|
ماذا تفعل لو لدغت من عقرب أو داب (ثعبان)
مرة من المرات كنت طالع للمزرعة على الكابرس 85 الله يرحمة لحالي مامعي احد ... لأن اهلي شدوا منها ودخلو الديرة من زمان . المهم يوم وصلت المزرعة قلت أبشوف وش سبب التقطيع الي صار لها النظيّفة وفتحت الكبوت وصرت اناضر ولمس وفصل وشبك بها السلاك. ويوم قظيت صكيت الكبوت وطمبست على هاك الخرقة با الأرض (قطعة قماش) وخذتها ابنضف يدينى من الزيت والوصخ ويوم حطيتها على ذراعي ... حسيت أنه كأن فيه دبوس حار جدا ينغرس بذراعي فجدعتها بالأرض على طول وناظرت ماشوف دبوس ولا شي لاكني احس انو فيه ينغرس ويروح داخل ... وصرت امسح مكانه بيدي الثانية وما فيه فايده فقلت اكيد لدغني شي من الخرقه فأخذتها ثانية ونفظتها ... يوم طاحت منه!!! ... عقرب صفراء بطنه أكبر من مسكت مفتاح كابرسي مرتين ( نسميها ((عقربان)) وهي من أخطر العقارب ولذلك سموها بها الأسم. المهم وش اسوي الديره بعيده ولحالي وعقربان بصراحه خفت بااااا لحيل المهم ربطت يدي من عند أبطي وقلت ابمكن روحي قبل يسري السم بجسمي ركبت السياره ... ابشغل عيت تشتغل!!!! وش السوات ... ألألم بدا يزيد ... ففتحت الكبوت مره ثانيه ابشوف وش انا خربت لاكن صرت اشوف المكينه كله اسلاك وليات وصرت ما اركز من الألم والخوف ( بعذري لحالي تراي ). فتركت السياره ودخلت البيت (منزلنا سابقا) وصرت استدير وما أدري وش اسوي وبديت اصيح من شدت الألم ... دخلت المطبخ صدفه ما ادري وشو له المهم وقعت عيني على القز ( الغاز ) فأ شعلته وصرت أضع ذراعي وخاصة مكان القرصه ( اللدغه ) على النار وأحاول أتحمل الحرارة بأقصى ما يمكن ثم أبعدها ... وذابردت شوي رجعته مرة ثانيه وثالثه وهكذا ..... ولا أذكر كم مرة .... المهم انني بعد عدة مرات صار الألم يتراجع ويخف شيا فشيا حتى أنني صرت لا أشعر الا بحرارة نار القز فطفيته وطلعت بعدها فصرت احس بألم خفيف بحجم حبة الفصفص على ذراعي.
وزال بعد قليل والحمدلله ... ثم دخلت بهاك الغرفه ونمت عقبة نومه عميقة الا هالحين طعمه براسي. هذا موقف صار لي من زمان قبل الجوالات والأتصالات وحبيت أشارك فيه والتجربه خير برهان. والي يصيره مثلي ولا عنده قز يشب نار. وشكرا ... وعذرا على اني كثرت عليكم الخرط ولا عطيتكم الزبده على طول. |
الله يعطيك العافية على المعلومة الجديدة ونتمنى أن تكون فعالة مع لدغ العقرب والداب
|
تسلم أخوي
وبارك الله فيك مشكور |
الله يعطيك العافيه
موضوع طيب دندشه |
مشكور أخوي وأعجبني موضوعك
|
|
الله يسلمك يا (أمطار لخير) والشكر الجزيل لكل من مر على الموضوع وأثنى عليه.
|
الحمدلله على سلامتك
ومعلومه قيمه يعطيك العافيه اخوي |
تسلم أخوي
وبارك الله فيك |
تسلم أخوي
وبارك الله فيك |
مشكوووووووور اخوي و الله يعطيك الف الف عافيه مشكوووووووووووووووووور مره ثانيه |
بارك الله فيك معلومه مهمه وما قصرت تقبل مروري ولك تحياتي |
الحمد لله على السلامه الله يكفينا الشر والله يجزاك خير تقبل مروري ابو سياف |
جزاك الله خير
|
جزاك الله خير والحاجه ام الاختراع
والله يقينا شرهن |
الحمد لله على السلامة.
العقرب امرها هين باذن الله لكن البلا من الحية او الداب هذي اللي مافيها دبره ان عالجتها باسرع ما يمكن والا الله يرحمك . |
اول شي الحمد لله على السلامه
ثانياً ماشاء الله اعصابك حديد اللي رحت تنام . ثالثاً هذا درس إن الواحد مايأخذ شي من الأرض إلا هو متأكد إنه ما فيه . رابعاً ينبغي للشخص إنه ما يكون لوحده في مكان بعيد تحسباً لأي ظرف . |
الحمدالله على السلامه بس كوي النار صعبه لاكن الوجع ولا الموت انا اذا لا قدر الله قرصتني حيه ابحاول اطلع الدم من مكان الأصابة |
اقتباس:
وتهبا النمله قبل الداب تقرصك.:36_1_39[1]: |
الله يعطيك العافيه احمدلله العقارب لست في لين شبعت |
الحمد لله على السلامه لكن اتوقع اكبر خطأ نومتك
|
|
الحمد لله على السلامه |
الله يعطيك العافية
فكرة جيدة قد يحتاج لها المضطر لاسمح الله |
العقرب وعرفناها ....... لكن الداااااااااااااااب وش السواة بها ..
|
اقتباس:
أقول لك الي نفع مع (العقربان) ماهي عقرب عادية لأن سمها أخطر من العادية 3مرات حسب خبراء العقارب.!!! ينفع انشاء الله مع الداب ولو بنسبة ما اقدر أقدرها لأني ماجربتها ... لكن أحسن من لا شي ... ولو نسبة تبقيك حي عاى ألأقل. ونشاالله تبي تصير فعاله بحيل الله. لأني سمعت قصة ان اهل البادية كانوا عندما يلدغ منهم أحد يذبحون له خروف ثم يبقرون بطنه قبل ان يموت فيضعون العضوا الملدوغ داخل احشاء الخروف ومعدته فيخف عليه ألم السم حتى يبرد ثم يذبحون آخر وهكذا... وهذا ناتج عن أن الحرارة داخل جوف الخروف تخفف ألم السم لاكنها ليست بدرجة أعلى بحيث تفكك جزيئاته وتبطلة. حمى الله الجميع |
الحمد لله على سلامتك ياالغالي
والله يكفانا شر العقارب والدوااب يارب |
الحمدلله على السلامه
والحق يقال فكره جديده وفي نفس الوقت حلوه |
| الساعة الآن 09:29 AM |
Powered by vBulletin .
جميع الحقوق محفوظة © لشبكة ومنتديات البراري 2010