|
سمك مقلقل على الصاج 00 فطور بالبر مايحتاج
السلام عليكم ورحمة الله وبركاته طبعا أعرف ان مقلقل السمك وخاصة سمك السلمون غريب على أهل البر حبتين ولكن هذا اللي حصل ففي إحدى كشتاتنا الأخيرة جربنا مقلقل السلمون وللأمانة شيء لايمكن وصفه لامن الطعم ولا الفائدة والسلمون سمك يعيش في الأنهار( يعني لاتدورون بالأودية والشعبان) لذلك تجدونه في الهايبرات الكبيرات مثل جيان أو بنده يأتي من أوروبا مجمد وعلى فكره يوجد في السلمون زيت الأوميقا من أنفع وأصح الزيوت وفوائده كثيرة وأنا بعد ماجربته كم مرة سميته (نعيمي السمك) لأن فيه هبر لحم وطعم لامثيل له <<الله يعين الجوعان المهم علشان ماطول عليكم حبيت أوريكم الطريقة بالصور من البر وهو يصلح للبيت وللبر وسهل ولذيييييييييييييييييييييييييذ أولا المقادير 1- بصلة أو بصلتين أو ثلاث أو تدرون حسب الأشخاص كل شخص بصلة علشان مايزعل أحد 2- فلفل أخضر حار أو بارد حسب الرغبة 3- ثوم حسب الرغبة 4- بهارات وملح 5- زيت زيتون 6- شرائح هبر من سمك السلمون ياحبي له 7- رمث وطلح وهذولي تراهن حطب مايوكلن :h73: الطريقة أولا إذا كنت بالبر تقوم الفجر وتصلي وتشب النار وتضبط القهوة والشاهي https://www.albrari.com/vb/imgcache/9131.imgcache ثانيا بسم الله تقطيع الكشنة طبعا حنا بالبر ناخذ راحتنا بالثوم كل وجبة كيس https://www.albrari.com/vb/imgcache/9132.imgcache ثم التحريك والتقليب بسرعة وهو ضروري في البداية حتى يكون بهذا الشكل https://www.albrari.com/vb/imgcache/9141.imgcache بالإمكان إضافة شوي زيت زيتون وتركها على النار وتروح تاخذ لك فنجال وسولافة قصيرة مع الربع https://www.albrari.com/vb/imgcache/9142.imgcache تحريك وتقليب لمدة عشر دقائق على الأقل وزيادة النار قليلا إذا لزم الأمر https://www.albrari.com/vb/imgcache/9145.imgcache تسخين الخبز فقد بدأ العد التنازلي ويفضل يكون واحد واقف جوعان وطايرتن بوهته https://www.albrari.com/vb/imgcache/9147.imgcache وبكذا يكون المقلقل استوى يتضح ذلك من اللون والرائحة الزكييييية جدا وبداية الغرف https://www.albrari.com/vb/imgcache/9148.imgcache مع الإعتذار للجوعانين ألف تحية وشكر للجميع سلامي لكم مع خالص التحية والتقدير |
مشكور على الطبخة والطريقه
لكن هماك مكثر البصل شوي ولك محبتي |
اشوى اني ما شفته الا عقب الفطوووووور
اخوي ابو عيووون كنى اشووف ان البصل ما انحمس زين ؟ والا هذي مهمه في طبختك انه يصير ني شوووي لكن تبي الصدق تقوم الفجر وتصلي وتقهوى هذي طيبه لكن فطووورك سمك مدري تنفع معنا والا ....لا والله ياربعي ان يدبغووووني >>> عسى ماله ريحة زفر بس وتراااني طاقتني بوهتي في التميرااات وش نوعها ؟ تصدق لحم هالسمك كنه شاورما مشكوووووووووووووور سلام |
شكرا اخي على المقلقل. الله من السعابيل ههههههههههه الله لايهينك
|
ابوعيون ودي اكشت معك
|
بسم الله الرحمن الرحيم تقبل مروري وشكري الجزيل لك مودتي |
طبخة طيبة
يعطيك الف عاافية تحياتي |
اخي العزيز ابو عيون
تسلم يمينك على هذه الطبخه تراي ابجرب الطريقه وإذا ماصلحت تدفع التكاليف وش رايك |
طبخة مرتبه وشرحها ما يبي له اي تفسير
الله يعافيك |
والله العظيم ان ريقي جم جم عليكم بالعافية ...
السمك من حينة شي عاد وشلون لا صار مقلقل |
شكرا اخي يا ابو مناحي
|
شكرا لك اخوي لاكن مقلقل سمك مي غريبة على اهل نجد لا والله غريبة على اهل الغربية ايضا اول مرة ادري ان فيه سمك مقلقل خابر السمك مقلي ومشوي وفي الفرن
وتسلم على الصور بس باين عليه شهي بالعافية |
تسلم يدينك..
بعض الملاحظات البسيطه..اعتقد الفطور على سمك غير مناسب!!! البصل كنه مانحمس زين لكن انا ترا من عشاق االسمك والربيان ..خاصه اذا السمك فيلية طازج من الاسماك.. حطه في التاوه مع ربيان كبار وبصل وطماط وشوي بهار ..ياسلام مع الخز المنفوخ..تنسى نفسك |
طبخة مرتبه وشرحها ما يبي له اي تفسير
الله يعافيك |
والله رهيب يابوعيون شكلي ابسجلك مع المنتخب
|
مشكووووووووووووور شغل مرتب
|
يعطيك الف عاافية
|
عز الله إن فطور ما يحتاج
مشكور |
ياسلام سلم هم هم هم
الله يعطيك العافيه على الطبخه الجميل |
الله يعطيك العافيه مقلقل سمك وفي البر تكفى ابي أكشت معك
|
الله يطيك العافية شغل عدل
|
ماشاء الله عليك شكرا علي هذه الطبخة الجميله مقلقل سلمون لأول مره وفطور قويه ضحويه ولاغدا ممكن لاكن مشكور وعشت |
شكرا اخي على هالطبخه
الحين انت مسكتها معي سمك |
ويفضل يكون واحد واقف جوعان وطايرتن بوهته
هههههههههههههههههه سلمت يمناك يالذيب فكره حلوه وتستحق التجربه ليش لا |
تسلم يمينك..
|
أي صحة وعافية انتوا اللي بالف صحة وعافية
ههههههههههههههه |
جعله بالعافيه
|
مشكوور ورااائع
|
والله ان ابوعيون هذا ماهوغريب علي وشغله عدل والفكرة اكثر من رائعه وانت ياخي كاشت لابد من التغيير وتذوق بعض الطبخات وخصوصا مثل هالسمك وتسلم يابوعيون
|
يعطيك ربي الف عافيه...
|
| الساعة الآن 05:30 PM |
Powered by vBulletin .
جميع الحقوق محفوظة © لشبكة ومنتديات البراري 2010