|
مبروك انت فائز ب 200 الف ريال
[align=center]
إخوتي الكرام عبارة لها وقع خاص مبروك أنت فائز بمبلغ 2000 ألف ريال من شركة (هاتف ,,,,,,,,,,) نعم هذا الواقع يأتيك إتصال على جوالك (من داخل المملكة ) ويقول لك مبروك أنت فائز ب 2000 ألف ريال ويعطيك رقم الشريحة الداخلي ويطلب منك أن تطبقة وتتصل به بعد ما تتأكد من صحة الرقم بعد إتصالك يطلب عدم تقفيل الخط ومبروك عدة مرات والحمد لله عدة مرات وتحول للمدير العام (طبعاً هنود ) ويقول نحن من الشركة التي رقم جوالك من عندها ثم يطلب رقم الهوية ورقم حسابك ليتم تحويل المبلغ فوراً , ثم تأتي الزبدة حيث يطلب تحويل مبلغ 1900 ريال حتى تحصل على المبلغ لاتصدق ولا تعطيه أي بيانات ولو رحت تبلغ ماعندك أحد ولا إهتمام من قبل الشرطة آمل التنبه لذلك [/align] |
والله الورطه
يا فررررررررررررررحة ما تمت ويا كثر النصب والاحتيااااال مشكووور على التنبيه سلام |
جزاك الله كل خير على التنبيه أستاذي الفاضل المشراق جعله الله في موازين حسناتك وأنا أعرف إثنين من الزملاء إنساقوا وراء هذه الشرذمة وزودوهم بكل معلوماتهم وبياناتهم ولهم الآن قرابة السنة وهم في قلق من جراء ذلك وأن يساء إستخدامها وهم لا يعلمون |
لحية الطماع بذنب المفلس
|
هذولا بينكبونا عسى الله يكفينا شرهم
مشكوووووووووووور على التنبيه |
يؤيؤيؤ
حسبنا الله ونعم الوكيل فيهم فعلا ياما وياما تجي مثل هذه المسجات على الجوال ومره جت فزت بـ 30000 ألف ريال <<< وااااو بس الحمدلله ما صدقت لأني واثقه انه رقمي ما ثبته بأي شركه ولا اشتركت عشان انتظر الجائزه ولا الفلوس ماهيب جايه بلاش كذا كان ما تشوف احد محتاج هههههههههههههههه جزاك الله خير استاذي الفاضل المشراق على هذا التنبيه والله يكفينا وياكم والمسلمين اجمعين شر هذه الفئه تحياتي وتقديري |
الله يكفينا شرهم ولا يربحهم ربي مشكور اخوي المشراق وعنوان الموضوع رائع وملفت للجميع كل ابونا ندور الدراهم خخخ تحياتي
|
انحش
من له حيلتاً فليحتال |
حسبي الله ونعم الوكيل
الله لايوفقهم |
كلها كذب وضحك على الناس
عملية نصب عيني عينك خخخخخخخخخخ والانسان الواعي ما تمر علية مثل هذي الامور وشكرا لك اخ الفاضل على التنبئه الله يحمينا ويحمي جميع المسلمين |
اشكركم إخوتي على تفاعلكم مع الموضوع واللي خلاني اصدق في البداية إعطائي رقم الشريحة الداخلي وقال حنا من شركة موبايلي ولما طلب التحويل عرفت الحكاية |
اقتباس:
يؤ حسبي الله ونعم الوكيل حتى رقم الشريحه الداخلي وصلوا له الله يكفينا شرهم وأذاهم |
شركات نصابه
حسبي الله ونعم الوكيل اشكرك اخي على التنبيه |
مانكبنا غير هالعمآله وأبو هنود يجيك من ديرته عآرف وفآهم كل شي وتشوفه تقول أجودي والله ماهو بأجودي حنّا الأجواد ولاّ عليّ الحرآم المفروض نعاملهم مثل الغنم لا والغنم أشوا منهم تاكل وتشرب منها لكن هم وش ترجي منهم !! وأدري اني شطحت عن الموضوع لكن مادام فيها عمآله ماراح نلقى حل لا صآر جيرآن قسم الجوازات فالريآض شقة عمآله مزوّره << يعني عيني عينك |
عصابات محترفه بطريقة النصب والاحتيال لجمع الاموال , سمعنا كثيرا من القصص عنهم
وطالعتنا الصحف بأخبارهم وفي جميع المجالات والانشطة , وسوف تزداد المشكلة طالما العوقبة الرادعة لاتطبق , ومن أمن العقوبة أساء الادب ولكن مطلوب في هالزمن نرفع درجة الحذرمع المحافظة على الاذكار الواردة في السنة والله خير حافظ , مشكور ابا عبدالعزيز على التنويه والحرص . |
جزاك الله خير يابو عبد العزيز على التنبيه
|
تنبيه مهم ..
