|
من غير حلف هاذا اللي حصلي مع خروف العيداليوم
سلام يا شباب
سالفتي وقصتي قصه شريت قبل كم يوم خروف العيد ما فيها شي طبعا . كلنا نشتري خرفان في العيد وغير العيد ولاكن بالنسبه لي شي ثاني السالفه انا شريت خروف العيد حجم كبير جبار متجبر يناطح الجدران . وطول الطريق من سوق الغنم وانا افكر كيف انزله من السياره والحمد لله يوم وصلت لشارعنا الا واشوف عيال الجيران واقفين يسولفون واستفزعت فيهم ولا قصرو معي .........وقمنا بتنزيله من السياره وسحبناه الين اخر الحوش وربطناه وتم كل شي على ما يرام . وطبعا انا قمت اهوجس كيف بنذبح هالخروف لآنها المره الآولى اللي اقرر اني اذبح خروف العيد بالبيت والعاده اشتري من السوق على المصلخ على طول . قبل امس جاني ولدي الوحيد وعمره 16 سنه وقال يبه بروح مع خوالي للدمام وابيك توافق فرفضت على طول اي تصرف او اي مغادره حتى خارج البيت قبل ذبح خروف العيد وخصوصا هاذا الخروف بالذات . ولاكن بعد تدخلات من وزيرة الداخليه وبعد مداولات ومحادثات وخصوصا انهم قالو اجيب عامل يساعدني وافقت عشان الولد ما يتعقد ويصير مريض نفساوي . ليلة العيد كنت جالس في الحوش واسولف انا وام العيال ومعنا ولدنا الصغير نتقهوى ...ومن ضمن سوالفي ولقافتي اني لازم انوم بدري عشان اقوم الصبح احصل لي عامل يساعدني في ذبح الخروف ............ولاكن ام العيال رمت علي كلمه خطيره ......خطيره بالمرررررررررره . قالت أفا رجال طول وعرض وتجيب عامل عشان خروف ........كل الشغله خروف وراك مكبر الموضوع . أنا اخذتني العزه بالآثم والتهور ورديت عليها رد تحدي وكأني حسيت با أهانه الى ابعد الحدود . وقلت لها بكل برود وتواضع مدفون بالحقد العميق الغير مسبوق (انا قصدي )ما اوجع راسي بالصلخ ولاكن انا بكره بذبحه بنفسي وليس غيري ..... ونمت نومه الله لا يجعلها تمر على عزيز . اصبحت وانا في هم ..........وهواجيس بجد ........هالحين كيف بذبح هالخروف .......الولد اللي كنت معتمد عليه سفرته امه .......وان جبت عامل فا أنا ورطت نفسي بتحدي مع اللي ما تتسمى . اخير اتخذت القرار ....وهو .....أني انادي على عيال الجيران يساعدوني في تكتيفه بس ..............اتصلت على جارنا ابي عياله يجون ....قال والله حنا بوادي الدواسر . طلعت من غرفتي ورحت للصاله ......وام العيال تقول شفني جهزت لك السكاكين والصحون. اخذت العده وقلت لها لاتطلعون للحوش ...وطلعت للحوش ولفيت لفه سريعه على وين المكان والزمان والطريقه اللي سوف يتم فيها الموضوع .............يوم قربت من الخروف الا هو يناقز تقول ذيب محبوس ....... طبعا الحبل اللي مربوط فيه الخروف طويل فقمت بفك الحبل من مكان الربط وقمت بسحب الحبل من ورا الماصوره من بعيد لبعيد الين لزقت راسه بالماصوره والجدار .......... الحين هو ما يقدر يتحرك بس رجوله وايديه متحرره ولكن جسمه مثبت. اخذت لي معلاق هدوم وقصيته نصفين . نصف ربطت رجلينه الثنتين مع بعض . والنصف الثاني ربطت فيه ايدينه . وقمت بدفه وطرحته على الارض ........أثاريني نسيت ارخي رباطه وبغى يختنق يوم انطرح على الآرض . بعد كذا رحت ادور على السكاكين اثاريني نسيتها عند باب الحوش . وجيت ركض للخروف .........وامسك براسه ابي اذبحه وبعد جهد جهيد حطيت السكين على النحر وذبحت ويوم وصلت لعظم الرقبه ......وين وين وين عيت السكين تسوي شي ...ومن الدم ما شفت وين العظام .....اخبط هنا واخبط هنا واظرب هنا واظرب هنا ...وفجأه ينتع الخروف يدي نتعه امعص الآبهام....... قمت خليته.......