|
مواقف مضحكه في البر .
وقبل كل شي ما أدري هو الموضوع مقبول عند الآداره
نبي الآكشن من المشرف عشان نستمر .....او نوقف . ولا يضيع تعبنا ثمن ينطله في احد هالزوايا ....... شوي بالله ....خلونا ناخذ اشارة الآنطلاقه .هههههه تروني صادق . وعلى فكره / اذا انحذف الموضوع برجع اكتب موضوع ثاني من كلمه وحدي وهي بين قوسين ((((((ما قلتلكم ))))) وما فيه مشكله اذا انحذف الموضوع بس نبيه ينحذف مع ابتسامه من المشرف ....الله يعينه علينا . |
:icon26: شكراُ على الموضوع الجميل ونتمنى مشاركه الجميع :ordh: |
ما دام الجو هادي ولا جا زلزال ( مشرف ) خلوني بقول لكم قصه صغيره بالحيل يمكن تكون غريبه شوي .
هاذا سلمكم الله كنا طالعين بالبر انا وبعض الشباب اللي يحبون البر .....وكانت طلعنا نهاية دوام الربوع ......يوم جا الخميس الظهر الا ويتصل علينا واحد من الشباب يحب البر بس كان عنده مشكله في ان بعض الحشرات البريه مثل الخنفسان او بو بريص او اي شي يعتبره شي غير معقول ومخزي وعار عليه انه يسمح لها بالمرور من حوله .....يعني شخص متأفف من كل شي اسمه حياة بريه. المهم اتصل علينا وقلنا له حنا في المكان الفلاني قال انا بجيكم بس ما دام المسافه بعيده يمكن اتوكل على الله وانام معاكم بالبر/ المهم الرجال يوم وصل ///وسمرنا ذيك الليله وتعشينا ....ويوم جت الساعه عشر بالليل قلنا بنام عشان يمدينا بكره ندرج على كم شعيب قبل الروحه / ويوم جا نصف الليل يمكن وحده او ثنتين الا ونسمع صياحه وصوته واصل لاخر الدنيا ......ونقوم متفززين تقول كنا مجانين ........وشفيه وشفيه الا والرجال في واقف على ظهر كبوت سياره من السيارات ....ويينقز واح من الشباب ويولع الماطور .....ونسأله وش فيه الا والرجال يهذري ......سمينا عليه وبجد الرجال خايف ولا كان طبيعي بالمره .......يا جماعة الخير والله ان وجهه صار اسود من الخوف ..............المهم يوم هجد وشافنا حوله .......قال انا شفت عقرب مثل الديناصور ....قال واحد من الشباب كيف عقرب مثل الديناصور وبالظلام شفتها ....رد عليه قال والله ثم والله انها شالت البطانيه من فوق رجله وهو نايم ...........رحنا عاد حنا ندور على الديناصور اللي يقول ولا حصلنا شي .......المهم جلسنا نسولف واخذتنا السوالف الين طلعت الشمس ما بين مزوح وضحوك ...........وفي لحظه الا والرجال يطمر ثاني مره تقول مقروص ........اثاريه شاف خنفسانه ماشيه من قدامنا ....... عرفنا بعدها وش معنى ديناصور . وسلامتكم . وعلى العموم هاذي قصه صغيره واطلب من الجميع يا أنه يقول لنا قصه مضحكه او قفلو الموضوع وبلاش ردود بالمرررره ......نبي مواقف صارت بالبر ...أما الردود فماهو هاذا موضوعنا واكرر شكري . |
جاكم المشرف وخر عن طريقه حياك الله اخوي ومقدمه جميله وفيها خفة دم اهم شئ وشلون صاحبكم عساه بخير وانتبهوا لا تغرفون عقله ( بالعاميه) ترى المسكين قلبه اخضر ويكسر الخاطر,, عموماً حياك الله وياهلابك واستمر طال عمرك ويكفينا روعة زميلكم من ها الدينصور الاسود,, ابو حمد،،، |
