه مع العلم اني لفيت الرياض كله من الجنوب للشمال ومن الشرق للغرب بس للأسف ماحصلت واغلب مكاتب الزراعة الي تبع وزارة الزراعة مريتها حتى البلديات مشيت على اغلبها بس ما حصلت ولكم جزيل الشكر ولا تنسى ان كل شجرة راح تنغرس راح يكون لك فيها بإذن الله اجر |
اقتباس:
بالتوفيق |
أخوي العزيز ابو شادي
كم تبي من شتله وين الموقع اليبتزرعه فيه ؟ |
هلا اخوي النايف
العدد الي ابيه مفتوووووح \ والموقع الي بزرعة فيه جزء منه في المزرعة وجزء في البر والموقع سدير \ وياليت ترد لي بخبر وين احصلة |
وانا ابي كمية بعد ابي ازرعة في مواقع كانت الاشجار فيها كثيرة ولكن ازيلت بالكامل يوم رحت الموقع ماعرفتة قبل عشر سنوات كنا ندخل ثلاث اربع سيارات في ظل الشجرة الواحده ومتقاربة واعداد لاباس بها ولكن ازيلت بالمناشير اللي المفروض تمنع من البيع
|
هلا ابو محمد
بيجي من يفيدنا ان شاء الله هي مسألة وقت الناس لا هية في الاختبارات |
اقتباس:
حياك عزيزي ابوشادي الشتلات بكميه كبيرة موجود بمديرية الزراعة بالمجمعة حيث يوجد لديهم مشتل بمحافظة الغاط وإذا كان لديك مشروع أستزراع فهم لن يقصرو معك وأكيد يبي لها طلب بوريقة من مدير الزراعة علشان يعطونك من المشتل والله الموفق |
نحن ايام قبل كنا ناخذ ثمار الطلح (السمر) ونطلع البذور ونزرعه في المزرعة في اكياس بلاستيك في المشتل وبعد ما يظهر الباذر ويكبر شوي كنا نزرعه حول المزرعة واتوقع البذور متوفرة تحت اي شجرة طلح!!
اسمحلي أنا بعيد عنك وماعندي لك الا هالفكرة !! |
السلام عليك ورحمة الله وبركاته
ياجماعه الي يخبر مشاتل يبيعون شجر الطلح يعطيني الموقع طلح بلدي لا يجيني واحد يقولي طلح الحجاز ولا طلح الجنوب ابي الطلح المتعارف عليه |
ياخي فيه شجرة اسمها النيم افضل من الطلح
ابحث عن مزاياها بالنت افضل من الطلاح |
بسم الله اخي انا اذكر مشتري من مشتل في عنيزة يبيع الشجره طولها متر او اطول ب 60 ريال وكان في مشتل ثاني على خط حائل القديم بعد الصوامع عند برج الجوال عنده بس رفض يبيعها ولا طولها اكثر من 2ونص يقول لازم كلام كفيل مدري الحين تحصل او لا واذا تبي غضى وارطى وطلاح وسمر تحصله في مركز الابحاث بعنيزة عندهم مشتل كله طلح وسمر وغضى وهم اللي يزرعون محمية الملك عبدالله روضة خريم مدري التنهات اللي بالرياض انا رحت له وقال هذي الشتلات نوديها لمحمية الملك عبدالله بالرياض روضة خريم مدري التنهات بس رفض يقول لازم من المدير وفيه مشتل الزراعة بعنيزه بس كله لازم مدير زراعة عنيزه واهل عنيزه اجواد اكيد تطيح عليه وتقول مشوار وكذا وكذا يعطيك |
السلام عليكم ورحمة الله و بركاته
أخي هذه أرقام بعض الأخوة و لديهم إن شاء الله طلح بس تأكد من الحجم. 0554772040 لديه طلح ملحمي و يمكن أنواع أخرى 0549938446 و 0532537191 سلطان الحياني مكة 0535599430 محمد الرياض وإذا أردت بذور راسلني الله يوفقك |
| الساعة الآن 11:21 PM |
Powered by vBulletin .
جميع الحقوق محفوظة © لشبكة ومنتديات البراري 2010