|
بداية نجاح _ تجربه شعريه _ إطرح مالديك وستجد النقد الهادف ممن تريد
بعد إذن الإداريين والاعضاء سيكون هذا الموضوع خاص لمن لديه بداية نجاح تجربه شعريه بيت شعر يريد وزنه او إقفاءه بقافيه مناسبه او قوة معناه بعد ذكر المناسبة ويكون النقد على شروط اما ان يحدد العضو المشارك من يريد نقده او يجعل النقد مفتوح ويكون النقد هادف ومن دون تجريح وأبدا بأول الركب انا صفيت لي سبعة حروف بغاية المعنا .... وابا أستر لي ضمير او عادةً لي ماتحداني صعوباتً في المعنى وانا ما أضن تمنعنا .... حكايات ال جحاء وان سولفوها افلان وفلاني ولو هي هاجت الحرب المريره ما تراجعنا .... عن سلومً تثبتها هلي ذربين الايماني وا أطلب من رعد الشمال مجاراتها او الرد والنقد ومن الركام والذعذاع النقد ودمتم سالمين |
موضوع جميل وتم التثبيت وبأنتظار تفاعل شعراءنا |
اقتباس:
أخي ذعاذيع الصباء أشكرك على هذا الموضوع وهذه الفكره الجميله اللتي يستفيد منها محاولي كتابة الشعر الجدد 0 أتمنى أن يفتح المجال لهم لكي يبدو محاولاتهم والشعراء المتواجدين يقومون بتعديل مشاركاتهم وتوضيح الاخطاء بها ارجو قبول ابياتي في ردي عليك لاأني لست الشاعر المتمكن تقبل تحيتي وردي انا ماني بشاعر بس اذوقه ياتسمعنا == اليا صاغه مثل شرواك لي في زين الالحاني تراء نطرب بها الموضوع هذا ياتجمعنا == اليا صارت سواليف وقصيد ونقد الاوزاني جديد الشعر يضبط زين يامنه دخل معنا == يفيد ويستفيد اللـــي توجـــــــه يمنا عاني |
اقتباس:
شكرا لك ذعاذيع الصباء على فتح الموضوع وشكرا للمشرف ابو ناصرالشريف على تثبيت الموضوع وان شاء الله يستفيد الجميع انا صفيت لي سبعة حروف بغاية المعنا .... وابستر لي ضمير و عادةً لي ماتحداني صعوبات المعاني ماضن انها بتمنعنا.... حكايات الجحاء وان سولفوها افلان وفلاني ولو هي هاجت الحرب المريره ما تراجعنا .... عن سلومً تثبتها هلي ذربين الايماني هذا ماعندي والتعديل من اجل الوزن |
وهذه الابيات كتبتها نصح لمن بدأ بكتابة الشعر رسـالـة لمنـهـو بــدا الشـعـر يكـتـب اليـا بغـيـت الشـعـر ياتـيـك طـوعـي الــزم ثــلاث وخــل بـيـتـك مـرتــب الـوزن و المعنـى وقــاف سجـوعـي وتـخـيـر لـقـولـك بـوقــت مـنـاســب و اختـار وقــت فـيـه كــل هجـوعـي واليـا اجتمـع عنـدك معـانـي فـهـذب وخل الفراش وخـل زيـن الطبوعـي وخذ القلم واكتب من الشعر و اسهب تلقـى المعانـي كلهـا لــك خضـوعـي وغنه بلحن وارفع الصوت واطـرب و ارسـل لنـا ابيـات شعـرك تبوعـي وان كان ماجالك مـع الشعـر مذهـب خلـه تــرى مافـيـه ســد لـجـو عــي خـلـه تــرى مافـيـه زود و مـكـسـب لاشـك فــي بعـضـه بتلـقـى نفـوعـي ابيـات شعـر صاغـهـا لــك مـجـرب هـديــة مـالــي وراهــــا طـمـوعــي الركام |
ابو ناصر الشريف شرفتني وشرفة موضوعي بتثبيته الله يثبتك على الطاعه رعد الشمال رد وافي وبيض الله وجهك لاكن ماهو الضمير المستتر ؟ الركام مشكور على ابداء نقدك ومنكم نستفيد نود حل الضمير المستتر ما هو ؟ |
الشعر كلام مركب مقفاء وموزون
