|
كشتة خفافية يمة الأعصل والدهناء والتنهات 16/3/1430
بسم الله الرحمن الرحيم السلام عليكم ورحمة الله وبركاته طبعاً الربيع ولى والكشاته زبنوا الشعبان ...وعادوا لكشتات الصيف وأخذ أماكن جميلة تحت الأشجار ... كان لنا ضحى الخميس نية كشتة في أسفل شعيب الأعصل والحمدلله تيسر الأمر ... أترككم مع التقرير المصور ... ** الوصول للموقع وأخذ جولة عليه !! https://up.joreyat.org/15Mar2009/7.JPG ** فور الوصول بدأ الشروع لتجهيز الغداء .. تقطيع البصل .. https://up.joreyat.org/15Mar2009/628776979_3.JPG ** ثم تقطيع اللحمة !! https://up.joreyat.org/15Mar2009/1733566751_4.JPG ** وبعد الطبخ ... حصلت لنا هذه النثرية المنتثرة ... من يد ما نعدمها !! https://up.joreyat.org/15Mar2009/120321464_5.JPG ** بسم الله ... سموا سموا ... آه يا طعم السفن أب !! https://up.joreyat.org/15Mar2009/573225519_2.JPG ** وبعد الغداء بدأ التهضيم !! https://up.joreyat.org/15Mar2009/8.JPG ** الشباب مصلحين مرجيحة بسبتة السحب ومنافسة للوصول إلى أعلى .. https://up.joreyat.org/15Mar2009/9.JPG ** ماشاء الله لا إله إلا الله تم الوصول للقمة !! https://up.joreyat.org/15Mar2009/10.JPG ** الحيرا .. جو عليل وعشب جميل ...!! https://up.joreyat.org/15Mar2009/12.JPG * شاي العصر في فيضة الحيرا ... https://up.joreyat.org/15Mar2009/11.JPG ** الدهناء في ليلة قمارية رائعة !! https://up.joreyat.org/15Mar2009/20.JPG ** وتجربة جديدة للمندي الجديد !! https://up.joreyat.org/15Mar2009/13.JPG ** برميل خفيف الحمل وسهل النقل.. https://up.joreyat.org/15Mar2009/14.JPG ** وتم إضرام النار بجوار ضويتنا الخامدة ... https://up.joreyat.org/15Mar2009/15.JPG ** وهناك يتم تبهير اللحيمات وتجهيزها .. https://up.joreyat.org/15Mar2009/16.JPG ** ومن ثم حفر حفرة للجمر وتطبيق البرميل .. https://up.joreyat.org/15Mar2009/17.JPG ** وبعد إشعال الضوء من فوق وتحت ومن جنب .. خرجت لنا هكذا !! https://up.joreyat.org/15Mar2009/18.JPG ** يا سلام مندي بالمكرونة ... طبعاً المكرونة كانت في موقع آخر !! https://up.joreyat.org/15Mar2009/19.JPG ** قبيل الفجر ... لا يمل من عادته !! https://up.joreyat.org/15Mar2009/21.JPG ** تسلم يمينك يا أبوحمد !! https://up.joreyat.org/15Mar2009/33.JPG ** وهنا البطة المعتادة .. قرص جمر ..ولكن .. https://up.joreyat.org/15Mar2009/23.JPG ** اجتمع فيه عراقة الماضي .. لا هنت يا أبوعبدالعزيز .. https://up.joreyat.org/15Mar2009/24.JPG ** في الجانب الآخر عراقة الحاضر تقطيع الكبده والهبره والبصيلات ..!! https://up.joreyat.org/15Mar2009/25.JPG ** ما شاء الله تقطيع ذمه !! https://up.joreyat.org/15Mar2009/26.JPG ** كنا قد حفرنا للكفرات أذرى عن البراد الذي لم نحسب حسابه !! https://up.joreyat.org/15Mar2009/27.JPG ** التنهات وكشتة على أطلال الذكريات !! https://up.joreyat.org/15Mar2009/28.JPG ** لم نجد أجمل من الكشتة هاهنا !! https://up.joreyat.org/15Mar2009/29.JPG ** موقع جميل وذرى عن الهواء في مصب الشوكي !! https://up.joreyat.org/15Mar2009/30.JPG ** ولكن للأسف ازعجنا جيراننا بتغذية أبنائهم بشكل لايصدق !! https://up.joreyat.org/15Mar2009/31.JPG ** نثرية أخرى ليوم الجمعة !! https://up.joreyat.org/15Mar2009/32.JPG ** بسم الله .. https://up.joreyat.org/15Mar2009/1633406548_6.JPG ثم خرجنا إلى روضة نورة وللأسف البطارية غير مشحونة لنقل الصورة لشاي العصر .. شاكر لكم هذه الطلة الميمونة وتقبلوا تحياتي وتحيات البقية من أعضاء الرحلة !! تقريري القادم لرحلتي إلى المدينة المنورة وينبع البحر قبل أسبوعين تقريباً والحمدلله رب العالمين |
يـــا المهند بيض الله وجهك وحلت البر ونسته مغراز [bimg]https://up.joreyat.org/15Mar2009/27.JPG[/bimg] |
|
اصبر عااااااااااد هالمره ابدقق في كل شي !!
