|
بقول سالفه انا فيها نصاب ...ابيك تكتشف وين نصبت فيه ولك جايزه .
طلعت الربوع
مجهز نفسي للمبيت ثلاث ليالي وكان تجهيزي كامل مكمل من كل ما يخطر ببالك اكل ( مكرونه واندومي ومعلبات وفشار ) حطب كشاف شحن ماء فلتر ماء دربيل ليلي بس ساكتون نصع لرمي الساكتون وطفاية حريق دفاع عن النفس . وطبعا تلفزيون وريسفر ودش انا اوزنه . وأشياء اخرا تعتبر اسرار ما ودي اكشفها عشانها ما تستغل في اشياء تؤذي البشره . السالفه قضيت افضل ايام حياتي بصراحه تمقنص واكل البر ما راح ينساني . ورجع للبت وانا تعبان منهار من كثر الصيد تصدقون الله يغفر لي حتى صلات الجمعه ما صليتها . المهم عيالي انبسطو على سلامتي وعلمو كل الناس اني رجعت بالسلامه . اول ثلاث ايجابات صح راح تتواصل معك جهة ما . او أنا اراسله على الخاص شحن بطاقه سوا بمية ريال او مية ريال / طبعا يا أخواني هاذي اشياء رمزيه لاتعني شي مهم لكم ولي ولاكن للتسليه . والمنتدى بعيد عن مثل هالمواضيع الصغيره بيننا . خلونا نتسلى فقط . اول |
:)
اقتباس:
احدى الخيارين ولعلي اصبت ان شاء الله .. :) |
اقتباس:
حنا ما نبيع خيار هنا جب ايجابتك ولا شف لك حل وين تنام بالبر معي . قال خيارين قال |
نصع لرمي الساكتون رميه من غير رامي |
ورجع للبت وانا تعبان منهار من كثر الصيد
تصدقون الله يغفر لي حتى صلات الجمعه ما صليتها . مجهز نفسك للمبيت لثلاث ليال في البر وحسب الفقرة اللي فوق افهم انك رجعت قبل صلاة الجمعة يعني ماكملت ثلاث ليال |
والله يابو البر دوخت الناس مايفك شفراتك الا ابو حمد تحياتي
|
وعلمو كل الناس اني رجعت بالسلامه . انا من الناس ولا عرفت انك طلعت او رجعت واكيد ان طلوعك ورجوعك ماعلم عن اكثر الناس |
طفاية حريق للدفاع عن النفس ،، انشاء الله نفوز
ودي وتقديري |
((البر ما راح ينساني)) توقعي ان هذي النصبه هههههههه هو ذكرك البر عشان ينساك ههههههههه وين الجائزه هههههه |
اقتباس:
انت تقول انك ماصليت الجمعه مقصدك انك رجعت قبل صلاه الجمعه تعبان بالحيل .!! وفي بدايه الموضوع انت قلت (طلعت الربوع مجهز نفسي للمبيت ثلاث ليالي) يعني المفروض ترجع ليله السبت .. ان شاء الله ان تكون اجابتي صحيحه :) وآسف على الاطاله وهالمره اختيار واحد |
اكل ( مكرونه واندومي ومعلبات وفشار )
طالع للبرللصيد ومعك أندومي وفشار؟! |
كلها نصب :038:.. ولاتزعل علينا اخاف كبريت ام الدانه بجيب ابوحمد
|
اقتباس:
انا راجع لك . |
اقتباس:
|
اقتباس:
واللي انا اقصده نصبه واضحه اكبر منها ( راهيه). |
اقتباس:
فكر فيها شوي . |
اقتباس:
واللي قصدته نصبه راهيه . |
اقتباس:
انت بالذات . عطني فرصه . |
اقتباس:
|
ابو البر السالفة كلها نصب :038:
|
اقتباس:
اول نصبه التلفزيون والرسيفر والدش مايشتغل بالبرد بدون ماطور كهربائي ههههه الثانيه انت ماصدت شيء علشان تاكل من الصيد وفوق ذلك لم تذكر انك صدت شيء هههههه الثالثه انت ذكرت انك رجعت للبيت منهار وتعبان كيف استقبلوك عيالك وعلمو الناس بسلامتك وانت تعبان تدور الفراش هههههه وشكرا |
مكرونه واندومي ومعلبات وفشار