يصعب على المبتدئ معرفة الكسر البسيط في وزن البيت ولاكن يسهل عليه عندما يغني البيت بأن يشيله في لحن يبين من خلال ذلك وزنه والخلل إن وجد فيه نأخذ مثل قول الشاعر هبت هبوب الشمال او بردها شيني .... ماتدفي النار لو حنا شعمناها فعندما نشيلها او تجر على الربابه كما جرها الملحن المشهور مهلي الضفيري نجد الاستمتاع بها وبإلحانها لانها مجوده بالوزن والقافيه لاكن لو نقول هبت هبوب الشمال او بردها شيني .... ما تدفي النار لو حنا شبيناها تجد كلمة شبيناها ركيكه على اللحن لانها تكسر البيت اولأ لتقارب مخارج الحروف وإلا فعدد الحروف بقولنا شعمناها 7 وبقولنا شبيناها 7 والكلمتين متطابقتي الحروف ماعدا الحرفين ما بعد الاول وهما التي تكمن فيهما المشكلة الا وهي تقارب نطق الحروف والشدة الموجوده على الباء مما يولد حرف اخر ويزداد عدد الأحرف الى 8 نلاحظ قولنا شبيناها حرف الشين والباء المشدده والياء جميعهما تنطق بالشفتين والنون براس اللسان قريبه من الشفتين مما يجعل الكلمه ثقيله على الملحن ومسببه كسر في عجز الشطر الاخير من البيت اما في البيت الاصلي فالكلمه إذا تأملناها نجدها متفاوته بمخارج الحروف مما يضيف اليها حسن لفظي وغنائي هذا ما استطعت ان اضيفه لكم بهذا اليوم ولنا لقاءً اخر والسلام عليكم |
اقتباس:
تعديل من اجل الوزن محلاه من مــوت يجمعنا بتابـــــوت موتت جسد في جسد وارواحنا حيه شوقي لشوفـك يخل الصـدر مكبـوت وضيـعت مابين نـــور الشمس والفيه موج البحرماطلع من وسطه الحوت ولا انطوت صفحة الا قيل مطــويه |
اقتباس:
اقتباس:
https://www.albrari.com/vb/images/icons/icon4.gif دق ناقوس الخطر يا اصحاب النقد مزن البرد شاعر غني عن التعريف ومشاركته إختبار فالحذر كل الحذر ولاكن لا يمنع ذلك ان ادلي بدلوي ولا طويت الصفحه الا قيل مطــويه غنيتها في اكثر من ثلاث الحان وضبطت في شيله واحده وعندما وصلت هذا الشطر حسيت بصعوبه فخففت نطق "ولا" وشكلت "إلاّ" وضبطت مع اللحن وفي نهاية الشطر الاول بقوله الحوت مديت نطق الواو بمقدار ثلاث حروف وضبط الوضع ميه على ميه يابو خالد ننتظر النتيجة |
ذعآذيع آلصباء
يعطيك العآفيه على هذا آلموضوع اللي راح أستفيد ويستفيد منه غيري من نقد وتعديل وضبط آلقصيده لا هنت يابو نآصر على التثبيت وبالنسبه لي أنا ماني بشآعر فقط لي طوآري بيني وبين نفسي ورآح أطرحها هُنا وقد يكون هذا اختبار بسيط لي وأرجوا أن لا أحد يآخذ بخآطره عليّ سواءً في نقد أو تعديل أو غيره كما أني أرحب بالنقد : أضع هذه الأبيات بين أيديكم وأنا مرحّب بنقدها إن كأنت تستحق آلنقد ! أقول فيها : يآصآحبي ليه آلهجر والقطآعه تجفى وتهجرني بلآ عذر وأسبآب مشغول فيك أربع وعشرين سآعه حتى لذيذ آلنوم للعين ما طآب |
اقتباس:
ههههههههههههههههههههههههههه والله انك داهيه يامزن اختبار حته وحده تدري عاد انا ابغير ابيك تقول لي راااااااااااسب ههههههههه ابغير به على كيفي محـــلاه من موت يجمعنا بتابوت موتت جسد في جسد وارواح حيه شوقي لشوفك يخل الصدر مكبوت ويضـــيع مابين شمس وبين فــــيه موج البحر ماطلع من بطنه الحوت وما تفقد الصــفحه الا عقب طــــيه |
اقتباس:
ابيات قمة الروعه |
اقتباس:
ههههههههههههههههههههه ناقوس الخطر بجد مشكله الشعراء ماتدري اختبارهم من جدهم قصيدته جميله بس انا تعبثت به هههههههههه |
