|
السهل القاعد الجفر اللحيانية واجواء شتويه
بسم الله الرحمن الرحيم اسعد الله اوقاتكم احبتي اطرح بين ايديكم رحلة شتويه وكانت في منتصف المربعانية لهذا العام وكانت بصحبت استاذي واخي وزميلي الفاضل ساري 15 وكانت الوجهه الى النفود الكبير وكان الهدف من الرحلة تتبع الحيا ولعلنا نوافق الصقيع على النفود ولله الحمد كانت الرحله موفقه وجميله والاهم انها هادئه والسبب واضح لاننا 2 بس... على العموم ماراح اطول عليكم وراح اعلق على كل صوره تعليق بسيط ويمكن تعليق واحد على اكثر من صوره كانت الانطلاقه من البكيرية باتجاه قبه ولله الحمد وافقنا شعيب السهل وفيه نقع عقب سيل طيب https://up.albrari.com/uploads/13003063961.jpg بعدها توجهنا لبقعاء مرورا بسامودة لينه تربة بقعاء الخطه القاعد وهذي لقطه للقاعد خلف النفود والارض ممطوره والكشاته مستانسين https://up.albrari.com/uploads/13003063962.jpg بعدها توجهنا للخطه وم الخطه للجفر وكان الطريق للجفر ضيق والكشاته واجد والشباب مراقى بمراقى ويحق لهم الارض ممطوره والجو روعه ويازين نفوسهم هل الشمال https://up.albrari.com/uploads/13003063963.jpg ولا انسى اننا مرينا على عبدالكريم عاد عبدالكريم هذا سالفه لحاله راعي سوداني والحق يقال انه كريم حيل والسر ورا كرمه اكيد كرم كفيله وهو نفسه طيبه وكفيله اطيب نفس بعد لاننا في رحله ثانيه صادفنا صاحب الحلال وكان وجه مبارك القصد من الكلام انك اول ماتاصل حول عبدالكريم يستقبلك بهكا الغذاره المليانه حليب وحليب ولا اطيب دواء من جد ككلنا دربنا وليقنا النود ممطور حيل والصوره تحكي https://up.albrari.com/uploads/130030639610.jpg تمشينا بهالنفود الي يشرح الصدر ويوسع الخاطر والحمد لله الارض زينه وريح الندى والرطوبه لا يوصف قطعنا مسافه في النفود وبعدها اخترنا مكان التبيته وهذي شبتنا وهذ الغالي ابو عبود (ساري 15) https://up.albrari.com/uploads/13003063964.jpg وطبعا الحميمات على النار وبقدر عادي رايق يابو عبود رايق يلهي نفسه يدور اقمار ههههههه https://up.albrari.com/uploads/13003063965.jpg كانت لليله بارده بس خبركم النفود غضا ومالي الارض وكل غضاة تقول خذني انا تعشينا وامرحنا وكانت نومه ولا احلى ويم اصبحنا وقبل طلوع الشمس بساعه او اكثر واذا الجو ... https://up.albrari.com/uploads/130030639612.jpg صقيع صقيع صقيع والاخ يشخص قايل لكم رايق https://up.albrari.com/uploads/130030639613.jpg درجه الحراره ice https://up.albrari.com/uploads/130030639614.jpg داخل الموتر https://up.albrari.com/uploads/130030639615.jpg منظر النفود والشروق والندى والصقيع امممممممممم https://up.albrari.com/uploads/130030639611.jpg ولكم كم صوره منظر الطعوس والسيوف بياض ياسلام https://up.albrari.com/uploads/13003064371.jpg https://up.albrari.com/uploads/130030639616.jpg https://up.albrari.com/uploads/13003063968.jpg https://up.albrari.com/uploads/13003063967.jpg وهذا ضيف بس للاسف مات قبل يعرف عن نفسه https://up.albrari.com/uploads/13003063969.jpg وهذي كوره جمعتها من تندة الموتر وفي راس ابوعبوووود https://up.albrari.com/uploads/13003063966.jpg وااااسف على الاطاله وكنت اتمنى انزل الموضوع بوقته بس كثرة الطلعات من فضل الله محبكم .... بن غضيان https://up.albrari.com/uploads/13003064372.jpg طبعا هالغضاة سميتها ام الغضاء وانتظرو الرحلة الثانيه والثالثه نقذه ورطيان عذفاء خوعاء اللحيانية قيصومة فيحان والخير جااااي واستودعكم الله على امل لقاء قريب |
ماشاء الله تبارك الرحمن رحله موفقه تقرير رائع ومميز بارك الله فيك |
ما شااااء الله تبااارك الله
تسلم يمينك اخوووي على هالتقرير وننتظر ابدعاتك الاخرى مشكووووور سلام |
شكرا
والله ع طلعات النفود ننتظرك بس قلي كيف صورت من فوق (الباترول وخويك المشخص)!؟ تسلم يمينك |
خوش رحله بيض الله وجهك
|
[quote=هنا القريات;1219890]شكرا
والله ع طلعات النفود ننتظرك بس قلي كيف صورت من فوق (الباترول وخويك المشخص)!؟ تسلم يمينك[/quot] ههههههههههههههه الله يرجك يا هنا القرياااات ههههههههه حلوووووووه وتسلم يمينك يابن غضيان |
تسلم يمينك اخوووي على هالتقرير
|
ماشاء الله تبارك الله
حياك الله يا بن غضيان وحيالله خويك الساري15 .. ونعم فيكم جميع فعلاً كانت رحله جميله في نفودنا الغالي الغني بأسراره والجو كان بارد جداً .. بس يهون ع مثل هالرحلات اللي تشرح البال وتونس الخاطر حفظكم الله وبارك الله فيك اخي الفاضل بن غضيان |
اقتباس:
|
اقتباس:
مرورك يشرفني ويعطيني دافع كبير وان شاء الله نبيض الوجه |
اقتباس:
ن شاء الله تخوينا بكشته مع الاخ ساري واخذ لكم صوره مثلها والجو كايف تسلم على مرورك ياحبنا لريحة الشمال |
اقتباس:
شكرا |
اقتباس:
|
اقتباس:
|
تقرير رائع وصور جميلة مشكور والله يعطيك العافية |
ان شاء الله
اخاوي مثلك وشرواك و نمر ع نياق (خوالي) شمال شرق القاعد النفود (مسقط راس ) والدتي ومربى صباها (رحمها الله) عند ام القلبان وجبه والشقيق حيث الضبا ء يجيب خالي عيالها و يرضعها من الغنم نتشرف اخوي |
| الساعة الآن 01:19 AM |
Powered by vBulletin .
جميع الحقوق محفوظة © لشبكة ومنتديات البراري 2010