|
اعطوني ارائكم وبعدين اقول لكم رأيي
السلام عليكم ورحمة الله وبركاته ما هو العمل الرئيسي لامن الطرق اعطوني ارائكم وبعدين اقول لكم رأيي لاننا نرغب في مناقشة هادئة |
الله يجزا امن الطرق خير اللى قبضوا عليك وجابوك لنا على الاقل نشوفك ونسعد بطلتك
ترى ما فيه كفيل علشان نطلعك من حبستك بالبراري الين نشبع منك حيالله ابو فراس الف مليون تحيه انا ماني معلق على موضوعك ولا متكلم او كاتب شيء سوي اني فرحان بتواجدك معنا يارجال وينك عسى امورك زينه ترى الجماعه بيجتمعون في شقراء لا تخلينا بس يحددون الموعد وانا براس الخدمة ارسل لك رساله مشتاقين لتواجدك معنا يالغالي.. ابو حمد،،، |
اقتباس:
بس عطنا رأيك ضروري |
السلام عليكم ورحمة الله وبركاته الله يعطيك العافيه أخي ابو فراس امن الطرق لها مجالات كثيره خدمات انسانيه وجنائيه ومروريه وغيرها وامن الطرق يحاربون الفساد ومروجين المخدرات وكل شئ يقدمونه من خدمات الحوادث وغيرة الله يحفظهم وهذا رأئي أختكم ام العنود https://hajisqssu.jeeran.com/v160.gif |
اقتباس:
ناس تمدح وناس تذم و امن الطرق يكفي انهم يحاربون الفساد ومروجين المخدرات وخدمات الحوادث والمرور ومخالفين نظام الأقامه والعمل والمخدرات يعني عملهم شامل.. جنائى. مروري. نظامي .انساني.. و يكفي اذا تعطلت انت واهلك يفكون عنك زنقة ويساعدونك في الطريق وياقفون معك هذة تكفيك والله يحفظ من نوى السفر فعليه بدعاء السفر والله يحفظه ومن معه من كل مكروه وجميع المسلمين آمين .. على فكرة تري رقم امن الطرق هو 996 للمعلوميه.. وهذه هديه للاعظاء بارقام بعض الخدمات الخاصة أرقام العمليات لبعض الخدمات الخاصة عمليات الشرطة 999 عمليات المرور 993 عمليات أمن الطرق 996 عمليات مكافحة المخدرات 995 الجوازات 992 الدفاع المدني 998 الهلال الأحمر 997 ابو حمد،، |
السلام عليكم ورحمة الله وبركاته
الله يعطيك العافيه أخي ابو فراس أمن الطرق موضوع كبير وشائك ويشمل كثير . يشمل أمن المواطن ، يشمل أمن الدوله ، يشمل أمن الزائر ، يشمل السيارات ، ويشمل الطرق ، والطائرات ، والمخدرات ، يشمل رجال الاعمال ، يشمل ..............الخ ) موضوع شائك وبحاجه لمتخصصين في ذلك . ارجو ان اكون قد وفقت في وضع بعض اللمسات على هذا الموضوع وأسأل الله الفائده للجميع . كل الشكر اخوي وتقبل مروري |
بسم الله الرحمن الرحيم السلام عليكم أخي ابوفراس والله موضوع شائك لكن إطلع على رابط البحث هنا فيه من يمدح وفيه من يشتكي وفيه من يستهزي وإعتقادي أنه قطاع مثله مثل باقي القطاعات الحكومية ليس مثاليا فيه الزين وفيه الشين |
كلامكم صحيح ولكن هالحين اكثر ما نشوفهم يتصيدون السيارات المسرعة يعني ما يبون الناس يسرعون طيب اذا شفت راداد وتفتيش احذر السيارات القادمة علشان يخفضون السرعة وكذا اساعد المرور طيب اجل ليش يخالفون اللي يولعون اللمبات للتحذير وهم يؤدون نفس العمل بل اكثر من امن الطرق لان السيارة لا تخفف السرعة الا اذا شافت التفتيش ولكن عند تحذيرهم بواسطة السيارات الاخرى يخفضون السرعة حوالي عشرة كيلومترات فأيهم اكثر فائدة |
امن الطرق له من اسمه نصيب ولاكن الأمن العام للمواطنين والدولة اي كان ليس فقط لامن الطرق بل المواطنين ايضاً واما التنبيه على ماقلت للتخفيض السرعه بها يجد المواطنين التمادي بالاستهتار بأمن الطرق وقواعده الامنية . |
احسن قطاع امني
اللي ايدينه بالنار مهيب مثل اللي ايدينه بالماء دندشه |
هلا بك ابو فراس
انا في رااايي ان امن الطرق هو حمااية سالكي الطرق من الحناشل وايضا تنظيم حركة السييير وايضا تحديد السررعه ..والكثير مشكوور اخووي ابو فراس على الحوار الهادئ لك تحياتي |
افضل جهاز امني على الاطلاق صحيح صكني 3 مخالفات لكني استاهل امشي160
يتعبون وحنا نرتاح اذا تعطلت ساعدوك لكن تدري وش المشكله انهم بعض الاحيان يعينون الساقط والخايب بل بعضهم اعمارهم لا تتجاوز 23سنه واذا مسكوا احد تقول بينهم عداوه واسلوبهم زفت هذا الجيل الجديد |
اخواني انا اتكلم عن الرادار اللي يكشف السرعة ايهم اجدى ان اخبر السائق المسرع بان هناك رادار تفتيش ويخفض السرعة او اتركه على سرعته برأيي انا اذا حذرته سوف يخفض سرعته وحميته من الحوادث لا سمح الله ولكن رادار السرعة لا يحميه بل يعاقبه فقط |