ما دام الجو هادي ولا جا زلزال ( مشرف ) خلوني بقول لكم قصه صغيره بالحيل يمكن تكون غريبه شوي
ومادام جاكم المشرف وخر عن طريقه ابصبر لين يروح المشرف باي |
كفشتك وانت تقراء الموضوع
لاتروح اكتب شي الحين 7 7 7 7 7 7 7 هنا |
ههههههههههههههه
لا تنسون جركل عصفر بالرحلة الثانيه |
ههههههههخخخخخخخ
|
الموفق الطريف الي فقع مرارتي من القهر مره طالعين انا وكم واحد من الشباب لنفود الخراره و عادتن حنا ما نطلع انا و خويي الا و معنا دباباتنا البانشيات المهم ذاك اليوم مارين و ماخذين لنا 3 كيلو لحم حاشي و قلنا نبي طلعه هاديه نبي ريلاكس ما نبي ناخذ الدبابات اجتمنا حنا و الشباب في البيت و انطلقنا للخراره و طعسنا و استانسنا المهم اننا و قفنا و شبينا على عشانا و كبسنا اللحمه على ذيك الرزيزه الي يحبها قلبك المهم يوم حكينا العشى على الصحن و تتجمع علينا 2 حصانيه الي هي الثعالب و الله يا شباب ما بيني و بينها الا يمكن متر و نقوم نرجمها تنحاش و ترجع بعد ما نرجع نجلس و على ذا الحال لين سرينا لبيوتنا الساعه حول3 و نص الفحر لاكن وربي لو البانشي موجود ما تشوفها مقربه حولنا لاننا عادةً اذا شفنا حصني(ثعلب) و معنا البانشيات نختل لها و نطاردها بدبابات لين نهستر فيها و نطلع في روسها نخل بعدين نتركها اذا شفناها مره تبي تموت من الركض هههههههههههههههههههههه هههههههههه لاكن ذا المره يوم ما جبنا البانشيات جو يتمشون عندنا كنهم يقولون اتحداكم تلحقوننا ههههههههههههههههه هههههههههههههههههههههههههههه |
محمد / تعال هنا ... اثاريكم انتم اللي تمرون علينا في البر ومزعجينا بصوت بانشياتكم .....يا شيخ حرام عليكم والله ما لكم حق ......طيب يا أخي ما دام معزمين على ازعاجنا معزمين .......عطونا دوره ....لفه ...........وش هالأنانيه ........ترا انا اللي احد واحد معنا لا يعطيكم عين هههههههههههههه ........ نرجع لموضوعنا ....الحقيقه لو انا منك عشيتها ولا همني احد ....وخلهم يقولون معشي الحصني ههههههههههههه |
جزاك الله خير على الموضوع الذي يوسع الصدر و يدخل في النفس السرور و البهجة
شكرا لكم |
أحم أحم هلا والله بالشباب,, قلنا نمر عليكم نشوف وش آخر الأخبار والله أشوف الموضوع إحلو وبانت علومه،، يالله شدوا حيلكم.. وكل عام وانتم بخير،، ابو حمد،، |
يا اخوان والله اني احلف وانا صادق
ان كل واحد مر بموقف سواء كان محرج او صعب او حتى فيه عبره . عطونا قصصكم /////والله ما فيها شي ...وكلنا جالسين نتسلى. نشارك بعضنا المواقف الطريفه . |
البر زين بسواليفه والمواقف اللي تصير فيه كل ما يجي من البر واهل البر زين مشكور على الموضوع الممتع |
يعطيك العافيه
:new3: |
معقوله كل ذي المشاهدات ولا واحد حط قصه او انشاء الله حذفه .......يعني ايش .
