|
مخيمنا العائلي لعيد الأضحى 1429هـ (الله يجمع القلوب على بعضها) أكثر من 70 صورة
السلام عليكم ورحمة الله وبركاته علومكم وأخباركم إخواني الأعضاء كلن بإسمه والزوار مرحبا بكم بهالموضوع اللي ودي منذ مبطي أحوله بالمنتدى=====>>> بس ليش أبطيت بقولكم أولا : ما أدري ثانيا : لأن مخمينا مع العائلة الكريمة حقتنا ==>> يعني الرسمي لو درى تسان ألقاهـ فوق النفود يترصد ويحوم حولنا ثالثا : الإتصالات المبجلة لدينا تساعدنا على الإبداع بسرعة التنزيل والتحميل ــــ يعني يرفعون ضغطك ما حملت والأسباب واجد فيه رابع وخامس وعاشر بس السبب العشرين : إن بعد العيد زحمة مواضيع بالمنتدى وكلن مبدع أحسن مني وأخاف أضيع بالطوشهـ ولا أحد يلقي لموضوعي بال تخيل موضوعي بين مواضيع مثلا دندشهـ أو المهند أو جريح الصيد أو ممسح الريضان والله واجدين المبدعين بس هذولا الطارفين بذهني كان لأضف عفشي وأبيع الجهاز أو بأقرب جدار ألخهـ أدري تقولون أنهج بالموضوع وعطنا الصور بداية المخيم كان قبل العيد بالضبط تاريخ 6/12/1429هـ ولم يخلو إلا يوم العيد فقط أو للي مشو لمكة الله يتقبل منهم وكان حتى 15/12/1429هـ أولا : التجمع حول المكان المقرر وكان الحرص أن يكون إقامة المخيم وعمليات نصب الخيام هم الشباب قطع خمس طعش ==>>> تدريس من الحين على الكشتات وبداية تمسيك القيادة لهم والحق يقال أبدعو أحسن من الكبار https://www.albrari.com/vb/uploaded/5071_1230562553.jpg ومثل ما قلت ما كان معهم إلا ثلاثة كبار وخبرة بران يعني صار أغلبهم هذا الشبل من ذاك الأسد أستانسو يا الصوالح (جمع صالح) لأن أكثر الاسماء صالح عندنا وأحمد وسلمان وفواز وبالباقين واجد شوفو الأخير اللي يمشي بلحاله قام يصيح وش السبب https://www.albrari.com/vb/uploaded/5071_1230562836.jpg وبعد القهاوي والشاي المخدر وبدى الجو يدفى شوي بدت عملية ؟؟؟؟ https://www.albrari.com/vb/uploaded/5071_1230562939.jpg شوفو دحوم متحمس يسحب الحبل قصدي مربطينه لا يطيرهـ الهواء وهذا شيخ العربان يشرف على العمل ويدبر (ماجد وه بس) https://www.albrari.com/vb/uploaded/5071_1230563310.jpg إلى الحين دحوم متجود بالحبل الله يمحى بليسهـ بس لآزم نخليه يخش بالجو ونرفع المعنويات https://www.albrari.com/vb/uploaded/5071_1230563424.jpg أربعهـ شلو الجمل والجمل ما شلهم https://www.albrari.com/vb/uploaded/5071_1230563545.jpg الأولهـ وخلصت اللي بعدوهــ (داخلين مضاربهـ) وتريحة من القايد الأعلى للمخيم أبو صالح(محمد) https://www.albrari.com/vb/uploaded/5071_1230563609.jpg أما راعي الجيب سلمولي عليهـ أحاول أجي ربعهـ يحمسك تخاويه لو عندك مية شغل https://www.albrari.com/vb/uploaded/5071_1230563737.jpg أبو علي(نواف) يا عمري قبل الإصابة وطيحته بالنار https://www.albrari.com/vb/uploaded/5071_1230563870.jpg كلهم أبو محمد واحد صالح والثاني طارق وعملية خياطة رآس الخيمة بالرواق (بعد العملية) بس أهم شي ما فيه أخطاء طبية https://www.albrari.com/vb/uploaded/5071_1230563968.jpg وهذولا شغلتهم تثبيت الأطناب صالح وسلطان https://www.albrari.com/vb/uploaded/5071_1230564085.jpg وأهل جدهـ (ابراهيم) ما يدري وين الله حاطهـ ...بس يضبط لك الشاهي والقهوهـ يا لبي قلبك أبو خليل هيا اشبك شغل ايديك "كذا تقولونها"تراي ما أعرف أقلد https://www.albrari.com/vb/uploaded/5071_1230564204.jpg أحمد والتشييك وللمعلومية هو الجندي المجهول بالمخيم بس ياليت ما تمسك معه حليبه بنص الليل والعالم نايمه الرجاء عدم الرد يتبع يتبع يتبع يتبع |
