ماهو أفضل أنواح الحطب ولماذا ؟
 

وعليكم السلام ورحمة الله وبركاته

حياك الله اخي الكريم ابومنصور

افضل انواع الحطب هو السمر وبلا منازع

كل الشكر والتقدير اخي الكريم

وننتظر رأي بقية الإخوان

مرحبا اخوي عاشق جبل وحياك معنا يا الغالي وموضوع الذي فيه من المتعه والاثاره

اكيد وبدون منازع السمر لانه جمره ما يرمد على طول وريحة زينه ما شاء الله

وفيه الغضى بعد السمر

اتمنى ان بينت وجهت نظري

انا من وجهة نظري ان السدر افضل نوع لعدة اسباب

اولا ريحة دخانه زينة

ثانيا نارة قوية وحراراتها ما يحتاج

ثالثا متوفر في البر وتلقاه يابس

لكن عذروبة مهنا جمر له

وعليكم السلام ورحمة الله وبركاته :

أفضل أنواع الحطب وبلا منازع هو القرظ ، ماهنا دخان وريحته شي وناره حامية كفانا الله نار جهنم وجمرته ماتطفي أبد أبد لكنه قليل وغااااالي مع هذا سعره فيه ولافيه مقارنة بينه وبين السمر ..

ما فيه شك ان حرارة السدر لا تطاق وفعلا ماله جمر
اخوي النايف ممكن تقول لي مكان يكثر فيه السدر اذا سمحت
انتظر منك رساله على الخاص لاهنت

الموضوع رائع ماشاء الله تبارك الله ..


وعلى طار ي السمر هل فيه أحد جرب أغصان الزيتون !! (( أخس ياللبناني)) يمدحونه بالحيل .. وانا جربت فحم الزيتون المكبوس ممتاز وجمرته يومين على الشرط !!


واما من ناحية حطبنا المتوفر عندنا الله يخلف علينا كله دخنة بس شي اهون من شي .. وانا بصراحة أحب الرمث ..

لأن ريحته جايزتلي بالحيل ويذكرني بالأيام الخوالي .. وبعدين جمرته حاره وتصلح للقرص والمله واللي بيتسوي أحد ؟


والف شكر على الموضوع الرائع ..

زززززززززززززززززز طع كبر المركه وحتى الفجر ههههههه

امزح معك وما قصرت بس السمر زين ولو

السمر زين ومتوفر والارطى حليو والغضا يمدحونه
لكن من جرب لو كم غصن من اغصان الترنج
والله ياهي ريحه تصك الراس
جربو وادعو لي

طيب يا اخوان شجر العوشق ترى ناره حارة

ومن الشب فيه فائدة واجر بعد

وش رايكم

افضل انواع الحطب بالترتيب

القرض والسمر والارطاء

صحيح القرض ناره قوية لكن هل له جمر

انا اعرف ان عودان القرض صغيرة الا اذا تقصدون العروق

او اللي في بالكم غير اللي في بالي

حنا نسميها القرضيه

غير السمر لا تدور
بس الارطه له طعم خاص

من ناحيتي الأفضل (((((((((((((( السمر ))))))))))))))

جزيت خير وجوجت بكرا
.
.
.
.
.
جزيت خير وجوجت بكرا

مشكور اخوي......................................