|
يا شين اذا طلعو ربعك للبر ثمن حبيت تلحقهم
والمشكله الكبيره اذا وصفو لك الطريق او المكان ........وطلعت لهم بالليل . وهاذا اللي صار معي اتصلت على الشباب ابي الحقهم حول الصمان وكان الوقت عشر بالليل كان الوصف لاشي سوى اني ابشوف برج جوال ..........بعد دوار الصمان بكم كيلو .........وبعد البرج بخمسة عشر كيلو اوقف واتصل عليهم . من زود التفنن اللي فيني ما حبيت افضح عيوب سيارتي ان العداد ( الطبلون ) ما يشتغل وقلت في نفسي ابحسبها وعلى الله ( ما ودي تفوتني الطلعه ) ولا ودي اعلمهم بالمشكله / المهم مشيت واتكلت على الله سبحانه .........وصلت حوالي وحده بالليل ..........بعد الدوار وشفت البرج . اتصلت عليهم الا وأرسال الجوال ما يوصل وهات يا أتصالات وكلها كنها مقفله ....ولاكن من زود حرصهم ما درو عن جوالاتهم ....لدرجه اني افتكرت انهم مسوين فيني مقلب .او نامو . المهم جت الساعه ثلاث تقريبا ولا احد حولي المهم .........قلت في نفسي هم مسوين علي مقلب ما فيها شك . رجعت للدوار بحوالي كيلو وشبيت الحطب وسويت عشاي ..........ولا صار عشاء صار سحور ............المهم مديت فراشي ونمت .......ويوم جت الساعه عشر الصبح الا وبوري سياره حولي تصحيني من النوم .....وافز الا وهم ربعي ..........مارين من الخط وشافو سيارتي .................وقامو يهاوشون وانا اهاوشهم .....وصار نهارنا كله في مناقشات وحقوق. طبعا انا الغلطان او هم الغلطانيين ........او يمكن طبلون السياره غلطان . طبعا هم ما يدرون . وتكفون لا تعلمونهم علمي سلامتكم . |
ما فيه الا انا اطامر بهالموضوع
الظاهر اني بستقعد لكم بالمنتدى العام وكل من دخل المنتدى سحبته بالقوه الى هالموضوع .....ما صارت والله .........................وينك يا بو حمد هههههههههه المشاهدات وصلت الى 1464 مشاهده . انا اعرف ناس مرت عليهم مواقف اخرتها طلعو البر يوم الخميس / ونامو ولا صحو من النوم الا العصر يوم الجمعه . |
هههههههههههه ....... تسلم والله قصة مثيرة
بمان الله .. |
الله يعطيك العافيه على الموضوع ومتابعين معاكم
|
هاه وبس هاذا يضحك وذاك يقول متابعين معاكم تعالو عطونا شي . يا بو الشباب انت وياه هههههههه |
هل انا مصر
up مصر اصرارا |
ياحليلك قولي لو يكشت معاكم واحد يمشي وهو نايم ويش بتسوون
|
اقتباس:
كان فيه واحد يطلع معنا للبر واذا نام يمشي الى اقرب سياره ويفتح الباب ويدق بوري . |
يرضو
لازلت مصر ان هالموضوع يشارك فيه كل الآعضاء مو بس نصهم او ربعهم كلهم لو كل يوم ارفعه وش بلاكم يا شباب .....الدعوا قصص سوالف ...ماهي تريقه . |
موضوع مميز كصاحبه يستحق التميز والتثبيت وانتظر مشاركاتي ( اللي تدبل الكبد ) بس بعد الإجازة |
اقتباس:
الله يجبر بخاطرك يا شيخ عجل علي تراني في هالموضوع وحدي رغم عدد المشاركات اللي وصل للسما. تحياتي . |
الفين وستمية مشاهدة ولا احد ادلا بدلوه او حتى بصبعه