ماتلاحظ انك مشغلهم بالتصوير ولا اشتغلت
يعني حاط التصوير تصريفه على العموم الله يعافيك وفي انتظار الباقي اللي مدري متى تبي تنزله كل الشكر لك ابو صالح دندشه |
تسلم أخوي رحال على طرح الصور الخاصه بالرحله
ياسلام كذا الرحله والا بلاش رحلات تسلم ولا هنت |
ودحوم يعنني تراي أشتغل وأكرف وبداية توافد الوزراء ومعالي الأعضاء بمجلس البر https://www.albrari.com/vb/uploaded/5071_1230579993.jpg وكمان وحدهـ من بعيد شوي وهذا العامل اللي قلت لكم بصورة قبل شوفوهـ يصيح ورى السيارة https://www.albrari.com/vb/uploaded/5071_1230580203.jpg والعدد بزيادهـ بعد وصول العم محمد أطال الله بعمرهـ على الطاعهـ آهـ يا عم ليتني طبقت نصيحك بالبراديهـ https://www.albrari.com/vb/uploaded/5071_1230580320.jpg يالله طلعوا محاتسيكم من أحد ذولا ===>>>طبعاَ أملح واحد بهم https://www.albrari.com/vb/uploaded/5071_1230580815.jpg تصدقون بدينا نكتشف قدرات مدفونه بالشباب بالإبداع والتفاني بالعمل"متعوب عليها" يعني لا تحقرونهم تراهم طاقات لم تستغل ما شاء الله تبارك الله https://www.albrari.com/vb/uploaded/5071_1230580986.jpg ومثل ما جو لمنا أهل جدهـ كذلك اللي بالشرقيه شرفونا https://www.albrari.com/vb/uploaded/5071_1230581117.jpg هذا مثل أخطاء الأفلام ببعض اللقطات أبيكم تكتشفون الحركهـ وشي (طبعا مسويها علشان تطلع الصورة حلوهـ) https://www.albrari.com/vb/uploaded/5071_1230581287.jpg ابو علي أدعو له بالشفاء العاجل العالم تلعب كورهـ وهو من إصابه في اصابه طبعا اصابة الرجل من السيكل قبل ما تحترق يديه بالمخيم بآخير يوم https://www.albrari.com/vb/uploaded/5071_1230581407.jpg وانفراد بالمرمى بس تصدقون كنه الدعيع على هالنطهـ https://www.albrari.com/vb/uploaded/5071_1230581745.jpg وحماس منقطع النظير ( إلا والله أبثرتهم وأنا أصورهم وهم يلعبون أجل المصور يدخل الملعب ) مجرد كم بوووووووز جاني بدى وقت المراقى والتطعيس (طبعا ما له طعم بالنسبة لي إلا بالليل) عاد هنا لعبتي ما شاء الله علي اللي بيسوي رجيم يركب؟؟؟؟ https://www.albrari.com/vb/uploaded/5071_1230582119.jpg وأول تعليقه جت سليمه ههههه يا تركي وش الموضوع اللي نتكلم به وحنا نقص السيوف الله يرج بليسك https://www.albrari.com/vb/uploaded/5071_1230582222.jpg لكن السواق نشمي وراعي مطامر على قولتهم (أحد يبي شي بمدح نفسي) https://www.albrari.com/vb/uploaded/5071_1230582307.jpg برضو يتبع ما هوب مثل بعض الناس ما عندهم صبر (ما أقصد دندشه) الرجاء عدم الرد يتبع يتبع يتبع |
