|
***احصر موضوعي هذا للبراري*** صور من ابداع الخالق لفيضة .... 6 محرم 1430
بسم الله هذي صورة للفيضة https://www.albrari.com/vb/uploaded/657_1230925635.jpg كثير منكم راح يسأل عن الموقع لكن اعتذر لطلب من المجموعة المرافقين لرحلتنا وممكن كثير من الاعضاء يعرف المكان محبكم المستوي |
الله يعطيك العافيه
وياليتك مانزلت الصور دامك منت معلم الناس عنها انفع واستنفع اخوي ولا تحرم الناس الطلعات والربيه ولا تواخذني على كلامي دندشه |
البراري مايتشرف يكون فيه حصرياً مثل هذاالموضوع
احفظ الصورة في بيتكم احسن |
الله يسلمك اخوووي المستوي
وين الغيباااااااااات مشكووور على هالصووور وليتك قريب لنا الموقع شووووي وكثرت من الصوووور مشكووووووووووووووور سلام |
وانا انا من رايي لو انك مخلي الصور في جوالك اصرف
دامك ما ذكرت المحل وين |
يا ساتر
انا قاصد خير لكم نرضيكم ....... ابشروا بمعلومات كاملة عن الموقع لكل عضو بهذا المنتدى بمجرد رسالة على الخاص و دمتم سالمين |
السلام عليكم أخوي المستوي صور ما شاء الله تبارك الله واضح إن ربيعها طيب بالحيل ومعك حق لو ما بغيت تعلم الموقع بلا والله من الغشامهـ ببعض الناس (الله يهديهم) اللي تلقاه يفحط أو وسخ ما تقبل تقرب حول المكان وبما أن المكان ما بعد إنتشر وإشتهر تشوفه نظيف ويشرح النفس ولو إنه صغير بعكس التنهاة على كبرها ووسع المحل إلا إنك تقل داخل مكب للنفايات بالرغم من الجهود المبذولة بالتنظيف من قبل البلديه لكن وش يلحقون وش يخلون أخوي الله يعطيك العافيه صور تسر الخاطر وتقبل مروري عاد الموقع الله لآ يهينك نبيه |
اقتباس:
و تستاهل كل خير بحكم انك اول واحد يفهم المقصود ولكن ليتك تسمح باستقبال الرسائل على الخاص و شكرا |
أشكرك أخي المستوي على الصور الجميلة تنبيه : الحصر يكون لموضوع مفيد وليس لصور فقط بدون ذكر المكان |
اقتباس:
حياك الله أخوي المستوي وبالنسبة لإستقبال الرسائل لم أمنعها (شكله من الإدارة) وأنا أرسلت لك رساله على الخاص |
مشاء الله تبارك الله صور تفتح النفس
ومشكووووووور على الصور المهيضه |
============== ماشاء الله تبارك الله // ربيع طيب وفيضه واسعه ونظيفه // الف الف شكر يا غالي // =============== |
الله يعطيك العافية
|
اقتباس:
|
اقتباس:
ولكن ابشر نلغي الحصر !!!! و جاري النشر ...... |
أخي المستوي... تعودنا في هذا المنتدى على حب الخير للجميع وهذا ردي
روضة الخفس الجنوبية /
من المواقع المميزة والمناسبة للرحلات العائلية يغطي روضة الخفس الجنوبية هذه الأيام بساط أخضر من نبات الحنوة والنفل وأما الشمالية فهي غارقة بالمياة إلا أن المناطق القربية من الشمالية وخاصة الواقعة بين الروضة وجبال العرمه يكثر فيها النباتات المؤكلة مثل (البسباس والحميض والجرجير البري والعراجين وغيرها ) . وما يعاب على روضة الخفس هو كثرة الناس في يوم الخميس . أما النظافة فبلدية حريملاء تقدم خدمه متميزة في نظافة الروضة , بل وتقدم الماء الحلو مجانا وعدة خدمات أخرى :bavo::bavo: تبعد روضة الخفس عن الرياض 100 كم و للوصول للخفس عن طريق الرياض الثمامة ثم تجاوز مفرق الطوقي ب 10 كم لتصل مدخل الروضة وهوعند النقطة N 25 /53/100 E 46/24/000 أما الموقع الذي وضع صورة أخونا المستوي وبخل به علينا :36_1_30:فهو عند النقطة : N 25 /28/870 E 46/25/000نتمنى من الجميع تقديم مايسعد بعضنا البعض فقد قال الرسول صلى الله عليه وسلم (( لايؤمن أحدكم حتى يحب لأخيه مايحب لنفسه )):ordh: [/font][/font] |