شعب غريب |
تراي أويت لك ... وهذي سالفة على الطاير في إجازة الربيع الماضية ، وتحديدا يوم الأربعاء 28/2/1431 ، نمنا بالدهناء والصدر ضايق بعد هزيمة النصر ، وقام أخي عبدالرحمن ( أبوعلي ) وأيقظنا للصلاة ، ونهض الجميع ، وتوضؤوا استعدادا لأداء الصلاة ، ونظرت لساعة الجوال وإذا هي 4.20 ، وأذان الفجر يحين 5.30 أي باقي على الأذان أكثر من ساعة !!!!!!!!!!!!!!!!!!!!!!!!! |
أولاً : أنا برد بقصه لي بأحد السفريات وليس الكشتات ما هوب مثل غيري بس يضحك ويغير المتصفح أو يقول نحتري القصص طيب أبو البر مشقي عمرهـ وأنتم سافهينه ليش ردو بسوالف ومواقف ثانياً : سالفتي (بس لا أحد يدري) وتراها (سر) يا أبو البر (كني خابر بطنك ما هوب جراب لأحد) ... لكن يالله بنقولها أنا رجال مرة كنت مسافر برى واللغة عندي صفر على الشمال لو يقولي الواحد هاي ما فهمت له وكنت حاضر معرض دولي للتقنيات والكمبيوترات والأجهزة الدقيقة (من زين الوجه ما هنا لغة ورايح لمكان كله رطن إنقليزي) طبعاً كنت رايح مع واحد من الربع معه لغة وجايته دعوة من شركة DELL (عساها صح الكلمه) بحكم إنه مدير مشاريع وتجهيزات بأحد الدوائر الحكومية عندنا وقال خاوني (كالعادهـ نحسب الدعوهـ بران وهو صديق خاص للبر) ما قلنا لا ولا نعرف الريوس قدام المهم مالك بالطويله دخلنا المعرض من الصبح بدري (طبعاً ما هوب مثل معارضنا يبيلك يومين أو ثلاثة تفرهـ) قال خويي بدخل إجتماع مع الشركة أدخل معي (يعني تكملة عدد) والله أنا أتكي وهالخواجات طايرين بي (يحسبون عندي علم أو سالفة) والدعوهـ يرطنون قلينزي ما فهمت شي قلت لخويي حنا متعودين على رعيان وراعين حلال وكشاته وضبان نجتمع معهم بالبران ما هوب ربعك وهقتنا بهم والظاهر إنكم تحشون بي وأنا ما أدري الوعد تلقاني تحت بفر بالمعرض وأنا أقول هالكلام ضحك واحد من الحضور كان لآبس بدلهـ فرنجي وبسرعه ضفيت قشي وطلعت من غرفتهم طلع خويي بعد ساعة أو حولها ونسيت السالفة قال خويي يا خبل ضحك علينا الرجال قلت أي رجال قال كان على يميني وأنا أسويي نفسي ما شفت أحد يضحك (جحيد وأمر بعيد) أكذبه عيني عينك قالي المهم الرجال اللي ضحك من ديرك قالت وشو قال نعم جاك العلم من الزلفي وعلمته بإسمك وعرفك وعرف الجماعه (يعني فضيحتي بجلاجل) وإنه فلان الفلاني مدير معاهد .... للكمبيوترات وتعليم الحاسب الآلي بالمملكه رجعنا للسعودية وأول ما دخلت البيت كان مصادف جمعه للعايلة عند الوالده وبدال ما الواحد يقول الحمد لله على السلامه أو السلام عليكم كلهم يتسابقون بالعياره اللي يقول حدك البران والضبان واللي يقول مرة أخرى لا تعدى الصمان وخلك عليه واللي يتكلم معي قلينزي (يواحن) بسم الله ما أمداني آصل من علمكم الإستخبارات شغاله قالوا لي فلان الفلاني راعي المعهد حق الكمبيوترات بعد شهر إكتشفت إن اللي معلم الإخوان وناشر الموقف هو خويي مرسل رساله لخوي إللي أصغر مني وقالهـ على إن اللي معلمكم فلان أثاري الرجال بريء وصار الخبر من هالنمس رفيزي يالله على الله إنها تجوز لك أخوي أبو البر وأهنيك على كفاحك وإصرارك وأوعدك بثلاث قصص لنفس المعرض والمواقف المضحكه فيه حتى ما أنساهن 1/ سالفة مكينة الماء 2/ سالفة الصورهـ 3/ سالفة عم بأحكي معك عربي بس شب على الأعضاء خلهم يتفاعلون معك دمت بحفظ الله |