رصعنا بالمخالفات وعدم التفريق بين 121 و 180
المفروض يسمون قطاع الطرق مهوب امن الطرق الهدف في الاول والاخير منها مادي بحت |
اقتباس:
اخي العزيز سفير المذنب والكلام للجميع اسمح لي امن الطرق يفرق بين السرعات حيث ان السرعه فوق 140 تكون محجوبه ( تدبل ) وان السرعات تحت 140 - 120 مفتوحه اي لا تدبل وامن الطرق يسعى في اكثر من مره ان يجعل المخالفات اقل وينبه اكثر لكن السبب في التصادم مع العسكري فأن المواطن يأتي بكل برود ويستفز العسكري بايمان انه ما اسرع وهو مسرع ولا يتلفظ وينافخ عليه تخيل نفسك في محله لك 8 ساعات وانت بالدوريه تمسح على الخط حر برد مطر عج محصور في طريق او موقع * عامل الناس بما تحب ان يعاملوك به جرب الاسلوب الحسن وشف المعامله الحسنه وتقبل نقدي ومروري اخوك عبدالله الطريقي موظف بأمن الطرق:) |
أعتقد بينتهي دورهم في ضبط السرعة والمخالفات وسيقتصر على الإرشاد ومتابعة الحوادث والتعطيلات فالأن (جاك الموت ياتارك الصلاة) دور نظام ساهر الأساسي دورة المخالفة: يتم رصد المخالفة آلياً من الكاميرات للمركبة المخالفة يتم إرسال صورة لوحة المركبة المخالفة (لقطع الإشارة أو السرعة) تصل المخالفة إلى مركز معالجة المخالفات الحصول على معلومات المالك من قاعدة البيانات الوطنية يتم إصدار المخالفة يتم سداد المخالفة عن طريق نظام سداد لدى البنوك المحلية وهذا تحذير ملاحظه هامة يتوجب على جميع المواطنين والمقيمين تحديث بياناتهم (الجوال والبريد و العنوان) لدى اي من قطاعات وزارة الداخلية ( المرور – الأحوال – الجوازات) حتى يمكن إبلاغهم بأية مخالفة تسجل عليهم ,ليقوموا بسداد قيمتها بحدها الأدنى خلال 30 يوماً ,حيث انه في حالة عدم السداد خلال تلك الفترة يتوجب عليهم سداد قيمة المخالفة في حدها الأعلى (حسب نظام المرور الجديد). أرجوا المراجعة هـــــــــنا وهـــــــــنا |
برنامج ترابستر للهواتف الجوالة هو برنامج صغير مجاني مصرح به يعرض خرائط لاي منطقة حول العالم ويتم تسجيل مواقع كامرات المراقبة عليه من قبل الشباب ويقوم البرنامج بالتنبيه عند الوصول لمسافة محددة قبل الكامرة لتخفيف السرعة بل حتى مسؤولي المرور حول العالم يوصون به بقولهم (نحن نحرص على سلامة السائقين والمركبات وهذا يعينهم على التقيد بالنظام والانضباط ) |
حفظ الامن على الطرقات ومساعدة المسافرين
|
لحفظ عابرين الطرق السريعة من قطاع الطرق....وأذكرأحد المدرسين قالي سالفة إستحداث هذا الجهازبعد عصابة رشاش إذا كنتم تذكرونة قديمة جدا والله أعلم |
اقتباس:
تعرف ليه مسئولي المرور يقولون كذا :z-attack: لإنهم ناوين يحطون في كل زاوية وكل شارع وكل كم كيلو كميرا نظام ساهر شف ردي السابق إما أن تكون الكميرا حقيقية أو وهمية ثابتة أو متحركة متحركة على نوعين إما أن تنقل من مكان إلى مكان أو يكون تركيبها في سيارة متحركة وقد تكون السيارة عادية لايشك فيها وهين إن أمداك تسرع وكل شوي الجوال يطنطن وكل شوي أنت مرتاع يعني كله كم سفرة للشرقية وتجي مشيب وكل شعرك شيب :wallbash: :D تبي الكلام اللي يجمد على الشارب أركد وخلك نظامي وأربط الحزام يمكن تكون جمبك سيارة تصورك:chair: وخاصة اللي مضلله بالكامل تأكد أنها سيارة حكومة:shutup: :eek: وعلى العموم هذه البرنامج حق الجوال لن يكون له فائدة والكلام اللي يقال عنه كلام دعاية من اصحاب البرنامج لتسويق برنامجهم لاتصدقهم مع نظام ساهر ووضع النظام لكي تتوقع في كل وقت وأي مكان أن هناك من يراقبك ويكشف مخالفتك وبالصور ماتقدر تنكر أو تعترض وغدا لناظرة قريب والسلام عليكم |
ابو فراس اقول الله يكون في عونهم منين يلقونها منا وإلا منا جميع الأعمال الأمنية والإنسانية يباشرونها وليس هنالك من لايخطي مع الضغط والإرهاق وطول ساعات العمل او المراكز التي تأويهم و لاتنسى اخلاق بعض الناس وعلينا الدعاء لهم الله يعينهم ويقويهم اما انك تنبه المسرع فلا لأنه سوفى يتمادا في السرعة إذا عرف ان هنالك من سينبهه خله يلقى جزاه ولا يكررها مرة ثانية حماية له وللآخرين ويكون دائماً مترقب للمخالفة |
| الساعة الآن 03:03 AM |
Powered by vBulletin .
جميع الحقوق محفوظة © لشبكة ومنتديات البراري 2010