الين هو مات بلحاله من نزف الدم . وبعد حوالي خمس دقايق ......لفظ انفاسه الآخيره وسط حزن عليه وحقد على نفسي الأماره بالسو . بعد كل هالعولم ........ نسيت اني ما جهزت مكان للتعليق .........ولاكن حليت الموضوع ....أني جبت سلم وحطيته على الجدرا ....ولاكن اعترضتني مشكله ثانيه ....وهي كيف اعلقه .......الحين هو على الآرض ميت ........قمت بطريقة المكرات المتتابعه وبعض الشباب يعرفونها . وما فادت . بالآخير ... قلت بستعين بام العيال والخدامه .....ولاكن قبل ما استعين فيهن .......قمت بفك الآسلاك اللي ربطت فيها رجوله وايديه ورميتها على الجيران ........طبعا مسافرين ....واخذت ساطور .......وقمت اظرب في الرقبه الين انفصلت .......وبعدين رميت الراس على جنب كني ماني مهتم . وناديتهن ....وقمت اهاوش بلغة المنتصر المسيطر على الآوضاع ......وهواشي على شان انها ما فكرتني او ذكرتني اجهز معلاق للخروف ....... وبعد شد وربط قمنا بتعليق الخروف . ونسيت اقول لكم شي ...عملية الذبح بدأت بعد صلاة العصر واستمرت الين حول صلات العشاء ......طبعا وانا اقطع اللحم انواع الشواهي والقهاوي والكيك حولي وحواليه.......... طبعا نسيت اقول لكم شي ....انا كاتب الموضوع هاذا بيد وحده ( اليمين ) لآن اليد اليسرى مربوطه عشان انمعصت. وحش . |
انسو الموضوع ياشباب
هان التعب يومني اكلت كبسة لحم طازج قبل شوي |
الله يعطيك الصحة والعافيه والله يتقبل اضحيتك ويرحم موتانا وموتاكم وموتى المسلمين
شكلها اتعبتك بعد الذبح لانها صارت بارده الذبيحه على ما جهزت السلم بس هكذا النصر والا فلا ههههههه بصراحه استمتعت جدا جدا وتخيلت الموقف لنفسي كفيت ووفيت وكل عام وانت بخير |
يعطيك العافيه
|
عليكم السلام ورحمة الله وبركاته جزاك الله خيرا ورحم الله والديك ولا ننس التكبير المقيد والذي يبدأ من فجر يوم عرفة أدبار الصلوات المكتوبة إلى آخر أيام التشريق الله أكبر الله أكبر لا إله الا الله والله اكبر الله أكبر ولله الحمد الله الله الله بكثرة الاستغفار والصدقة والتوبة والدعاء بحضور قلب وطيب مطعم وابشروا واملوا وتفائلوا ....................................ففرج الله قريب وامره عز وجل " بعد " الكاف والنون مشاركات محبكم في الله " أبوعبدالمجيد " عبررسائل يومية متجددة فقط على هذا الرابط https://www.albrari.com/vb/showthread.php?t=47317 آخر صفحة ومنها أخبار الأمطار على مستوى مملكتنا الغالية من مصادر موثوقة نحسبهم كذلك ولا نزكي على الله أحدا لمن يرغب في مشاهدتها ولا نريد من أحد سوى دعوة في ظهر الغيب بعبارة " جزاك الله خيرا ورحم الله والديك رحمة واسعة " |
ابو عبد المجيد
ايدي مجبصه وبكبر التكبير المقيد والغير مقيد |
تعيش وتاااااكل غيرها
ولو هذا احسن عيد ما صرت ذيب مثلي خليت الذبح تجارب على تيوس في البر وبعدها انتقلت للضحايا سلام |
بصراحة بداية موفقة مع خروف العيد استفدنا من تجربتك ايه الفارس البطل
|
اقتباس:
طهور إن شاء الله وما ترى بأس التكبير المطلق رعاك الله معلوم لدى الجمبع بارك الله فيك أنه من دخول العشر إلى آخر أيام التشريق ولذا وجب التذكير بصفة خاصة عن التكبير المقيد رعاك الله |
السلام عليكم وكل عام وانتم بخير قصة جميله جداً ولا تخلوا من الطرفه اللتى تعودنا عليها من اخونا ابو البر وهي موجودة بين السطور والبركة في ام العيال اللى شجعتك على هذا العمل الجبار وذبح اضحيتك بنفسك ... تقبل الله منا ومنك صالح الاعمال ومقبوله ان شاء الله.. والمرة الثانيه ان شاء الله جهز مكان في البيت وحط عندك مسلخ وجهزه بونش لتعليق الضحايا ويمكن تستخدمة لاغراض اخري ولحاجة في نفس يعقوب ... بارك الله في الجميع...وعيدكم مبارك.. ابو حمد،، |