الله يعطيك العافيه على الموضوع ومتابعين معاكم :a_ok::a_ok::a_ok::a_ok: |
أبو البر شكلي بستلم الطاره عنك وش دعوه يا ناس مابه سوالف والا الدعوه أسرار طيب قولو لو سوالف ومواقف اصدقائينكم |
من جديد خقله (رفعه) للموضوع لعل أحد يكرمنا بحزوره أبو البر مالك عره |
علشانك يا أبو الرحالين هذي سالفة من الذكريات في آخر يوم من رمضان عام 1415 خرجت برفقة بعض المعلمين من عنيزة للإفطار في البر فلما وصلنا ونزلنا أغراضنا ، وبدأنا بتجهيز الإفطار وأهمها ( الشوربة ) وإذا أخينا ( أبو حسين ) ناسي الملح ... ولا حولنا أحد ، ولأن الحاجة أم الاختراع فقد وضعنا كل الليمون الأسود اللي معنا ، وجاء مذاقها من أروع ما يمكن ... وبعدها ( خمت ) أبي كوت أسود للعيد وأخذنا ننتقل من قرية لقرية بحثا عن الكوت المطلوب لكن دون جدوى وتعيدت بلا كوت ,,, ( ياحول يا أنا ) وسلامتكم |
اقتباس:
هههههههههه راح تكون ذكريات حلوه بالنسبه لمشاركاتك فهي محل تقدير ولك مني كل الحب والاحترام . |
اقتباس:
والموضوع ليس خاص بي ........بل هو للجميع ...وصدقني ما فكرت عند طرح الموضوع ان عدد المشاهدات تعدى الثلاث الاف والمشاركات قليله .......وعلى العموم المنتدى ومواضيع المنتدى هي اولا واخر للجميع . اكرر شكري وتقديري لك. وعلى فكره / نسيان الملح تقدر تقول انه تقريبا عادي على الآقل لليوم الثاني . ولكن وش رايك باللي ناسين سكين ومعهم خروف يبون يتعشون عليه . وهات يا اقتراحات مضحكه طبعا .......... من هالآقتراحات اللي يقول اخنقوه او اضربو راسه بحجر او حطو راسه تحت الكفر وندعس طبعا كلها ضحك وتعليق . بس بالآخير اكلناه .....واذا بغيت تعرف كيف اسأل ولاكن لعلمك ذبحناه بطريقه شرعيه وبدون سكين و بالحلال . |
ياحافظ على ربيعكم ما شاء الله عليه ذيب
المهم يعطيكم العافيه وبيض الله وجوهكم |
الف تحيه لأخوي ابو البر وكمان الف تحيه لأخوي المشرف ابوحمد
حبيت اشاركم مادام الدعوه فيها قصص وذكريات جميله لن ننساها ابدا في عام 1410 تقريبا قبل واحد عشرين سنه لزم والح علينا احد الأخوه المتعينين حديثا للتدريس في حفر الباطن لزيارته خصوصا انوه الجو كان ايام شتاء وبرد وربيع وظهور الفقع فعقدنا العزم وتوكلنا على الله ومشينا يوم الثلاثاء بعد الغداء بسياره ددسن غمارتين 86 وعددنا خمسه وصلنا العشاء لصاحبنا وتعشينا وبعد الفجر ليوم الاربعاء انطلقنا لمنطقة الصداوي تبعد عن الحفر شرق حوالي 85 ك على طريق