هذي النصبه الكبيره يابو البر بر واندومي وفشار يالله ارسل البطاقة ترا جوالي زين |
اقتباس:
|
ليتك علمتني أخاويك :p (18):
ما معك مكينة فشار << يستهبل |
السلام عليكم بعيداً عن نصبتك .. الموضوع انت حاطه للجميع ,, ولا أرى أن له داعي أصلاً تتريق و(تتطنز ) على الرجال حوطة سدير خيار ومدري وشو أحمد ربك شارك في موضوعك .. أما تسوي فيها ( أنا الضريف ) وبضحك الناس اوكي .. ماقلنا شي ضحكهم لكن مو على حسـاب الأعضاء وكرامتهم !! نقطه أرجوا الإنتبــاه لها جيداً .. وفي إنتظار ردك على ( حوطة سدير ) حقيقه أسلوبك يجبر الجميع على عدم إحترامك .. وإعذرني ولكن إحترم الناس كي تحضى بإحترامهم دمتم بخير |
اقتباس:
|
اكبر نصاب أصلاً مارحت للبر لا تقعد تهلس على الناس وتلعب بعقولهم اقول لا تواخذون الرجال تراه كله حلم ليل وأقولها حدك باب بيتكم .. يا طفاية حريق .. هههههههههههههههههه.. ابو حمد،، |
اقتباس:
كيف حالك ياخوي ابو البر حبيبنا واخونا ولا فيه داعي الكلام الله يهديك ونحن نرحب بك في شبكتنا وياهلابك واللى مايعرفك يجهلك.. وابو البر عمدة الجميع ولا احد يشك في نيته الطيبه ابداً ونحن تعودنا عليه وقريب جداً من الاعضاء بل نسعد بمواضيعه وتعليقاته اللتى لا تخلوا من الدعابه خفيفة الظل حياك الله وياهلابك من جديد وان شاء الله تصير انت وابو البر في رحلة قنص لوحدكم وانا معكم .. وانت يابو البر اعقل شوي ..والا عود كبريت ام الدانه ما طفى حتى الآن وترى الصمعاني جارنا وانت عارف مطرقين وحلقتين على راسك تعقلك .. وهذه الورود هديه منى لك ( فوتوغرافي سدير ).. https://up.albrari.com/uploads/12914698651.gifhttps://up.albrari.com/uploads/12914698651.gifhttps://up.albrari.com/uploads/12914698651.gifhttps://up.albrari.com/uploads/12914698651.gifhttps://up.albrari.com/uploads/12914698651.gif ابو حمد،، |
أجل أنت رحت للبر << ماهو مصدّق
|
اقتباس:
ماقلنـا شي يمزح .. لكن يمزح موب على حساب الأعضـاء .. والمزح لـه حدود .. يعني الــرجال قال جـوابه .. خلاص يقول خطأ وقضينا .. لكن ماحبكت إلا يمزح على رده !!! الله يهدينا والجميع ,, اقتباس:
هــلا بك أبو حمد .. حقيقه أنا أفخر بإنتمائي للبــراري ,, ولم أتشرف حتى الآن بمعرفه الأخ أبو البر .. لكن من لا يعرفه ويقرأ رده .. يأخذ فكره سيئه عن البــراري قبل الأخ أبوالبر .. وهذا شي أنا شخصياً ما أقبــله .. وأبو البر انا متابع لمواضيـعه التي فيها حقيقه دعابة .. لكن دعابة عن دعابه تفرق يا أبو حمد !! عموماً .. شاكر لك إهتمــامك يا الغالي .. وأنا ما شـاركت وسجلت فـ البراري ألا لكم وإليكم ,, ولا لي في القنص .. أنا تسجيلي للبراري لمتابعه وعرض اخبار الطقس .. وملاحق السحب ,, عموماً .. إن كنت أسأت الظن ,, فسامحوني .. ولكن لا بد أن يعتذر اخينا أبو البر عن حوطة سدير لا سيمــا أنه حقيقه ( فشل الرجال ) ,, يعطيكم العافيـــــة |
أولاً : أنا أشوف إن كلآم أبو البر مافيه أي شي! ولادآعي للزعل وكلنا أخوآن في هذا آلصرح آلشآمخ وهذا مزح لكسر آلروتين اليومي آلممل..