فائدة للجميع : قال صلى الله عليه وسلم (( ما زال جبريل يوصيني بالجار حتى ظننت أنَّه سيورثه )) |
ههههههههههه الحمد لله على السلامه
الذبح والصلخ متعب جدا ولازم معك واحد يعاونك.. اهم شي تريح الذبيحه بسكين حاده كل عام وانت بخير |
ههههههههههههه بس خبير الان
|
قصتك حلووووة ابو البر ما شاء الله عليك هذا تعذيب قول يالله عقبل ما تذبح حاشي وبنفسك هنا تطلع الشجااااعة وكل عام انت بصحة وسلامة |
الله يعطيك العافيه شكرا على القصة الجميلة |
الصراحه ياابو البر في حياتي ماعمري شفت احد يذبح
والا معاه 2 الى اربعه ع الاقل حتى انا مااذبح الا ومعي 3 وانت ماشاء الله عليك كسرت هالقاعده القديمه واثبت ان الواحد بمقدوره انه يذبح ويسلخ ويقطع اللحم ويوزعه من دون مساعد يارجل حتى تحس ان الضحيه لها طعم غير الله يعطيك العافيه والصحه أخي الفاضل وكل عام وانت بخير |
كل عام وانت بخير وسلامتك يالغالي ان شاء الله تذبح غيرها |
قصه طريفه , الله يقبل الاضحيه ان شاء الله , رحم الله موتانا وموتاكم
https://www.kwales.com/ex/data/thumbn...eerMahmoud.gif |
اقتباس:
انت ما عندك الا تخويف من النار هون عليه شوي |
اقتباس:
خذنا معك ناكل معك ولو سبلت تيس. ونشوفك على الطبيعه. |
اقتباس:
هاه الله لايجيب ذاك اليوم بعيد برا وبعيد ايه طلع طلع |
اقتباس:
ترا ابو حمد محتاج لمثل هالنصيحه ههههههه |
اقتباس:
يعني قالو لك فيه احد بيذبح بسكين خشب |
اقتباس:
انا اضحك معك ومدري وش السالفه |
اقتباس:
شوفو ان كيدهن عظيم |
اقتباس:
ركضك من اول المنتدى الين وصلتي هنا عشان تشكريني لياقه رهيبه . |
ابو البر جعله بالعافية مداخيل العافية
وما قصرت المفروض طلبت من ام العيال تتحداها على علبة بيبسي علشاتن تمخمخ على الكبسه هههههه ... تقبل مروري وقصة حلوة |
ههههههه والله منت هين اخوي،،، مغامرتك مع خروفك ممتعه هههه،، الف سلامه ع صبعك ياعنتر هههه امزح،، استمتعت موضوعك المذهل ودي واحترامي لك يابطل |
اقتباس:
اول مره اشوف كلام كبير كبير كبير ليتهم رقدو |
اقتباس:
وش رايك تروحين تنومين لا يصير علوم دني هناك |
اقتباس:
كل شيئ يصير يابو البر.. ابوحمد،، |
اقتباس:
وعلى طاري الفكره الشيطان يسلم عليك هو القبيله. |
اقتباس:
هههههههههههههههههههههههه هههههههههههههههههههههههههههههه ههههههههههههههه قسم بالله انى مت من الضحك تعليق ولا اروع.. ابو حمد،، |
اقتباس:
ابو حمد،، |
اقتباس:
رحمتها بغيت اعطيها كمامه اكسجين |
قال تعالى : " وَذَكِّرْ فَإِنَّ الذِّكْرَى تَنْفَعُ المُؤْمِنِينَ " قال تعالى: {وإن تعفوا وتصفحوا وتغفروا فإن الله غفور رحيم} وقال تعالى :{والكاظمين الغيظ والعافين عن الناس} |
اقتباس:
يدور رضاي وقال لي بعرفك على اعز اصدقائي اللي افتخر فيهم . |
اقتباس:
اقتباس:
اصلاً راسه كله فلاق منى والله ياصكيته مع جبهته اختل توازنه وهو اصلاً جاي لمك يشتكى عليك من اللى سويته فيه في مكه .. بس مستحى يوريك راسه خايف تزعل عليه . ههههههههههه هههههههههه ابو حمد،، |
الله يعطيك العافية ويتقبل منا ومنك الف سلمه عليك ممكن سؤال انت ذبحت يم اليمه او شرق |
اقتباس:
ابشرك انا مسلم واقول لا اله الا الله وناقصني بس شوفتك |
| الساعة الآن 03:19 AM |
Powered by vBulletin .
جميع الحقوق محفوظة © لشبكة ومنتديات البراري 2010