|
ماشاء الله تبارك الله صدق اولاتصدق ربيع في احدى الفياض في وسم 1429 من اخوكم مطارد البروق
السلام عليكم ورحمة الله وبركاتة مساكم الله بالخير جميعا ياخواني الاعضاء والضيوف وبارك اللله فيكم اينما كنتم جميعا والله اني مثلكم ما صدقت ان الربيع بيكون مثل اللي بالصور الثلاث ماء شاء الله تبارك الله الله يتممة على خير والله ان صاحب الصور كان رافض بتاتا اضهار الصور علشان ماحد يعبث فية من بعض الشباب ويقول خلة بس يكبر اشوي وبعدين اخبرهم ,,, وانا صراحة ومن باب التبشير حبيت ابشركم في هذة الصور تاريخ هذة الصور هوي يوم الخميس الموافق 15-11- 1429 من ربيع هذا العام في احدى الفياض وماء شالله يبشر بربيع مميز جداجدا هذا العام ,, ارجو من الجميع عدم الاحراج للموقع الاا بعد اذن صاحب الصور وانا حبت بس ابشركم فيها وسلامتكم ,,, الاولى https://www.albrari.com/vb/imgcache/401.imgcache الثانية https://www.albrari.com/vb/imgcache/402.imgcache الثالثة والاخيرة https://www.albrari.com/vb/imgcache/403.imgcache نحمد الله ونشكرة على هذة الخيرات التي لاتحصى ,, ان شاء الله بيكون موسم ممميز جدا وسوف يخلد بالذاكرة لسنوات قادمة ,, وسلامتكم ودمتم سالمين جميعا وتقبلوا مني جزيل الشكر والتقدير من اخوكم ومحبكم ابونواف |
ماء شاء الله,, جزاك الله خير,, :70::70: |
وين مكان هالربيع يا مطاارد البرووق
|
ماشاء الله ماشاء الله
الله يجزاك خير والحمدالله الارض كلها تبشر بخير |
ماشأالله تبارك الله
|
المكان ذا ماهو غريب علي
لكن انا مع صاحب الموضوع لن اخبر به !! يالربع تراني امزح بس روض خضر يفتح النفس .. |
مطارد البرووق وين مكان هالربيع يا اخي علمنا وما حنا بالعينه
والارض ماهي ارضك عشان ما تعلم الارض للناس كلها |
ماشأالله تبارك الله |
يا حبيبي مطارد البروق وريتها الصور ابوي قال
هذه الصور ممكن العام اللي قبل الماضي تضحك علينا يا مطارد البروووق اثبت ان الصور هذه من عام 1429هــ ويا حبيبي العشب ما ينبت بعد نزول المطر مباشره حيث لازم ياخذ وقت لاشعه الشمس عشان تنبت باذن الله لو ان منزله بعد شهر كان صدقناك لكن الصور اللي عندك بالارشيف وتبي تنزلها وتفرغها هنا هذا ما نقبله هذا كلامي واتمنى ماتزعل من كلمه الحق واثبت ان كلامك صحيح وانا مستعد اعتذر لك |
مشكور يا بو نواف على الصور لكن انا اقول وعند كلامي هلصور ماهي من من هذه السنه والدليل انك ما تبي تقول المكان اللي صور منه عشان ما تنكشف مابي اقول (عكس الصدق)
شف يا بو نواف ولا تزعل يا تورينا تاريخ الصورة او تعلمنا مكان اللي صورت منه عشان غيرك يشوف المكان ويثبت هل صورك صحيحه او لا وانا عند رايي العشب لا يمكن ا ن ينبت بعد امر الله الا اذا اخذ وقت كافي من الشمس والحراره المعقوله لينبت بامر الله مهو معقول بعدها باسبوع ينبت عشب (كل شي بامر الله ) لكن صور هذ ه ليست من عام 29 ولاتزعل من كلامي يبونواف وابدا اذا اثبت ان كلامك ع حق مستعداعتذر لك |
الله يبشرك باالخير ياابونواف وان شاء الله يكون هاالعام عام خير وربيع مادام هذا اوله ...