المفروض إن هذا الموضوع يكون ( سآهر المبتدئين في آلشعر ) << ههه لا أحد يصدق
|
اقتباس:
ولا خاب ضني فيك شاعر وننتظر المزيد |
ارسل لي احد الشعار المتميزين بيت ويقول فيه في السنه معروفً العيد عيدين ... ونبغا وجودك بيننا زود عيدي فرديت عليه يا مرحبا يابن الرجال الميامين ... عداد براق الوسوم ويزيدي يابن الرجال الي من اول وهالحين ... ادهاة قومً يدبون العنيدي على ضهور الي تدك الميادين ... كم طاح عند نحورهن من عقيدي اخوان سندا ملحقين المخلين ... وأحفادهم عن دربهم ماتحيدي الرجاء النقد من الجميع من دون التعديل |
اقتباس:
|
اقتباس:
<< أقول اخلص لا تسوي لي د. غسان لكن يوجد ضعف في أحد أبيآت آلقصيده في البيت الثآني فـ الشطر الثآني والبيت اللي باللون الأحمر هو اللي فيه ضعف |
الله حيهم واشكر صاحب الفكره ومنفذها على تطوير الشعر
وهذي ابياتي وعلموني وش اخطائي بالتفصيل ولاعليكم امر قلبي وسط العشق مذبوب لاكنه تعلق بقلب(ن)فيه عذروب تدرون وشو ياهل القلوب مبطي عن شوفته وهذا هو المكتوب |
اقتباس:
المهم الأبيات تفتقد للوزن تماماً ومعناها ضعيف وأنا من وجهة نظري وأنا أخوك أنت مشكلتك في الوزن ( أنت ركز على الوزن وبس ).. كيف تركز على الوزن .. تدور لك طآروق لـ شيله في بالك وتبدا تركب عليه الأبيآت بحيث أنك إذا ركبت الأبيات على هالطاروق راح تكون كأنها نفس الشيله اللي سمعتها لكن بتغيير الأبيات ! |
اقتباس:
وش رايك لو اقول من روس قومً يدبون العنيدي او شيوخ قومً يدبون العنيدي عطني رايك لزوم او عدلها انت مسموح |
اقتباس:
ومشكور على المشاركة والإطراء وجميع ما تجده ضعه بهذا الموضوع ولا يصير عندك اي تردد تفيدنا ونفيدك |
هههه ابي اتعبكم معي طيب وشرايكم بهالبويتات
هذي اخرمره ------------------------------------------ انا اباخـــ،ذ بهـــــالدنـــــيا مره ومــرات:::مدام عمــــري لـــلفـــنا ذامصــــيـــره باخــــذجـــوله وجــوله وكــل الجـــولات:::وســط قـــلـب(ن)ذاق ايامن وعيــره بمشي وسط عروقه ولاهمني طول المسافات:::وبحل وارحل من مصيره لوريده |
اقتباس:
لاكن ماعندك الى هالبيت ذا دور له اخو مدام عمــــري لـــلفـــنا ذامصــــيـــره لاباس به من حيث الوزن وتناسق الكلمات والقافيه |
اقتباس:
وهنا في البيت نبي نستغني عن الكلمه ( يدبون ) الموضحه في آلبيت ولو قلت >> ( محاربين ) راح تركب معك ولو رجعت وقلتها مرّه أُخرى ومن البدايه يعني من يوم قلت ( إدهاة قوم محاربين آلعنيدي ) << راح تشوف الفرق وجرّب وجرّ صوتك . بس انتبه لا أحد يسمعك ويقول هذا والله اللي ماهو بصاحي اليوم << هههه أمزح شوف وجرّب ورد عليّ .. لاهنت وأنا قد أصيب وقد أخطي في نقدي لك والحمد لله على كل حال |
مراسل مدركة مساء الخير ماشاء الله عليك ناقد بصير لماذا لم تعلق على ابيات مزن البرد وهل عندك ملاحظة ام انها سليمة وهل لك قصائد منشورة او محفوظة اذا كان هناك شي محفوظ فلا تبخل علينا بنشرها وشكرا لك |