اقتباس:
اقتباس:
أبو فارس(المستوي) والله ما قصرت وبيض الله وجهك لكن المشكله باللي ما فهم وش تقصد بعدم نشر الإسم المقصود من عدم النشر كله علشان اللي ما يقدرون نظافة المكان والإهتمام بالبيئه خاصة وإن المكان سهل الوصول له يعني تلقى اللي معه سيكل موقع به ومعك حق أبو فارس ودك إذا رجعت للمكان مرة ثانيه تلقاه بنفس النظافة يا جماعه أبو فارس ما قصر وقال للي يرغب المكان يرسل رساله خاصه له ويعطيه الوصف (وهذا اللي صار معي عطاني الوصف والمكان) والله لآ يخلينا منه وأنتم أعوذ بالله تقل ضوء شابه قال لكم حصري للبراري يعني إذا الواحد كشت بالمكان هذا يدري إن اللي حوله أغلبهم أعضاء البراري وهات أشوف تصوير بعض وهذا فلان وهذا علان ألف شكر لك يالمستوي واللي مر على موضوعك ولا فهم مقصودك (ارفقو) |
مهنا منع اخووي
هذي عندك في الاعدادات مشكووور سلام |
بسم الله الرحمن الرحيم جزاك الله خير والجميع صراحة ما ألومك لكن ياليت تعلم وكل شخص يتحمل سوء عملة خل اخوانك المسلمين يتمتعون بعظيم صنع الله سبحانه بارك الله فيك |
اقتباس:
السلام عليكم أخوي فتى طويق أنت مثل اللي يقول ( عليهم عليهم ) ولا يدري منهو له الحق قريت أول ردين وتهيظت معهم ولا كملت باقي الردود الرجال ما بخل ولا قصر وجانا الوصف من اول طلب له على الخاص وقال للي يبيه يبلغني بالخاص ويبشر به وبين الأسباب ومعه حق ترى وأنت أبخص باللي تشوفه من قذارة ووساخة الناس الله يهديهم وأنا أخوك أحس إنك ظالمه وقسيت بردك اللي ما له سنع بصراحه ولا لك حق (بطنك ما هوب جراب لأحد)شكلك وإن دل على شيء إسلوبك يدل حبك للفضايح والناس واجده اللي تكتب مثل هالمواضيع ويشفر بعض الأماكن اللي شافها بهالمنتدى وغيره وتقبل مروري بصدر رحب وحياك الله والله لا يخلينا منكم يالأعضاء |
مشكور اخوي المستوي ..لايهمك احد..
|
يقول الرسول عليه الصلاة والسلام ( خير الناس انفعهم للناس وخير العمل سرور تدخله على اخيك المسلم )
او كما قال عليه الصلاةوالسلام كلي امل ان تستوعب هذا الحديث ولا تطغى عليك الانانية , وكن كما يريد رسولنا عليه الصلاةوالسلام .. لك تحياتي ’’ |
السلام عليكم ورحمة الله وبركاته اللة يعطك العافية اخوي المستوي والله الله علمني الموقع وارجو عدم التطنيش وتقبل مروري:36_3_12:
|
اقتباس:
اخي الحال لا فض ... فوك يبدوا ان لهجات او لغات ان صح التعبير من الصعب على بعض الشرائح من المجتمع فهمها الله المستعان فتى طويق..... ربما تكون انت السبب في حرمان اعضاء هذا المنتدى بحصر الفائدة للاعضاء فقط :new3: لان هذا المكان اصبح عام و المعلومة نحرص انها تكون للعضو فقط :h32: هذا الاسلوب نجح في منتديات كثيرة في استقطاب عدد اكثر من الاعضاء :36_13_1[1]: انت تسرعت ولكن لو تبينت للموضوع كان وصلت للمطلوب من دون اي تجريح :36_1_30: ردينا على الخاص و الجوال لبعض الاعضاء بكل تواضع :36_1_39[1]: و الله من وراء القصد والله يهديك للعلم فقط احداثية الموقع بالفيضة المصورة غير صحيحة |