اول شي جوالك او كاميرتك فيها غبااار على اعدسه نظفها ثاني شي احسن انك لخبط بين الصور وخصوصا صور الكبسااات تأكد وثالث شي وش سالفتة هالتغريز الصناعي جديده علينا ورابع شي نبي موضوع خاص عن فكرة برميل المندي سلام |
اقتباس:
هلا بك أخوي هواي البر فهد ... وما يحتاج التغريزة هي التي تبغى في الذكريات البرية وخصوصاً إذا صارت جامدة ... بس ترانا ما غرزنا !! حياااك الله ولاهنت على الحضور والمرور !! |
اقتباس:
الله يعافيك أخوي أبوزيد ... ومرور جميل منك أخوي الله لا يهينك .. |
اقتباس:
بس هالمرة ... أعوذ بالله كل مانزلت موضوع دققت فيه وآخرتها موضوع التنهات !!! الأجوبة ج 1 /أ: يا خوفتي أن نظارتك هي اللي فيها غبار ... أمسحها بطرف الشماغ يمكن دفنها التراب اللي جاء ...!!! ب : صحيح أخوي أبو ناصر وهي النقطة الواقعة شمال غرب الصورة ولا أدري وش سالفتها ووش لون تنظف ... ياليت أحد يفيدنا وإلا نطلتها وجبت غيرها !!! ج 2 / صور الكبسات الأوله القدر في رمل وهو في شعيب الأعصل الواضح منها ... لكن نسـ(ك)بة الغداء مدري عنها بالضبط ... والكبسة الثانية في مصب الشوكي وأرضه بحص !! ج 3 / التغريز الصناعي هذا ذرا وماودي أعلم به أخاف الناس تهون ما تشتري أروقه !!! وكان فيه هواء بارد ..عشان كذا حفرنا للكفرات وسقطناها وما شاء الله صار محل صفه ما فيه هواء ... وانتبه لاتتورط .. هالحركة لاتسويها إلا معك سيارة ثانية لأنه احتمال تغرز أو يتعلق الموتر !! ج 4 / طريقة المندي هذي يبي لها كشتة خاصة بها ويبي لها دجاج أهون لطبخها وإن شاء الله تتيسر ونطبقها مصورة !!! |
الله العافية على الموضوع الجميل اقتراح : وش رأيك تفتح مطعم وتسميه ( أحسن مندي موجود عندي ) |
صور جميله ورحله ممتعه
الله يعطيك العافيه مثل ما وسعت صدورنا |
هلا المهند فاتتني الرحلة بصرااااااااااااحة
تصدق فاتك مندي عليه الكلام يوم الخميس ونت خابر راعي الكموم إذا اهتوى وتوالت عليه الأفكار والخطط والطبخات وهو يصلي اظبط مندي على كيف كيفك طعمه في حلقي الين الحين https://up.joreyat.org/15Mar2009/18.JPG صورة توقفت عندها وتأملتها كثيراً https://up.joreyat.org/15Mar2009/24.JPG |
اقتباس:
الله يعافيك أخوي همام ... وشاكر لك مداخلتك ... |
اقتباس:
الله يعافيك ... ويجمعنا وإياك في جنة النعيم !! |
اقتباس:
هلا أبوعدنان أنتم أبطوا في الصلاة ... ومالكم إلا يصنع طيارة ... أما صورة التأمل فتقول : ألا ليت الشباب يعود يوماً ** فأخبره بما فعل المشيب أو أنك تقول : مازال للعمر والكشتات بقية مادام أبوعبدالعزيز يكشت !!! |
ماشاء الله كشتة رائعة يالمهند تسلم يدينك
الابداع مهوب غريب عليك دائما تجذبني مواضيعك وفي كل موضوع شي جديد ومفيد وقبل لا انسى مبروك التميز فانت اهله والى كشته قادمة لاهنت يالمهند,,, |
تسلم يمناك يالمهند على التقرير
بصراحه عيشتنا اجواء الرحله بس مااكلت يبي لنا هالمندي نجربه تحياتي |
يأخي ياراعي الهيلكس انت ورفيجك راعي الجمس
ازعجتونا بلعب الكوره في فيضة الحيرا على العموم شكرا على تقرير رحلتكم الجميل خوصصا الشيب ألي راكب عى الباب ووشلون ربيع فيضة نوره عساه مازال تقبل مروري |
ماشاء الله على الإبداع والصور المتنوعة