القيصومه دخلنا بعد محطة البنزين واتجهنا شمال شرق حوالي 25 ك وكانت الارض متشابهه ارض الدبدبه بساط اخضر على مد البصر لايوجد جبال او معالم بارزه مجرد خيام بيضاء واغنام وأبل وكلها ددسن غماره وغمارتين وخيمه عامود وعامودين ولا كان يوجد قارمن او ماجلان نمشي على الخطوط القويه ونسأل البدو اخذنا ذبيحتنا الصبح وشفنا مكان زين ومافيه عالم واجد وبعد ان افطرنا جلسنا نتمشا على ارجلنا ونبداء بالبحث عن الفقع للغداء وبعد ان تغدينا احلا كبسة بالعالم فيه واحد معنا الله يهديه تلقف وقال تتحدوني اروح للمحطه اجيب لكم ببسي فيه واحد اشد منه حمقا قال انا اتحداك حاولنا نثنيهم مافيه فايده ركبهم الشيطان ياجماعه مامعنا الا سياره وحده والدروب تشابه وبنجلس لوحدنا بالخيمه والارض والسماء برد مافيه فايده رد علينا الاحمق وقال ابروح سيده وارجع سيده واذا قابلني خيمه او عقم الف عنه وارجع لخطي شف المخ الزايد والتفكير الارعن توكلو على الله وراح الشخص المتحدي هووالمدرس راعي الحفر وقلنا لهم حنا عارفين انكم بتضيعون لكن اذا غربت الشمس ارجعو للشقه بالحفر ونامو وقبل الفجر حركو لنا والوعد بكرا الصبح محطة البنزين لاتعدونها لين نجيكم اظلم الليل وشبينا ضونا وحمدنا ربنا وسوينا احلا عشاء وسمرنا ونمنا والصباح رباح يوم صار الفجر صلينا وشبينا ضونا وسوينا القهوه والحليبه والفطور ومعنا واحد طير بر وفطين بالحيل الله يجزاه خير قال انشاء الله بجيبهم لكم لاتضيق صدوركم قام من عندنا وعرض لواحد من البدو النشامه يرعى حلاله وقاله القهوه زاهبه ياوجه الخير افطر معنا البدوي يوم قام لحقه خوينا وقاله السالفه وقاله ابيك توديني للمحطه وترجعني لخيمتي وبحقها ركب معه وبعد ساعه جابهم والاحمق خوينا ظايقن صدره حمدنا ربنا وقلنا هذي نبيها تكون درس لنا ولغيرنا واستفدنا من هالموقف 1 الحرص ثم الحرص اذا كانت المنطقه بعيده وصعبة المداخل ان يكون معكم اكثر من سياره بكامل استعدادها ووسائل الاتصال 2 اختيار امير لكم يكون رزين وذو علم وصاحب خبره والابتعاد عن الامور اللي تظر ماتنفع 3 في حالة اختلاف وجهات النظر ان يكون الرأي لأهل الخبره والأغلبيه 4اهم شي التوكل على الله سبحانه فهو الحافظ 5 يوجد بعض الاشخاص لايعرفون الا الاكل والشرب والنوم حتى براد شاي لايعرف عمله فلو يتطوع احد الاخوه بتعليمهم الطبخ وخلافه من امور الرحله هذا مافي جعبتي ولكم مني الشكر الجزيل وتقبلو اطيب تحيه اخوكم عبادي العامري |
ههههههههه
هههههههههه |
اقتباس:
والله إنك صاذ أخوي عبادي يا كثر الرفلين بالبر والأحمقين وما شاء الله على خويكم عز الله هذا اللي يصلح أمير على قولك وأما النقاط اللي طرحتها من الإستفادة بصراحه أشكرك عليها وبإنتظار مواقف إخرى منك أو غيرك دمت بحفظ الله |
| الساعة الآن 02:15 PM |
Powered by vBulletin .
جميع الحقوق محفوظة © لشبكة ومنتديات البراري 2010