ربيع يوم الخميس8/12
 

السلام عليكم ورحمة الله وبركاته
أخواني أعضاء وزوار البراري هذه صور لرحلتنا اليوم الخميس 8/12/ 1427هـ وهي لشعيب الوعالي ويوجد فيه غدران وصورة الغدير في الوعالي ولكن الربيع خفيف فيه
أما صور الربيع لشعيب العوج وهو ربيع حلو وهو على بدايته واعتقد أنه أفضل مكان بالنسبة للشعبان التي حوله
أرجو أن تنال الصور على أعجابكم خصوصاً أننا في بداية الربيع


https://www.albrari.com/up/upload/IMG_1731_resize.JPG

https://www.albrari.com/up/upload/IMG_1743_resize.JPG

https://www.albrari.com/up/upload/IMG_1747_resize.JPG

عليكم السلام ورحمة الله وبركاته

مشكور اخوي الروضه على الصور الرائعه اخوي وين يصير ذا الشعيب وان حصل توصيف بارك الله فيك وتقبل الله منا ومنك صالح الاعمال وكل عام وانت بخير

عليكم السلام ورحمة الله وبركاته

مشكور اخوي الروضه على الصور الرائعه اخوي وين يصير ذا الشعيب وان حصل توصيف بارك الله فيك وتقبل الله منا ومنك صالح الاعمال وكل عام وانت بخير

ما شاء الله

شعيب رائع وكبسه محترمه وصور جميله

والف شكر وتقدير وتقبل مروري

أخوي التميمي
حياك الله وأنت تأمر ولو تبي أوديك لمه بعد ماهو عاد وصف والشعيب تراه حلو
طبعاً الشعيب يتفرع من شعيب بقر وأعتقد أنك تعرف بقر ( عند جراب )
وبالتحديد وأنت طالع من الأرطاوية متجه للزلفي تحصل مفرق يمين لجراب أتجه معه قبل جراب يقاطعك شعيب كله شجر كبار وفيه رمل رح مع الشعيب يمين تقريباً ثاني أو ثالث شغية على يمينك أتجه معها وهي سكة تطببك على العوج
أرجو أن يكون الوصف واضح

الأخ معدي المرقاب
حياك الله ومشكور على مرورك الكريم والكبسة هذي مانقصها إلا وجودك

والله هذا جنة في الارض

ياملا العافية اخوي الروضة مبدع في كل شي

ربي يسلمك

لازم لنا كشته بالشعيب عقب العيد

ماشاء الله تبارك الله ابو عبدالعزيز

ولا قلت لي رفيق بالرياض اعزمه خخخخخخخخخخخخخخخخخخ

عليكم بالعافيه وكل عام وانت بخير وعيدكم مبارك

ما شاء الله تبارك الله

عسى الله يعله بالسيل ونشوف ربيع يغطي الرجال

شكرا على هذي الصور الجميلة

يالله لك الحمد على هالخيراااااااااااااات

يالله يارب انك تالاه

والله صوووووووووور بطرااااااااانه

مشكوووور اخوي الروضة





سلام

الأخ الخليجي
حياك الله وهذا من ذوقك الله يسلمك ومشكور على مرورك
أخوي أبو هشام
هذه الساعة المباركة التي نشوفك لو في الرد
وبعدين ترى الشعيب يستاهل العنوة نسق مع أبو ناصر عن الزيارة الخطافية تراك وآعدنا والربيع على أوله
ومرة أخرى يشرفني مرورك الكريم

أخوي مخايل البروق
اللهم آمين ومشكور على مرورك الكريم

أخوي أبو ناصر
حياك الله وياهلا بك والشعيب أفضل من الصورة ومثل ماقلنا لأبو هشام مناسبة في ها الإجازة
ومشكور على تشريفك الكريم

الله يعطيك العافيه يالروضة على المشاركة الرائعة والصور التي تفتح النفس
صراحة أماكن جميلة وميزتها أنها في أماكن وعره وقليل من يعني لها
ان كان عندك علم عن ربيع غيانه ياليت تفيدنا
وشكراً لك وكل عام وأنت بخير

مشكور اخوي الروضه عالصور الروعه

نوينا المرواح لنفس المكان
عطنا الاحداثية على الخاص اذا سمحت

اخوي الروضة لديك رسالة على الخاص

صور حلوه وجميلة والربيع توه ما يفز الا عقب المربعانية
شكرا على هذي اللقطات الجميلة

وعليكم السلام ورحمه الله وبركاته

تسلم أخوي أبوعبدالعزيز ع الصور ..

واستانست يوم شفت الصور عيشتنا في الاجواء ...

وانا ماتوقعت أنه فيه ربيع في المريعانيه بهذا الجمال إلين شفته بعيني ..

واذا سرت البر لا تنسى تخطف علينا اوكي مب ع كيفك ..

الأخ أبو أحمد
جزاك الله خير على الجمعة المباركة وهذا من طيبك
الخ راعي ال 8100
حياك الله ومشكور على مرورك
الأخ الكثيري
حياك الله وتراي واضع الإحداثية فجر الأثنين على بريدك
الأخ ضلع خزة
حياك الله وفعلاً بعد المربعانية تشوف الربيع صح بإذن الله
الأخ أبو مشعل
حياك الله وبعدين لا تخاف إن شاء الله تشوف أفضل وأفضل
وعادة ربيع الشعبان يكون أفضل بسبب أنه يكون ذاري عن الرياح والرد بس يسلم من الرعي
ومرة اخرى أشكر الجميع على التشريف