رحلتي للشوكي والتنهات للبحث عن الفقع
 

السلام عليكم ورحمة الله وبركاته
مساكم الله بالخير جميعاً
بحمد الله تمت رحلتنا الخميس والجمعة الماضية انا وربعي يم الشوكي والتنهات بنجاح تام خاصة أنها دفوه
وصلنا صباح الخميس للشوكي وقضينا فيه أجمل ليلة وشاهدنا فيه ربيع طيب وقادم بقوة
وقد بحثنا عن الفقع حوله وحواليه بس لم نوفق حتى في الهوبر ...
وقد جأتني إخبارية قوية بوجود فقع وموعده الأسبوع الجاي إن شاء الله
ويوم الجمعة نصينا التنهات وكان ربيعها طيب بالحيل ...
وتغدينا جنب الفيضة من جهتها الغربية وتفاجأنا بوجود الهوبر بكميات كبيرة جداً حتى فكرنا نضعه مع الغداء https://www.albrari.com/vb/images/icons/038.gif
وعندما اردنا العودة عصراً وجدنا ردمية ابراج الكهرب وكانت مسكته اختصرت علينا طريق العودة
والآن مع مانجح من صور :77: ..

البابونج قادم بقوة

https://www.q8boy.com/uploads/44fcd2e0cd.jpg

احد الاغادير الموجودة بكثره

https://www.q8boy.com/uploads/c2faa98e6a.jpg

نبات الغار

https://www.q8boy.com/uploads/28b2da83ce.jpg

وقده من جذامير السمر

https://www.q8boy.com/uploads/f16f6ecba9.jpg

الهوبر شايل الأرض

https://www.q8boy.com/uploads/e26d839534.jpg


وهاذي فلاقع الهوبر وتشاهدون أم سالم حافرتن فتحه للهوبر لأجل وجبه دسمه

https://www.q8boy.com/uploads/0e99333fd6.jpg



وهاذي الساعة المباركة اللي شرفتوا

يا ملا العافية

اجل تراني خويك الاسبوع القادم

شكرا على هذي الصور الممتعه

هلا ابو احمد

اقول وش له مخترعين الجوال ما تعرف تقول الو ونلحقكم لو في الصمان

ياويلك وياسواد ليلك ان ماقلت لنا وينك الخميس الجاي

ترى احط اذاني واذنك اربع ........... لا تقول ماعلمتني

انا مستغرب وراك ما مريت اهل تمير

او مهوب دايم

ماشاء الله عليك ياأبو أحمد والحمد لله على السلامة
ومشكور على هذا التقرير المصور وجزاك الله خير

رحله جميله ماشاء الله عليك


بالتوفيق دائما ان شاء الله


مشكور

مدري اخوي باحث اثار اخاف يسبقونك اهل تمير

شكرا اخوي ولد نجد على الصور

مشكور اخوي ولد نجد عالصور الروعه

ورحلة موفقه والله يجيب الخير انشاء الله

الله يسلم عمرك يابوعبدالعزيز
ياليت كنت معنا تشوف الربيع اللي يحبه قبلك... صراحة يستاهل من يأخذ له إجازة شهر https://www.albrari.com/vb/images/icons/038.gif

هلا وغلا بعاشق الدحول
ماشاء الله عليكم ماهو مكفيكم الفقع والربيع اللي عنكم بتحاتفونا بديارنا المقحطة https://www.albrari.com/vb/images/icons/038.gif

هلابك يالطيب
ومشكور على طلتك الجميلة وأن شاء الله يجي الخير وتشوف الربيع يغطي الكفرات .. وتعثر البل بالفقع https://www.albrari.com/vb/images/icons/038.gif

بشرونا يالربع احد لقا فقع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ابشركم الخير بيجي

والبروتين بياصل للديد<<<<<<< هذي شفره محد فاهمها

مشكوووووور اخوي ولد نجد

واسمح لي هذي ابسميها كشته الشاهي اللي ما ذقنااااااااه






سلام

مشكور يا ابو احمد ماقصرت بس ماعلمتنا نقوم بالواجب ولاتسويها مرة ثانية وعلمنا نكون في إستقبالك ونرد الدين

ما شاء الله عليك يا ابو احمد ماعلمتنا نكون في إستقبالك ونقوم بالواجب وعلمنا المرة القادمة نرد بعض الدين جزاك الله خير , ورحلة موفقة وصور في منتهى الروعة والجمال 0

يالربع احد لقا فقع او توه باقي كم يوم

رحلاتكم كلها سرق

ولا تخبرون احد

لكن صورك اخوي ولد نجد روعه

وأنا زلفاوي وتراي خويكم لرحلة الفقع
 

الأخوه أهل الزلفي تراي معكم وين ماتروحون والوعد متى مابغيتو
[email protected]

تسلم يا ولد نجد على الصور الراااااااااااااائعه والحمد لله على السلامه وسلامة الاسفار ( الخطوط زحمه من كثر العالم )اما بالنسبه لاهل تمير تراهم جيديين معازيب لو تعزمهم قالو ما عندكم الا الزحمه..... ها ما هو صحيح
وســــــلامتكم