عليهم حركات الله يهديهم .. جزاك الله كل الخير وبارك الله فيك اخي الفاضل المشراق |
مشكور ع التنبيه
|
هههههههههههههههههه انا صار لي نفس الموقف وحسيت اني مسكييييييييييييييييييييين :new8: دق علي رقم خاص .. الو السلام عليكم ؟ هلا وعليكم السلام من معي ؟ انت فززت معنا بسيارة بي ام دبليو والله اني من الفرحه بغيت اقوله قل والله !!!!!!!https://www.tran33m.com/vb/smiles/images/19/MSN-017.gif ههههههههههههههههه مانب مصدق عاد المضحك اني كنت جالس عند خوياي واطلع منهم برى واكلم مابيهم ينظلوني هههههههههههههههههههههه >>> بدوي:p (19): موقف صراحه كل ماتذكرته وكل ماتذكروه خوياي قاموا يضحكون علي المهم اني كنت اكلمه قلت طيب الحين شلون اخذ الجايزه قال خلك معنا على الخط بس انت وين ساكن قلت انا من المنطقه الشرقيه >> بشر امك :038: قال عطنا عنوانك علشان نرسل لك السياره والف مبرووووك وانا اتشقق من الفرحه قلت الله يبارك فيك ماقصرتوا الله يوفقكم شلون اقدر اخذ السياره الحين قال خلك معي الخط وان شاءالله ننسق معك قلت ابشرررر ببقى معك على الخط المهم وابقى معه على الخط واسمع وشوشة الخط ومدري واحس انه طولت وانا انتظر شوي الا يوم كلمني قال خلاص بس باقي تعطيني رقم حسابك قلت دقيقه خلك معي المهم واطلع البوك وانا حاط السماعه على كتفي >>> مشغول https://www.tran33m.com/vb/smiles/images/12/F_011.gif واجلس اقريه الرقم هههههههههههه لا واقول له من اليسار لليمين مابي الجايزه تروح علي https://www.tran33m.com/vb/smiles/images/12/F_059.gif اقسم بالله مامداني اقوله رقمين الا يوم طلع واحد من خوياي الله يجزاه خير وصديق خاص لي جداً ويجلس يأشر لي بيده وش فيك .. وانزل السماعه واعلمه ويخم الجوال مني ويقفل :chair: صراحه زعلت علييييييييييييييييييييييييييييييييييييه قلت خير يابو الشباب ليه تقفل ؟؟؟ :anger2: قال ذولا يلعبون عليك يالغبي مجنون انت ؟؟؟؟؟:anger2: وقام يفهمني الموضوع واقنعني انهم نصابين عاد وقتها ماعاد ادري وش اقول !!!!!:in_love: وحسيت اني ماعندي سالفه من جد وانا طالع برى وااعلمه رقم حسابي وعنواني ومتشقق من الفرحه ههههههههههههههههههههههه فا انت يالمشراق ذكرتني بموقفي هذا اللي كل ماتذكرته حمرت خدودي :in_love: وضحكت علي نفسي :new12: استروا على ماوجهتوا https://www.tran33m.com/vb/smiles/ima...zeIcon-436.gif |
حسبنا الله ونعم الوكيل
جزاك الله خير على التنبيه |
((وكيل بنك الرياض يعلمك ان الشيك جاهزالف مبروك اتصل فوراً))
للأسف الرساله اللي بالخط الاحمر وصلتني قبل ثلاث ايام قلت ان شاء الله احتروني بس والله لتبطون , حسبنا الله ونعم الوكيل , لو كان هناك عقاب رادع لاختفوا هؤلاء الشرذمه , مشكور على التنبيه https://up.albrari.com/uploads/13101515231.png |