أيه وش كنا نقول ,,, واحد نسى إنه راعي الموضوع لقطه أعجبتني وأنا أتمشى الضحى طبعا المكان مليان من الأرطى وهذي أصغرهن ترى كبر الموتر https://www.albrari.com/vb/uploaded/5071_1230582986.jpg كيف الشبه يتدفى بها اللي بالنقرهـ اللي وراني ياخي والله يا سيقان بعض الناس غدت شاورما https://www.albrari.com/vb/uploaded/5071_1230583102.jpg أبو فيصل مستلم اللي جالسين بالتعليق والحشحشه https://www.albrari.com/vb/uploaded/5071_1230583522.jpg يا زين اللمهـ عند فاكهة الشتاء بالذات لآ صار معك روس حواشي (الحطب من كبرهـ يسمى كذا) وماله طعم إلا إذا صار مشلح من استراحه اللي راحو يحجون https://www.albrari.com/vb/uploaded/5071_1230583585.jpg صاوك أبو صالح أرفق ؟؟؟؟ https://www.albrari.com/vb/uploaded/5071_1230583876.jpg التشاور بين هالإثنين دائما على وش أفضل الأماكن وين رحت من الصمان ووين وصلتو ولا عمرهم تخاوو بكشته لحالهم بس وش رايكم بشبك المواعين بعد الغسيل يعني الصورهـ صارت اثنين في واحد https://www.albrari.com/vb/uploaded/5071_1230584334.jpg وهذي صورهـ للسمرات الليلية والفوائد اللي نكتسبها من شيوخنا اللي شرفونا بالمخيم https://www.albrari.com/vb/uploaded/5071_1230584922.jpg وهذي بعد ما يسرون المشايخ تبدى الهستره (أمززززح) ترى كلهم عقال حميدنا أخبراً لقينا لك صورهـ طبعا فك اللطمة نلقى فلجار وقلم رصاص بذانه معلقات يا بش مهندس https://www.albrari.com/vb/uploaded/5071_1230585334.jpg وأعذروني الصور واجدهـ بس الإتصال ذبحني يا ناس تقطيع وبطيء والله حاله يباهـ وبختم لكم الصور بهذه الصور المؤلمة والتي كذلك ختم بها مخيمنا لهذه العطلة هذا نواف (أبو علي) الله يرحم حالهـ بعد ما طاح بالنار الله يكفيكم شرها والحمد لله جت على كذا بس لأنه تم إنتشاله بشوتهـ من العجله بشيلته عن الضوء https://www.albrari.com/vb/uploaded/5071_1230586308.jpg وإلى لقاءات أخرى بمخيمات وطلعات وكشتات rhaal والله الله بالردود السنعهـ والنقد الهادف البناء والمليص والسباكهـ الزينه واحد====>>>> واحد يمر بمرحلة العمار أو شكله مقاول والسلام عليكم ورحمة الله وبركاته تي يو (مدري وش معناها) |
اقتباس:
|
|
أخوي رحال تدري أنك دوختني بالصور أنعميت مشاء الله تبارك الله والله أهنيكم على هيك طلعات وتوثيق أشبه بالتقارير الرحاله الصراحه جمعه طيبه وخاصة لاصارت مع العائله الكريمه رحال ماخليت شي إلا وصورته الصراحه أبدعت ويستحق التميز أهنيك وتقبل مروري وبالتوفيق أخوك |
============== يعطيك العافيه أخوي rhaal // خطير والله في تقريرك // مميز كعادتك // يا خوك ذبحتنا بكلامكم الذي مو مفهوم // وش هذه لغه عربية ولا وشو :h25: // لكن تقرير قليل فيه كلمه مبدع // الله لا يحرمكم من هذه الجمعه الطيبة وبإذن الله تكرر دوم // لكن أخر صوره لأبو علي حقيقه كنا مستمتعين بالصور وطلعت هذه وخربت علينا الجو :36_1_10:// طمنا عنه وعساه طاب الحين :36_1_39[1]: // وفي الختام كل الشكر والتقدير على ما قدمته // وجزاك الله كل خير // ========================== |
رائع اخوي ابوصالح موضوع وسرد مميز
والحمد لله على سلامة ابوعلي:32: لك مني اطيب المنى،،،،،،، https://www.albrari.com/vb/uploaded/5071_1230580815.jpg انت النحيف اللي لابس شماغ ههههههه:70::70::70::70::70::70::70::70::70:وهاذي هديه على عدد الشباب اللي بالصوره حتى اللي يغسل عند السياره |
أقول ... حسبي الله على ذاك القرش اللي لعب في الكيابل وكلها ... وحرمنا من المزيد من المتعة ...