ثانياً : هذه أمور بين أبو البر وحوطة سدير لانتدخل فيها أنا وأنت ثالثاً : المعروف عن أبو البر إنه رجل طيب ومتواضع ويحب الدعآبه والمزح ومهما كآن لانزعل من هذا آلشخص ولو حصل هذا لي.. أُقسم بالله ما أزعل منه |
اقتباس:
إسمح لي .. بأرد عليك نقطه نقطه ,, أولاً : تعقيباً على كلامك إنـك ماتشوف أي شي في كلام أخينــا أبوالبر ,, فهذا شي راجع لك ,, أما أنا أرى فيها أشياء وليس شيء واحد !! وبالنسبة لـزعل .. الله لا يجيب الزعل لكنها حزة في الخاطر وأنا أخوك ..!! وشيـ(ن) في الصدر شفته ولا حبيت أكتمه .. والساكت عن الحق شيطان أخرس ,, وبالنسبـة لأبوالبر .. يعلم الله ماسمعت عنه الا الكلام الطيب ,, وما أكبر دليل الا ردود الأعضـاء تجاهه .. لكن لا بد أن يعتذر للرجال ,, فقد أســاء له بوجهة نظري ,, ثانيــاً : تعقيباً على كلامك .. أنها أمور راجعه بين حوطة سدير وأبوالبر للمعلومية المطلقه .. أنني لم أصل للموضوع إلا عن طريق حوطة سدير !! وحوطة سدير مستاء حقيقه من الوضع .. وهذا اللي خلاني أدافع عنه يا عزيزي ,, ثالثـاً : أنا كما قلت سابقاً مازعلت .. لكنهـا حزة في الخاطر وحبيت أطلعها فقط لا غير !! وإن كنتم تبوني أكتمها كتمتها وأنا أخوك .. وبالنسبة إنه لو حصل لك أو لم يحصل لك هذا شيء راجع لك ولا يعنيني !! أتمنى وضحت لك ما المقصود يا عزيزي ,, لك مودتي ,, |
اقتباس:
|
اقتباس:
جاب العيد بدون شوفت هلالــه .. وإن كان اللي على قلبه على لسانه .. فيه ألف طريقة وطريقه غير نشرها أمام العامـه .. وأعتذر إن أسأت له .. لكن حقيقه تنرفزت .. :( شكراً ,, |
اقول يا اخوان اسعد الله صباحكم واذكرو الله وانسوا الموضوع وابو البر اخونا وعزيز علينا وكذلك فوتوغرافي سدير فالانسان يحتمل اخوه المسلم ولا يحاسبه من اول زله مع العلم اننا لم نرى من ابو البر الا كل علم طيب والاخوان شافو كيف ابو البر يتعامل معى كمشرف وانا آخذ الامور بطيبه ودعابه وهذا ما لمسته من اخونا ابو البر وانا من الناس الذين يتطلعون الى مواضيعه وتعليقاته اما ان كان هناك من الاخوان لا يحبذون ذلك فلهم الخيار بعدم الرد عليه والادارة والمشرفين هنا مطلعيين على كل شيء ولا حرج على الجميع كلنا اخوه تجمعنا كلمة لا اله الا الله ودينه وذكر رسولنا محمد صلى الله عليه وسلم واذكرو الله يا جماعه لانى ما احب الموضوع يطول اكثر.. ابو حمد،، |
والله يا بوالبر ما خليت سطر إلا ونصبت علينا فيه مسوي نفسك عنتر زمانه وهاك الشقردي إلي يقعد أيام ومعه أندومي ومكرونه ودش وطفاية حريق للدفاع عن النفس لا وكله كوم ويوم رجع طويل العمرمن المقناص علمت كل الناس؟؟؟؟ أعتقد وكالة ألأنباء السعوديه منتظره وصول طويل العمر بالسلامه لنقل الخبر للمواطنين هههههههههههههه لكن يابو البر أنت مبدع ورائع وأسلوبك حلو الله يعطيك العافيه لك شكري وتقديري --- ابو احمد |
طلعت الربوع
مجهز نفسي للمبيت ثلاث ليالي لكن رجعت الجمعه يعني مانمت غير ليلتين فقط |
ههههههه ابو البر كلك على بعض نصاب
اخواني أهل سدير ابو البر رجال طيب وأشك في نفسي ولا أشك فيه قلبه ابيض من اللبن بس قاعد يداعب الاعضاء يراهم مثلل اخوانه ولو علم انكم بتزعلون عليه ماداعبكم كل أعضاء المنتدى عارفينه بخفة دمه ارجو ان المعلومه وصلت تحياتي لكم |
خليتوها قضية فضوها سيره
الله يعطيكم العافيه |
اقتباس:
الشي الثاني / يمكن لو رد اخي (حوطة سدير ) ما قسى علي مثلك ...حبينا نمزح شوي وبس . اكرر اسفي وتقديري . وهاذا لا يعني أني ما راح امزح معك او مع حوطة سدير .بالعكس راح استمر بالمزح مع جميع الحبايب ولاكن فقط في مواضيعي اللي اطرحها .واكرر شكري ومحبتي للجميع . تحياتي . |
| الساعة الآن 03:23 AM |
Powered by vBulletin .
جميع الحقوق محفوظة © لشبكة ومنتديات البراري 2010