أخي العزيز / ذعاذيع الصباء موضوع رائع وجميل يثري ساحة الأدب الشعري هنا أشكرك من القلب على تميزك بطرح هذا الموضوع الجميل استمعت حقا ً بمداخلات الأعضاء الكرام وتعقيباتهم الرائعة ليس لدي ما أقوله بحضرة الشعار المتألقين سوى هذه البويتات المتواضعه آمل أن تجد منكم القبول والتعليق / أسهر على بوح المشاعر واطرق اللحن الطروب وأرتب حروفي واغنيها على البحر المديد افضفض همومي وأسلي ضيقة الصدر الرحوب وأقول يا دنيا الشقى ما أحد ٍ قضى عمره سعيد مأحد ٍ على مركب حياته صافحه كف الهبوب لو كان في غبة بحر والموج في دفعه شديد واذكّره كيف الزمن سلسل مواقيت الذهوب كيف الدهر يرسم على وجه الوله حيره وبيد وألمح بعيني نوض برق ٍ ذاب في غر النصوب يا كثر ما عشت الندى قدام لا يرحل بعيد يا كثر ما حار السهر بالعين في لحظة هروب ويا كثر ما غنى صباح الوجد مع طير الجريد أثر السهر لا صار عارم يشجي القاف العذوب لا تاه في هيم المشاعر صاحب الرأي السديد صبح المطر |
مشاركه بسيطه لذعاذيع الصبا ارجو رده ونقده ومشاركة الجميع
:0q: :0q: :0q: :0q: :0q: :0q: :0q: :0q: :0q: :0q: :0q: :0q: الا ياراعي العقله نويتك والعـــــــــلوم اعلوم****بلاش امن العلوم الي توردها تصدرهــا ترى مكوى البعير الي يقولونه يجر اوســوم****وتفاسير الحلوم اليوم يامكثر مفسرهــــا قبل تسعه بعد سبعه تابا تصبح عليك ارسوم****وشوفك بالبراري يازعيم القوم شاعرها |
صح لسانك اخي صبح المطر قصيده جزله من جزل |
اقتباس:
يامرحبا فيك وفي نقدك فأنت مدرسة من دون مجامله ولاكن ابسألك هل نقدك على الشطر وبالذات "يدبون" ضعف في المعنى وتركيبها على العنيدي او ضعف للفظي او خلل في الوزن وصراحة مقتنع بالتعديل الي ذكرت لاكن ودي توضح اكثر |
صبح المطر ابو زياد بيض الله وجهك وانت مكسب للجميع سلس الأسلوب غزير اللفظ نقي المعنى وبسألك عن البيت الأتي افضفض همومي وأسلي ضيقة الصدر الرحوب ضيقة الصدر لاتكمن الى بالصدر الضيق المشحون بالهموم والذي يبحث صاحبه عن التسليه لديه والرحوب منافي لما ذكر بالمعاناه وكأني لاحظت تنافي بالصفه والخبر وانت استاذ للشعر لاكن ما يمنع انك توجهنا حتى بالنقد الهادف ومراسل مدركة اكيد له تعريج |
اقتباس:
جانا ابو زياد من يفكني منه الليله امهلني وبكره تلقاء الرد وتراه اخوي الكبير يالربع ان غلبني ماهي غليبه وان غلبته مايحتاج اقولها انتم ادرى . |
اقتباس:
|
يابخت من نام متهني
مرتاح باله ومحدن طراله شفت بهالدنيا علوم فتـنـني واللي راح وين نلقى بداله |
اقتباس:
حياك الله هذه على وزن الكسرات لكن الشطر الاول فقط هو الموزون |
اقتباس:
صح بدنك اخوي رعد الشمال تسلم ولا هنت ،، ما عليك زود تحيتي |
اقتباس:
وجهك أبيض يا ذعاذيع الصباء وما عليك زود طال عمرك شهادة أعتز فيها وأفتخر افضفض همومي واسلي ضيقة الصدر الرحوب صاحب الصدر الواسع أو الحليم لا بد أن يعتري هاجسه بعض الهموم والخواطر حتى ولو عرف عنه رحابة الصدر وهذا ما قصدته أخي ،، شاكر ومقدر تعقيبك الجميل ومنكم ومن بقية الأخوة نستفيد أجمل تحياتي |
المعذره على التأخير
موضووووع جدا أعجبني لاهنت ياذعاذيع الصباء يستاهل التثبيت وصحت ألسنتكم جميع ولي عوده بإذن الله |
موضوع جميل . شكراً للجميع. |
اقتباس:
|
| الساعة الآن 05:38 AM |
Powered by vBulletin .
جميع الحقوق محفوظة © لشبكة ومنتديات البراري 2010