سلمت يمناك ولا عدمناك |
********************************* الله يهنيكم والله انها كشتة رائعه,, لاكن المرجيحة كلام ثاني . والمكرونة احلى واحلى,,,, وفقكم الله لما فية رضاه ***************************** |
ماشاء الله تبارك الله عز الله كشته ولا أحلى لكن إنتبهوا من ضرر أكل اللحم بإستمرار نوعوا في الاكل |
آه منك يا مهند
كتاباتك وصورك تدغدغ الأحاسيس والروح وأود أن أعبر عن مدى إعجابي بما تخطه يداكِ من صور جميلة . وأشكرك من قلبي لنشاطك ولمستك الواضحة على صفحات المنتدى وبصمتك الجميلة على صفحة نبضات القلوب عشاقك دمت بكل خير أرجو لكِ دوام التقدم والتوفيق |
اقتباس:
الله لايهينك أخوي البارق ... والله يبارك فيك .. والفضل يعود بعد الله للإدارة التي دائماً ماتحفز الأعضاء لتقديم الكثير ... |
اقتباس:
سلمت ولا هنت أخوي بندر ... وزين إنك ماأكلت المندي ... مهوب زين !!! شاكر لك المرور ... |
اقتباس:
هلا بك أخوي أبو تميم ... وبعدين وش جايبك من الحوطة إلى برنا وجهاتنا ... ماعندكم محل تكشتون فيه !! الملعب ملعبنا والقوم طردونا !!! وبعدين أنت وش معك سيارة أنت راعي الددسن اللي ماتغشاء إلا المغرب !! أما ربيع نورة ممتاز حنا شاربين شاي عصر الجمعة فيه وربيع كايف ... والله يحييك متى جيت في أرض تمير ... وهذا الساعة المباركة ... |
اقتباس:
تسلم أخوي صائد الفوائد ... وحياااك الله .. شاكر لك هذا المرور والحضور ,,, |
وش دعوى يا إبن العم ديرتنا ديرتكم وديرتكم ديرتنا كلنا عيال عم والله يحييك في أي وقت في ديارك حوطة بني تميم , وترى توني أنا وولد عمك نايف في حوطة تميم
وفرصه طيبه يا إبن العم اما السياره فهي الددسن |
حياااك الله في أي وقت أخوي أبو تميم ... وهذي الساعة المباركة ...وأنعم وأكرم بالأخ نايف وأخوه أحمد وبك والجميع ...أجل أنت راعي الددسن ... صح أننا ما نستحي جالسين حولكم ... وش نسوي الفيضة مليانه !!https://www.albrari.com/vb/uploaded/7210_01237790840.jpg
|
اقتباس:
تقبل مروري مع أحلى الاماني لك بالتوفيق |
اقتباس:
|
بيض الله وجهك
|
مشكوووووووووووووووووووووووور
|
مشاء الله متابعه اول باول شكل خوياك بغو يروحون منكثر ما تصورهم في كل خطوه
على العموم تسلم يالغالي |
يعطيك العافيه
|
ماشاء اللـــــــــــــه عليكم اللـــــــــه يهنيكــــــــــــــم روعـــــــــــــــــــــــــــــــة روعــــــــــــــــــــــــــــــــــــــــــة روعــــــــــــــــــــــــــــــــــــة روعـــــــــــــــــــــــــــــــــــة روعــــــــــــــــــــــــــــــــــــــــــة روعــــــــــــــــــــــــــــــــــــة روعـــــــــــــــــــــــــــــــــــــة |
تسلم على التقرير يالغالي
|
الله يديمها من وناسه عليكم وعلى كل مسلم ياأخي مهند
|
الله لايهينك أخوي
مشكور |
تسلم تسلم وبيض الله وجهك مطلاع كايف ووجيه غانمه وش خليت وش بقيت الله لايضرك والشايب تكفى حبلي على راسه . . . هم الخير والبركة الله يطول بعمره على طاعته ويختمله بالصالحات جعلك للجنة ووالديك ومن تحب تقبل مروري وتقديري |
| الساعة الآن 05:46 AM |
Powered by vBulletin .
جميع الحقوق محفوظة © لشبكة ومنتديات البراري 2010