تصدق أخوي رحال وأنا أقرأ التقرير وأتابع الصور ... أشوف الشريط اللي على يسار وأقول عسى ما يخلص ... عسى ما يخلص ... والله مبدع ولقطات أروع ... ومخيم رائع ما نقصه إلا لعبة الكورة اللي تذب !!! الله يولف بين قلوبكم ويجمع بين بعضكم دوم ... المخيمات بشكل عام ... أشين ما فيها آخر يوم ...يوم تطوى الخيام ... والله إني خابر العبرة تخنقك !!! طلعة رائعة ومليئة بالشباب والحيوية ... والمفروض كلاً يطلع بعياله ويغير الجو ويعودهم على الخشونة " اخشوشنوا فإن النعم لا تدوم " بيض الله وجهك ... وماودي أحوس تقريرك بكثر خرطييّ !! |
وش اقول وش اخلي يابوصالح موضوع مميز وتعليقات رائعة يآخي دايم الاحجام العائليه تتميز بخفة الدم <<< ابد تراي ما اقصدك الله يعطيك العافية والحمد لله على سلامة ابوعلي الحق راكبك من فوق الى تحت تولم بس الى شفتك وش مجهز لك تحيتي لك |
اقتباس:
سلامة عيونك يالنايف مشكور أخوي على المرور والرد الطيب |
اقتباس:
والشكر موصول لك أخوي على المرور والرد |
اقتباس:
هلا بك أخوي أبو عدي شرفتنا بالمرور والرد وخذ هالورده اللي عطيتنياها :ordh: ممتازة أجابك خطأ ( أنا اللي أصور ) يعني بس يديني طالعه |
ألف شكر لك على التعليقات الظريفة والصور الجميلة أسأل الله أن يجمعنا وإياكم على طاعته والحمد لله على سلامة نواف |
السلام عليكم ورحمة الله وبركاته رحال قل امين الله يجمع شلمكم وشمل المسلمين ويعدها عليكم كل سنة وانتم في كامل عافيتكم وصحتكم ما شاء الله تبارك الله عليكم الموضوع اعجبني والتعليق وقبل هذا كله التصوير تقبل تحياتي اخوك ابو فيصل سبحان الله وبحمده عدد خلقه ورضى نفسه وزنة عرشه ومداد كلماته |
رحلة روعة وكشتة جميلة ويا حبي لمثل هالجمعات مع الاهل كان لى تقرير سابق عن رحلة عائلية قمنا بها ايام عيد الفطر تذكرتها عند كا شاهدت تقريرك الرائع
الله يجمعكم على طاعته يارب وترا فيه كلمات واجد بالتقرير الى مو متعود ما يعرفها بس انا ما عليك شارب اللهجة القصيمية شرب خوياني واجد من القصيم ربي يحفظها من ديرة له بالقلب محبة خااصة كنت فيها قبل اقل من شهر لزيارة احد الاصدقاء والحبايب هناك تقير يستاهل كل النجوم والتميز تحياتي لك محبك عاشق الغيمة |
الله يعطيك العافيه ومااحلى الرحلات العائليه اذا كانت مطعمه بالشيبان والله ياني افضل جلستهم على جلسه الشباب .
|
والله يارحال اهنيكم على هل الرحله تمنيت اني معاكم وبشرنا عن اخر المستجدات لنواف
والله الموفق والهادي إلى سواء السبيل |
ماشاء الله على الجمعه الحلوه
والتقرير اكثر من رائع ويعطيك الف عافيه اخوي رحال |
السلام عليكم ورحمة الله وبركاته موضوع جيد وهاذي عوايدك الحقيقة موضوع أكثر من مميز....
تستاهل من يصفق لك:h37::bavo::god: |
اقتباس:
|
اقتباس:
يمال العافيه والله أبو عبد العزيز على هالتشريف الحلو والطلهـ البهيه للموضوع ولو إن ودي .... أعلمك لحالك؟؟؟:36_15_8[1]: |
ما شاء الله تبارك الله
|
تسلم على التقرير على الابداع
|
اقتباس:
والشكر موصول لك أخوي همام على الرد والمرور واللهم آمين والله يسلمك بس يقولون يا فرح ما تمت اقتباس:
أخوي شعيب الجوفا يارب يسلمك من كل شر والله لآ يهينك أبو فيصل على هالدعاوى والرد الطيب يسلموووووووووو اقتباس:
والله يجزاك خير ومرورك تشريف لموضوعي فما بالك بالرد وبما إنك شارب اللهجه وش معنى (دعلج) إن كانك جبتها فأنت عز الله تصلح تدرس قلينزي هههه اقتباس:
وأبشرك الشيبان واجد (لا يدرون عني قايل هالكلام) كان يسوون كذا :h31: بي يا زين سواليفهم وقصصهم ومغامراتهم اللي أحيانا أحس إن رامبو اللي يسولف علينا اقتباس:
يحق لك ما جيت أخاف عقب هالمونه متى أنت اللي ببالي (عبدالرحمن) على العموم الله يسلمك على المرور وأبشرك نواف بخير بس ما أمدى يدهـ تطيب إلا حديدهـ دخلت بيدهـ برضو يا عمري أبو علي |
اقتباس:
هلا بك أخوي بندر والله يعافيك على التشريف والرائع مرور للموضوع اقتباس:
أبو خالد يا مرحبا بك ويا مسهلا بالموضوع وبالمنتدى كلهـ وكم يسعدني إن أول مشاركهـ بالمنتدى هو ردك على موضوعي وتستاهل هــــالـــــ:36_3_11::36_3_11::m22asmilies-com::ordh::70::32: وعلى العموم إي وردهـ تلقاها ضفها معك تستاهلهن كلهن |
صراحة لم اجد تقرير منذ زمن مثل هالتقرير ,,,,,,, تصدق اني انبسطتى وانا ماعرف ولا واحد فيكم مادري ليه !!!!