جزاك الله خير خالي على التنبيه |
المشراق يعطيك العافية على الموضوع |
هههههههههههههههههه ياما وياما حصلت معي والمتصل كان هندي ابو هنود الله لايبارك فيه ضحك علي بالمراوغه بالكلام ولكن بالنهاية صدته مثل صيد الذيب للفريسه
|
بارك الله فيك ع التنبيه
|
منننننننن جججد ترا سارت لزوجت خالي اتصلو عليها باكستان واوهموها بـ مليونين ههههههههه
عاد هيا الله يهديها ما صدقت وحولت لهم 2000 ريال وراحت بلااااش سبحان الله وبحمده سبحان الله العظيم |
السلام عليكم
اثناء البحث عن موضوع النصب والاحتيال من قبل بعض الاشخاص الاجانب في محرك البحث .. صادفني موضوعكم ..واحببت المشاركة .. السموحه على رفع الموضوع .. بما ان الموضوع تم كتابته من شهر 7 ميلادي وها نحن الان في شهر 9 ميلادي ..الا ان ظاهرة النصب والاحتيال مازالت موجودة الى الان .. واقربها ما صار لـ زميلي بالعمل .. حيث واثناء اتصالي له بالخط الثابت .. جاله اتصال على جواله رنتين وقفل الخط .. اتصال عليه .. وقاله نحن شركة ... ولقد فزت بمبلغ 200 الف ريال + سيارة Bmw وبعدين قاله وش اسمك .. قاله ليه الاسم ما يطلع عندك في السيستم قاله الا يطلع بس نبغاه على وجه السرعة .. شك في الموضوع واعطاه اسم وهمي وقاله في رقم في الشريحه واعطاه اياه اذا نفسه اتصل .. شاف الشريحه وطلع نفس الرقم .. وطبعاًَ الرقم هو اول سته ارقام تكون متشابه في جميع شرائح الشركة .. المهم اعطاه معلومات وهميه وقاله اذا تبغى الجائزة بسرعة اشتري بطاقات شحن بقيمه 300 ريال وارسلها على رقمي .. المهم عرف ان الموضوع نصب واحتيال .. وفي الليل راح مكتب شركة الاتصالات وقاله الموضوع اللي صار له في الصباح .. طلب الموضوع رقم المتصل .. وطلع رقم لشركة وليس لرقم فرد او شخص وقاله الموظف ما اقدر اسوي شي لان الرقم خاص باسم شركة وليس فرد .. وحذره الموظف من التعامل مع مثل هالاشخاص .. والله يكفينا شرهم |
هههههههه الله يعطيك العافيه اخوي المشراق عالتنبيه
أنا خويي صارت له نفس القصه وصدق اول مره فرحان وجاء قالي السالفه قلتله ترا هذا خداع اتصل مره ثانيه بالرقم واتصل ونفس الكلام فزت ب 200 الف وسياره Bmw بس ارسل بطاقه سحن ب 1200 ريال ورقم الهويه والحساب عشان تحويل الفلوس قلت لخويي اصبر انا اوريك فيه وأنشر رقمه بين الشباب ومسكت عليه والشباب ماقصروا يدقون ويرد الهندي ويكلمونه وطقطقه فوق راسه ونتصل عليه اكثر من مره من نفس الرقم وله عين يقول مبروك المهم قلنا نسوي مقلب فيه جمعنا كل البطاقات الشحن المشحونه مستهلكه ونعطيه الرقم ويقول الرقم خطا واعطه الرقم الثاني ويالله ليلك ليل وطبعا كل هذا على حسابه حرام راح فيها الهندي مصدق وهذا هو الرقم 0506529007 |
| الساعة الآن 06:18 AM |
Powered by vBulletin .
جميع الحقوق محفوظة © لشبكة ومنتديات البراري 2010