|
إستفسارات موجه للأخ / راعي الـــ 8100
السلام عليكم ورحمة الله وبركاته في الحقيقة لفت انتباهي أسمك كأخ وعضو وهو ( راعي الــ 8100 ) طبعآ تسميت بهذا الأسم نسبة لمقاس أو نوعية سيارتك الــ جي إم سي التي اسأل الله أن يكفيك شرها . الإستفسار يالغالي : 1 - كم قوة هذه المكينة بالأحصنة ( ستاندر ) دون تعديل ؟ 2 - متى يقطع عداد السرعة ( على آي سرعة نهاية برمجة الكمبيوتر ) ؟ 3 - كم تصل الحرارة عند الضغط على المكينة ؟ 4 - مانوع رووس المكينة ( زهر أم ألمنيوم ) ؟ صورة المكينة ( الفورتك 8100 ) https://www.autoworld.com/news/gmc/vortec8100.jpg عذرآ على كثرة الأسئلة لأني ناوي إن شاء الله في مشروعي القادم تركيب هذه المكينة على جيب نيسان ربع اذا كانت المكينة مناسبة طبعآ ولتعم الفائدة للجميع . |
والله اسئلتك صعبه علينا ومالها الا راعيها
كان ودنا نخدمك |
لاهنت أخوي سلوم من أقل الفوائد لهذه الإستفسارات أن يكون صاحب السيارة لديه معرفة بسيارته ومواصفاتها الميكانيكية وكذلك يستفيد من هذه المعلومات الأعضاء الأخرين . |
مشكور والله يوفقك انشاء الله يا عاشق جبل
|
حياك الباري أخوي ( الجنـ 2000 ـوبي ) |
وين اخونا يجاوبك على الاسئلة
ودنا نستفيد بعد |
اقتباس:
وعليكم السلام ورحمة الله وبركاته حياك الله اخوي عاشق الجبل بالنسبة للاسئلتك كم قوة هذه المكينة بالأحصنة ( ستاندر ) دون تعديل ؟ قوة المكينة 356 حصان 2 - متى يقطع عداد السرعة ( على آي سرعة نهاية برمجة الكمبيوتر ) ؟ يفصل عال 190 ولكن لا فكيت الفاصل يجيب 240 لكن يخبط عليك القير لان الجمس كله كمبيوتر وبرمجه ووجع راس 3 - كم تصل الحرارة عند الضغط على المكينة ؟ مدري وش تقصد لكن حراارة الموتر دايم قبل النص بشرطه 4 - مانوع رووس المكينة ( زهر أم ألمنيوم ) ؟ نوعها المونيوم واتمنى اني افدتك اخوي الغالي واي سؤال انا بالخدمه واعذرنا عالتاخر بالرد تعرف رمضان التزامات واشغال وبالتوفيق يالغالي |
عز الله ماقصرت يالغالي الفرق بين الــ 8100 وبين الــ Ls1 فقط 36 حصان (الــ Ls1 عدد الأحصنة 320 ) يمكن تعويض هذا الفرق بعامود تيمن وفلتر وهيدرز . صحيح أن مكائن البق بلك 454 ومافوق جبارة جدآ لكن المشكلة في حرارتها بعد الترهيم بيض الله وجهك أخوي راعي الــ8100 على هذه المعلومات |
اخوي عاشق الجبل
ان عندي استفسار محيرني هل مكينه الـ8100 فعلا سعتها 8,1 لتر ام اسم فقط وهي 454 هاذا سؤال دايما حيرني وشكرا أخوك / حاتم |
اخوي عاشق الجبل حياك الله يابعدي في اي وقت .,.,.,.,.,.,.,
|
اقتباس:
الحين الباترول الفتك سعته 4.8 ولا اسم فقط 4800 ؟؟؟ عليك سؤال بنص ريال المهم ال 8100 سعته 8.1 الجمس ال1500 واليوكون مكينتهن 5300 5.3 الجمس ال 2500 6.0 فهمت حبيب البي ؟؟؟؟ |
مشكور اخوي على طرحك للموضوع ..
واشكر اخوي راعي ال 8100 على الرد الوافي وبالنسبه لخوي حاتم مشكور على المشاركه والصراحه ما هقيت واحد فاهم مثلك يبي يسال هالسوال وشكلك ما تعرف مكاين ال 454 .. اسمع يا خلفهم في فرك بين حجم البلك حق المكينه وعدد السيسيات يعني اذا قالو المكينه 8100 يعني 8.1 سي سي والسيسي هذا مقياس لسلندر نفسه وبعدين مكاين ال 454 اكبر من مكينه ال8100 بالحجم مو بالاحصنه ... اتمنى انك فهمت الفكره ... اخوكم ... ابو شداد |
شكرا
للتوضيح أخوكم : حاتم |
وعليكم السلام ورحمة الله وبركاته
اخواني انا عندي صالون اتوماتيك موديل 90 خليجي اخر ما نزل من الصوالين القديمة الكبار يقولون ان مكينته شكمانين وانا ما اشوف الا شكمان واحد وش السالفه وكم غلاقة زيت يصب فيه الجارح 2000 |
والله يالغالي يعتمد على نوع المكينة هل هي 350 أو 454 وأعتقد أن اللي عندك 350 لأنها حسب كلامك شكمان واحد وخبرتي بالسيارات اليابانية فقط . . ومحلات تغييرالزيت يعرفون وأنا أخوك كل سيارة وش قد تاخذ زيت . . . والعيار شيك عليه بعد التغيير |
ما شاء الله
والله نقاشكم عطانا فوائد اتمنى ان نرى مثل هذه النقاشات ففيها فائدة للزوار |
| الساعة الآن 11:15 PM |
Powered by vBulletin .
جميع الحقوق محفوظة © لشبكة ومنتديات البراري 2010