|
منتظر ردك يا بو نواااف ؟؟؟؟
ولاتزعل من كلامي وابدا حبيت اتاكد فقط |
انا من ناحيتي مصدقك يا ابو نواف وصدقني بتلقى ارفع منه الحين
|
انا ما ني مكذبك يبو نواف
لكن ورنا تاريخ الصور متى التقطت او تعلمنا مكان اللي صورت منه وبس .. (وصدقني بتلقى ارفع منه الحين ) ابو الهنوف انت قريت اللي كتبته بيو هنوف اول شي انا الحمدلله قدري مرفوع واحمد لله لكن يجيب بو نواف الصور ولا يعلمنا مكانه ولا تاريخ الصور وما ندري هذه شي ما نقبله |
ماشاء الله تبارك الله :ordh:
|
جزاك الله خير يابونواف وماقصرت ولايهمك كلام البعض انت بإذن الله ثقة عند كل من يعرفك
ومثل هذولا خصرهم ابرك من الرد عليهم |
مشكور يمطارد الربيع قصدي مطارد البروق
الف الف الف شكر على هذه الصور الجميله الله يحفظك |
اقتباس:
للي شكك بمصدقية الخبر والله كان قصدي هو تبشيركم ولكن فية ناس الله يهديهم يكذبون الخبر وهم في بيوتهم على ماذا استند انة ليست من صور هذا الوسم وانت جالس في بيتك وان قلتللك انة من صور فياض لينة هذا اليوم وبالتحديد شرق لينة هل تصدقني ,,, الله يسامح من قال اني افتري عليكم وعلى الزور ,, طيب بعد التأكد انك صدقت الخبر ماهو جوابك ارجو من جميع الاخوان عدم تكذيب اي عضو الا وهو متاكد مثل ماهو متاكد من نفسة ,, انا اخبرتكم بالمكان بعد مكالمة من اخي الموجود في قلب الحدث ووهو ماكث الى يوم الغد ,,, وبعدين تراني امسامع اللي قال اني كاذب ولم يصدق الخبر فاقول لة لا لا لا ماهيب عويدي هذة المواضيع فانا احرص دائما وما زلت على هذا النهج المصدقية التامة قبل نقل اي حدث مهما كان وسلامتكم واسف جدا لعدم ذكر الخبر في حينة عن المكان وهذا من صاحب هذة الصور والان اعطاني انور الاخضر فاخبرتكم والله يسامح الجميع |
|
ماشاءالله تبارك الله
يعطيك العافيه |
المهم يكون عند الناس وعى ويحترمون المكان
|
الخضرة في الفياض ليست غريبة هذه الأيام
ولينة أول مطر نزل عليها كان في يوم 23 من شهر 10 ميلادي شكرا اخي الكريم مطارد البروق |
مشكور اخوي مطارد البروق نوعية الارض تختلف من مكان الى مكان فية اماكن ما يطلع الباذر فيها الا بعد شهر وفية اماكن 5 ايام واشعت الشمس عليها وتلقى الباذر واضح وتشوفة من بعيد اليوم انا رحت روضة الخشم فية باذر دوبة طالع يالله تشوفة ورحت لروضة التنهاة ولقيت الباذر طالع وتشوف الارض مخضرة من بعيد 00000000000000000000 مطارد البروق يعطيك العافية |
تسلم يا بو نواف وبيض الله وجهك
وشمال القصيم مرورا بلينة سبق غيره من المناطق في نزول الخير مثل ما ذكر أحد الأخوة اليوم جهة عين ابن فهيد وحنيظل والتنومة وخصيبة ( شمال شرق القصيم ) فياضها خضراء ما شاء الله وربي يزيد ويبارك وأحد المرافقين في الرحلة صور المنطقة لعله يضع تقريرا عنها |
ماشأالله تبارك الله
|
الله يبشرك بالخير وجزاك الله خير ورزق الفردوس الأعلى من الجنة
|
جزك الله خير ابو نواف صور رائعه ..
