|
11صورة من( شعيب ضاحك ) الخميس 1430/01/25هـ
إخواني وأحبائي بمنتداي الغالي ( البراري ) السلام عليكم ورحمة الله وبركاته وبعد: حبيت أطلعكم على صور من كشتتي الخفافية يوم الخميس 1430/01/25هـ واللي كانت وجهتها لشعيب ضاحك ومثل ماأنتم عارفين إن هالشعيب أحد روافد وادي الشوكي ( أو شعيب الشوكي مثل ماهو معروف ) ويقدر يجيه الواحد من عدة طرق إما عن طريق مدينة تمير مباشرة بواسطة درب ضاحك أو عن طريق ردمية الشوكي اللي تمر على ريضان هليل أو عن طريق( بداية) ردمية أبراج شركة الكهرب على طريق أم رجوم وعلشان ما تكثر فلسفتي أترككم هالحين مع الصور مع الإعتذار المسبق لأنها من تصوير جوالي ال 82N 7 7 7 منظر علوي للشعيب ( ويلاحظ كثرة الجوادّ وتأثير مرور السيارات على العشب ) https://www.albrari.com/vb/uploaded/5883_91232971289.jpg وهذي الصورة تبين الربيع ماشاء الله ( ولازالت مشكلة إهمال النظافة من بعض الكشاته هداهم الله قائمة ) https://www.albrari.com/vb/uploaded/5883_51232971289.jpg وهذي جلستي الضحى قبل وصول باقي الربع https://www.albrari.com/vb/uploaded/5883_71232971289.jpg وهذي بعض الصور المختارة من نفس المكان https://www.albrari.com/vb/uploaded/5883_11232971289.jpg https://www.albrari.com/vb/uploaded/5883_21232971289.jpg https://www.albrari.com/vb/uploaded/5883_01232971289.jpg بدت حركات الإحتراف في التصوير هههههه https://www.albrari.com/vb/uploaded/5883_61232971289.jpg لاحظوا طول نبات البابونج ماشاء الله https://www.albrari.com/vb/uploaded/5883_41232971289.jpg https://www.albrari.com/vb/uploaded/5883_31232971289.jpg وشوفوا هالمنظر اللي يظيق الصدر https://www.albrari.com/vb/uploaded/5883_01232973454.jpg وفي الختام تقبلو مني بيالة هالشاهي اللي تعدل المزاج https://www.albrari.com/vb/uploaded/5883_81232971289.jpg ملاحظة/ يوجد في شعيب ضاحك أماكن أفضل من اللي وردت في الصور أعلاه خاصة كل ماإتجهنا لشعيب الشوكي وهي فعلاً تستحق الزيارة ولاكنني إنشغلت أثناء وصول باقي طاقم الرحلة ونسيت تصويرها فأرجوا المعذرة مع فائق حبي واحترامي :36_3_11: أخوكم / المقرصة الحامية 0( ابو عبدالعزيز )0 |
عليكم السلام ورحمة الله وبركاته
يا جعلك سالم يا ابوعبدالعزيز الله يجزاك خير على هالصور الطيبه وشاهيك مشروب جعلك غني وفقك الله لكل خير |
ماشاء الله
الله لايهينك يا ابو عبدالعزيز |
تسلم والله أخوي أبو عبدالعزيز
مشكور على موضوعك |
صب لي بيااااااااااااله شكلك ناسيني
وين الاقط والقرقااص مع الشاااهي ما توقعت ضاحك ربيعه هالزين تسلم اخوووووي ابو عبد العزيز سلام |
مشكور أخوي والله يعطيك العافية ...
الشوكي يسمى بالمهبول لربيعه الزاهر .. وبصراحة حنا مبطين عنه ... الله يجيب السيل ... ويغسل الأرض ... |
وعليكم السلام ورحمة الله وبركاته ،،، طلعات وروحات وجيات وماقد قلت لي أخاويك :h25: ،،، رسالة على الخاص ماتخسرك شي ... الا إذا انت مانبيني بكيفك عاد وأنت أبخص <<< كنها طالت شوي خخخخخخخ ألف شكر يابو عبدالعزيز وعوايدك ماتجيب الا الزين ،،، ولابد من زيارة هذا الشعيب لأنك شوقتنا بالصور الأكثر من روعة ،،، بانتظار باقي طلعاتك ياغالي |
مشكور يا ابو عبدالعزيز على الصور
|
اقتباس:
هلا وغلا بك يالتميمي أشكرك من كل قلبي على ردك السريع على مشاركتي المتواضعه وأبشر ببيالة ثانية |
اقتباس:
لاهنت ياحبيبي ونورتنا بمرورك العطر |
اقتباس:
هلابك اخوي/ ابن محمد :32::32: وحياك الله معنا بها الموضوع |
اقتباس:
هلا بك والله ياهادي وهذي أسعد الأوقات اللي نورتنا فيها بمشاركتك تستاهل والله بيالتين وحده شاهي ووحده بابونج لاو قرقاص وإقط بعد ؟؟ وش خليت؟؟..... ياسلام !! حياك الله يالغالي وأسعدني تواجدك معنا اقتباس:
حياك الله أخوي المهند وحيا الله أهل تمير كلهم منورين والله أنت وهادي وباقي الإخوان من تمير ديرة الربيع و الخُلُق الرفيع >> تخبر يعني الأنسباء من تمير اقتباس:
يووووووه :h73: ماعليش العذر والسموحة تراي دقيت عليك لقيت جوالك مقفل ومريتك في البيت قالوا لي مسافر مدري طالع مدري نايم وأرسلت لك على الخاص طلعت الشبكة مشغولة << يخاف ينجلد هههه أبشر والله بطلعة سبشل أنا وأنت وربعنا النشامى حقين المنتدى كلهم ( حياك الله يابو ابراهيم وهذا من طيبك يابعدهم ) :ordh: اقتباس:
|
صور جميله وبارك الله فيك |
ماشاء الله عليك يا أبو عبدالعزيز تغطية متميزة |
شـكــ وبارك الله فيك ـــرا لك ... لك مني أجمل تحية .
|
| الساعة الآن 05:33 AM |
Powered by vBulletin .
جميع الحقوق محفوظة © لشبكة ومنتديات البراري 2010