اقتباس:
|
أعتقد إن أكثر الردود استفزازية لصاحب الموضوع عشان يعلم بالموقع
والناس كلن يفكر بنفسة ولا يهمه المصلحة العامة وما يخفى عليكم الأثر التدميري من بعض الكشاتة على الأماكن اللي يزورونها الرجال ما قصر وقال اللي يبي الموقع يرسله له على الخاص عشان لا يترك الموضوع مفتوح للزوار اللي يخشون ياخذون مواقع وللأسف تلقا زبالتهم ماليتن الموقع في الأخير أرجو إن محد يزعل من كلامي وأشكر صاحب الموضوع على وعيه وصبره |
ياجماعة الخير تراء الدعوة عادية جدا والحمد لله الربيع السنة عام وادعو الله ان يهدي الجميع لما يحبة ويرضاه والانتقاد تراه ظاهره صحية ويجب ان نحترم وجهات النظر واراء الاخرين وهذا لمصلحة المنتدى لاانه بالمقام الاول يهمنا وللجميع التحية والتقدير
|
الأخوه الكرام اسمحوا لي بأن اقول ان الأخ المستوي وامثاله من الحرصين على نظامة المواقع المكشاتيه تتقطع قلوبهم حزناً وأسى عندما تعرض صور بالنت عن فيضه او مكان به ربيع وعند الذهاب اليه يتمنى الانسان انه لم يأتي بسبب الاوساخ اكرمكم الله والتفحيط وما الى ذلك ووالله يا اخوان اقرب مثال فيضة التنهات كانت من اجمل اماكن الربيع بالمملكة وبعد النت والصور اذهبوا لها بانفسكم لتروا تعتبر اقل المناطق عشباً هذا العام بسبب ما ذكرت رغم انها جاها سيل هالسنه تقول طوفان مو سيل ولا الوم الاخ انا معه في عدم الافصاح عن المكان والجاد يرسل للاخ رساله والاخ المستوي ما اظنه بيقصر ....
|
نجـ أبن ـد زلطه salimasq اشكركم على هذا التعليق |
موضوع تميز في يوم وااااحد
تستاهل التميز اخووي المستوي واعتبر هذي الردود من عوامل تميز الصوووور ايه وينك عنا من زماااااااااااااااااان وسعوا صدوركم ويالربع شفت كيف تغيرت عليك البراري عن اخر مره دخلت فيها اخوي المستوي ما فيه الا حامي حامي مشكوووووووور سلام |
اقتباس:
خجلتني بهذا المديح :36_15_8[1]: وقفت قدام المراية ودي اصدق بس ماش :h42: الله يسلمك و البراري غالي على الجميع :h37: و المزيد من الصور و التقارير جاري اعدادها ان شاء الله.......وش تقول تبونة حصري بعد ؟؟؟؟!!!!!!!:h31: و دمتم سالمين:m22asmilies-com: |
اللي تشوووفه اخووي
ونرحب بكل جديد منكم مشكوووووووور سلام |
بارك الله فيك اخوي
صور رائعة جدا ولا تلام اخوي على عدم ذكر الموقع... لعدة اسباب اهمها: كما بالصورة: https://www.albrari.com/vb/uploaded/11994_1231071533.jpg https://www.albrari.com/vb/uploaded/11994_1231071664.jpg |
مشكور اخوي المستوي الله يعطيك العافيه وفي انتظار جديدك
|
ابن معضاد و قرم تميم شكرا لكم على هذا التعليق |
مشكور اخوي المستوي على الصور والله يرزقنا السيل والخير العميم وفقك الله لكل خير
|
اخوي المستوي تركت لك رسالة على الخاص يعطيك العافية |
يالله من فضلك
منطقة رائعة جدا صور غاية في الجمال |
جميييييييييييييييييل
|
الشكر الجزيل لكم
و دمتم سالمين |
| الساعة الآن 09:05 PM |
Powered by vBulletin .
جميع الحقوق محفوظة © لشبكة ومنتديات البراري 2010