|
جزاك الله خير يا اخوى ابو نواف
والله مصدقك فانت رجل ثقه عندنا بيض الله وجهك واسعدك ربى ياالغالى على هالصور الزينة اللى تشرح النفس وان شاء الله يكون موسم مميز وربيع عامر ومخضر يارب ولكم جيه يا ربعنا بنجد ان شاء الله قريبا تحياتي لك محبك عاشق الغيمة |
مصدق ياابو نواف وانت من الثقات في هذا المنتدى
صراحه صور روعه والله يتبعها الخير ان شاء الله |
ما شاء الله تبارك الرحمن....صور جميلة اخي مطارد البروووق...بارك الله فيك على هل ربيع الي يرد الروح شكرا
|
اقتباس:
اخي النصوح ترا القصيم وجنوبها وشمالها لم تكن هي اول المناطق اللتي نزل عليها مطر الوسم مطر الوسم وبالتاريخ وكذالك بالصور بداء من نجران وادي الدواسر والسليل ثم الرياض واماكن صغيره ومتفرقه من سحب متباعده ورعديه على وسط نجد ثم بعد ذالك القصيم ثم حائل ولينه ورفحاء وبالنسبه للينه لا يمكن ان نصفها بأنها ضمن منطقة شمال القصيم لينه تبعد عن القصيم ما يقارب 400 كيلو شمالآ وهي قبل رفحا ب90 كيلو فقط مشكور اخي مطارد البروق على نقل اخبار الربيع والصور الجميله |
اقتباس:
كلام رائع الله يعطيك العافية وتراي قلت شمال القصيم مرورا بلينة ولم أقل بما في ذلك لينة لأني أعرف أن لينة غير تابعة للقصيم ولكني أردت التعبير عن الاتجاه من حيث وفرة المطر الذي ينبت الأرض بإذن الله وخضرة الأرض في القصيم ولينة تؤكد ذلك اما نجران فصحيح سبق نزول المطر ( المؤثر ) عليها وجزاك الله خير على المداخلة القيمة :m22asmilies-com: |
فياض لينه من مميزاتها إن باذرها وتربتها تنبت العشب بأقصى سرعة مثلها مثل التنهات عندنا في الوسطى أرضها دماثة
|
وبعدين الفياض كلهاغاطيها السيل حتى الان.........................
|
اخوي صور تشرح الصدر
وصدقني يالغالي مصدقينك الحمدلله بالامس القريب كنت واقف على ارض خضره وماء يعني اجتمع الزين مع الزين تقبل مروري بصدر رحب |
بيض الله وجهك اخوووي ابو نواااف
وين اللي كذبك ما رد عقب ما قلت الحقيقة ؟؟؟ اتنمى ان يعتذر مثل ما قال في ردوده مشكوور اخو يمطار البروووق والربيع سلام |
السلام عليكم ورحمة الله وبركاتة الموقع في احدى فياض لينة شرق لينة بحدود 35و40 كيلو وسلامتكم ,,,, بعض الاعضاء الله يهديم مصيرين على انة قديمة حتى بعد اخبرهم بالموقع ,, ترى تكذيب الرجاجيل ماهوب سهل ,,, وبعدين ايها العضو بعد معرفتك بالمكان تسر على انة قديمة هل سئلت احد من القرابين من تللك الفياض او انك رحت انت بنفسك لتلك الفياض ,,, وشفت موضوعي هذا يخالف ارض الواقع ؟؟؟؟؟؟؟ ارجو من الجميع التأكد من اي عضو بالرد على هذا الموضوع وهو متاكد امنا 100% علشان نتفادى القيل والقال وسلامتكم ,,, |
اقتباس:
هلا والله وغلا باخوي الغالي والعزيز هادي ,,, هذا الرد يكفيني وازيادة بعد بارك لله فيك وبيض الله وجهك يا بعدي |
بيض الله وجهك ياخوي مطارد البروق ما قصرت عز الله كفيت ووفيت
|
مطارد البروق شكرا والله يبشرك بالخير ..
|
| الساعة الآن 01:10 PM |
Powered by vBulletin .
جميع الحقوق محفوظة © لشبكة ومنتديات البراري 2010