|
اقتباس:
:0018::0018::0018: من قدي rhaal مدحني وحطني ضمن المميزين اخوي rhaal شااااكر ومقدر لك أطرائك ووضعك لأسمي ضمن طاقم موضوعك:36_1_11[1]: بس خل عنك موضوع في غاية الروعه والابدااع عز الله رحله عاااائليه رائعه مايحتاج الفله في جمعة الشبيبه بس زي ماقال أخوي مراسل جده مشكلتك في الصورتين الاخيره لوعت كبدي عسى صاحبهن بخير الحين بس الحق يقال عز الله احسنتم في أختيار مكان التخييم أخوي يلاحظ في هالصورتين ان فيه شي صاد الشمس عنكم https://www.albrari.com/vb/uploaded/5071_1230580815.jpg تصدقون بدينا نكتشف قدرات مدفونه بالشباب بالإبداع والتفاني بالعمل"متعوب عليها" يعني لا تحقرونهم تراهم طاقات لم تستغل ما شاء الله تبارك الله https://www.albrari.com/vb/uploaded/5071_1230580986.jpg شكل ذيك الايام حر تدورون البراااد المهم احس أني خذت الموضوع سواااالف:36_1_37: سلااااااااااااااااام يالغالي |
مشكور اخوي على الموضوع الجميل
|
خوش طلعه رجعتنا للماضي مسوي نفسى كبير
|
ما شاء تبارك الله ... رائع اخوي ... والله يديم جمعتكم ...
وسلم لي على المصاب وقله طهور ان شاء الله وما يشوف شر . |
بيض الله وجهك تستاهل هذه الورده:ordh:
|
ماشاء الله عليكم قمة الوناااااااااسة
لله يديم عليكم الجمعة يا رب والحمدلله على سلامة ابو علي موضوع مميز وستاهل هذا الوسام |
ماشاء الله على الرحله والتقرير الجميل تشكر عليه مع العلم انها جت متأخره لاكن العذر ومشكووور....
اخوك /ابوطلال |
اقتباس:
مشكور أخوي ربيع وتسلم ع المرور اقتباس:
الله يسلمك أبو تميم يمال العافيه لتشريف الموضوع اقتباس:
ديرتي أحرجتني مو معقوله ولا تقرير لقيت منذ زمن (ما أظن) شاكر لك هذا المديح وتستاهلون كل خير وأهم شي إنك إنبسطتا يا خلفهم |
اقتباس:
مشكور جريح الصيد ع المرور وتسلم على المرور الله لا يخلينا منك |
اقتباس:
العفو أخوي الصاروخ اقتباس:
خوش مرور شكلك عود وبتصغر روحك ههه مشكور أخوي هاوي براري ع المرور اقتباس:
الله يسلمك وما تشوف شر وابشرك طيب اللهم لك الحمد اقتباس:
وردهـ مرررهـ وحدهـ وحمرهـ وش ناوي ؟؟؟؟ والله يحيك ومشكووووور اقتباس:
المميز مرورك أخوي ناصر والله يسلمك اقتباس:
أبو طلال يارب يسلمك ويجزاك كل خير وعذرك معك كل الشكر لك ع الرد الطيب منك |
مشكور يا رحال تقريرك الزين * ونا اشهد انك وافي بالبراري
من صاحبك بالبر تفرش له العين * وترقى جميع النفد مابه غرازي مع تحيات الح و م ه |
| الساعة الآن 05:07 AM |
Powered by vBulletin .
جميع الحقوق محفوظة © لشبكة ومنتديات البراري 2010