|
حدث واقعى با لصور
حدث واقعي بالصور كان فيه واحد جاي من الخرج وده يتفرج على السيول في صبخه اللي تجيك قبل القصب على اليسار وانت جاي من الرياض المهم الرجال وقف سيارته على جال البحيره ونزل يتمشى ما درى الا الماء وصل موتره حاول يطلع لكن ما امداه كفراته صارت تدور في الطين المهم ترك موتره يمرح يوم جا الصبح ويفزع له راعي حراثه حاول يسحب الجيب لكن صارت هذه النتيجه ومن جهة أخرى تلاحظون دله الشاي ؟؟ شكلهم وسعوا الصدر عند الحراثه الحراثه تقول: طلعوووووني وش لقفني اجي هنا المهم أشروا لراعي سقس على الخط وجا يبي يسحب الحراثه وكانت هذه النتيجه وهذه صورة ثانيه ولاحظ قرب خط الزفلت عرفوا ان الموضوع يبي يطول والدليل ترمس المويه !!! قالوا مابدهاش لازم نجيب دركتل لكن شوفوا وش صار من شفت الطاسه اللي حاطها ورى الدركتل وانا غاسل ايدى قامت الحراثه تضحك وتقول جيت لك ياعبدالمعين تعيني ..... لقيتك ياعبد المعين تنعان المهم قالوا الحل الأخير هو الاتصال بالدفاع المدني وقاموا وزينوا الشاهي بعد ما خلص الشاهي اللي في الدله وقعدوا يتقهوون بالبريق اللي قدامكم وفعلا جا الوايت علشان يسحب هاللي غاطسين وشوفوا وش صار تعلق اخونا في الله و قال هذا مكاني قرروا يسحبونها من بعيد ربطوا عدة وايرات في بعض وطلعوا ابو جنزير ويقولون ان الدركتل اللي سحبه على الزفلت هههههههه الصبخة ما يلعب معها الموضوع منقوووووووول ( مع التحية للمصور عدنان الفاضل .. ومنتدي مكشات ) 1- لاتهايط اذا شفت السيل 2- حاول تستفيد من اللي توهقوا قبلك 3- ماهو بكل من اتصل بالدفاع المدني يبى يطلع |
يعطيك العافيه على نقل الحدث للاهميه.. والحمدلله على السلامه للجميع من رجال الدفاع المدنى الى اصحاب المعدات والسياره والمنطقة اللى تتكلم عنها اصلها امتداد للمملحة وطينيه وماتقدر تمشي فيها بالسياره خاصة الا جاها مطر او سيل وهذا ماحدث وعلى قولة البرشومي ياكلك حبه حبه تجلهم ثم تدلهم ثم اكلهم ( الفراعنه ) مشكور وماقصرت .. ابو حمد،،، |
مافيه صور الله يوفقك شوقتنا
|
لو جبت ابو شنب كان ماصار الكلاكم هذا
يافتى حرب الف شكر |
تسلم تقرير جميل وممتع
الله يعينهم على التغريزات |
مـشـكـور عـلـى الموضـوع
|
|
مافيه مثل هالتقرير كل من جا ء يفزع ابتلش بنفسه شارك فيها المواطن والعماله والحكومه -- امر الله غالب على كل امر -- الله لايحرمهم الاجر تسلم على التقرير الفكاهي ونطالب بالتثبيت لهذا الموضوع المهم ---- تقبل تحياتي
|
اياكم والطين
مشكوور اخووي على الموووضوع لك تحياتي برق تمير |
بارك الله فيك
جزاك الله خير على الفائدة المترتبة من الموضوع |
مشكور ويعطيك العافية
|
بكل الود اشكر مروركم الكريم
|
هذي وانا اخوك حصلت لي انا شخصياً
حوول شقراء بصبخه اسمه العكرشيه طبعاً وانا مبعد عن الماء الا ويهبك الموتر من الساعه 2 الظهر الين الساعه 7 المساء دقينا على الدفاع قالو دقو على سطحه وكل ما دقينا عى سطحه قال ((( أكرشيه!!! لا بابا انا ما في أجي هنا))) يا بان الحلال والله ما ينفع ولا لنا واحد من الربع مع شاص توه جاي من الرياض ومن محاسن الصدف دق عليه واحد من العيال وقال خلاص شويات وانا حولكم وجاء ومشاء الله بالونش عطي الله ابعد مسافه 14 متر وتل الموتر وطلعنا لكن ذاك اليوم صرحه ما ينسى ابداً:new3: ادري تقولون هذا عطانا قصة حياتة لكن المقصد المشاركه:nosweat::nosweat: كل الشكر لك يا خالد على النقل |
مشكووور على نقل هذا الموضوع الجميل
|
مني مصدق تقول فيلم هندي او قصه
|
بكل الود يشرفنى توجدكم بكل الحب اقدر مروركم الطيب
|
| الساعة الآن 07:00 PM |
Powered by vBulletin .
جميع الحقوق محفوظة © لشبكة ومنتديات البراري 2010