ثــــورة انفاس
[poem=font="(Diwani Letter) ,6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياثورة انفاس الصـدور الحـــزينه = هبّي عليّ وكفّنيـــني بالاكـفان ضاقت بي الدنيا وروحي سجيـنه = والعمر وقّف بي على كـومة احزان ما ذقت من دنياي غير الغبــينه = وما عشـتها في يوم ياناس فرحـان عُقب اللذي روّح وجافا حنيـنه = اقفى وانا ادري به على العهد للآن مجبور يتركنـي ويترك سنينه = مجبور يتناسى وفي صــدره اشجان والبارحه شفته وعيـني بعينه = شفت الحزن في محجر العين طوفان شفته وفي عيــــنه جروح ٍ دفينه = اقبـــل وحاله ناحل ٍ والحزن بان جلست انا ويّاه وايدي ابيــــدينه = واحسّ به رعــــــشه وهو حيل تعبان يبكي وانا ابكي ثمّ مدّ ابيمــينه = وقال سامحنــــي ترى الحبّ ما هان بغيت اضمّه والمـلا شايفينه = وخفت حــكي الناس وعيون عيّان والله لو بيـدي لاقبّل جبينه = واحضنه واشــرب دمعةٍ فوق الاوجان لكنّ راح الوقت منّي بحيــنه = يامســـرعه كيف انقضى يوم لي زان ثمّن توادعنا وراح المـــدينه = سافر وقـــلبي ما تهنّى وضميان ما امداني افرح فيـه ويني ووينه = روّح وشلّ الروح وامســيت شفقان هذا اللـذي ياناس بيني وبينه = ان اجتمـعنا ساعة ٍ ضاعت ازمان دايم فراق وما عرفنا الــسكينه = والحب يتزايد ولا فيه نقـــصان يزيد حبّي له وروحي رهيــنه = ويزيد حبّه لي ولا فيه خســـران واليوم قلبي ما اســمع الاّ ونينه = واعدّ وقتي وانتــظر جيّة افلان [/poem] شعر / خالد بن منشار 1/ 1 / 2011 |
صح لسانك اخوووي خالد ابيات جميله جدآآ تدل على جمآل احسآس شاعرهآ حيآك الله بالبرآري واتمنى اشوف جديدك بستمرآر احترآمي وتقديري وشكري وتقييمي عناد جهينه |
ماشاءالله شعر رائع بارك الله فيك
|
صح لسانك عالقصيده , يعطيك العافيه
|
حيااااااااااااااك الله أخـــــي العزيز
خالد ذووق رآآآآآئع لا عدمنااااااااااااااااك |
صح لسانك قصيدة جميلة ننتظر جديدك |
الله يبقيك ويسلمك ياعناد
اشكرك اخوي على قبولك وترحيبك صح بدنك لاهنت ابشر من عيوني دمت بخير |
غيمة جدة
الله يبارك فيك من ذوقك اشكرك على مرورك دمت بخير |
برق
صح بدنك لاهنت اشكرك دمت بخير |
محمد المعجب
الله يبقيك تسلم اشكرك على مرورك دمت بخير |
الركام
هلا بك صح بدنك لاهنت دمت بخير |
ما امدانـي افـرح فيـه وينـي ووينـه روّح وشـلّ الـروح وامسيـت شفقـان صح لسانك اخوي ماشاء الله ابيات في قمة الجمال بإنتظار جديدك يالعذب |
الساعة الآن 01:44 AM |
Powered by vBulletin .
جميع الحقوق محفوظة © لشبكة ومنتديات البراري 2010