|
طول فترة الشتاء حطب سمر للبيع
بسم الله الرحمن الرحيم السلام عليكم ورحمة الله وبركاته ,,, الغيث عليكم مبارك الله يجعلها سقيا خير, ما شاء الله بداية الشتاء ذا السنة بالأمطار والسيول يبشر بخير, ومع بداية الموسم أعـلـن " يوجد حطب سمر للبيع طول فترة الشتاء داخل منطقة الرياض والمحافظات التابعة لها مع التوصيل والتنزيل بدون مقابل " والحطب إنشاء الله ما يبي مدح كله سمر ولا يخالطه شي, ويابس ما فيه شي أخضر أبد على شوف عينك إن جازلك وإلا لا تاخذه, وإن جازلك فعندنا شحنة غمارة وغمارتين تبي حطب دقاق أو متان أو شلايخ, والشحنة اللي نبيع بالعادة تكون مخلطه فيها دقاق ومتان وكبار وإن شاء الله ما لك اللي يرضيك, والله يوفق ويبارك للجميع. للطلب أو الاستفسار أبو سعد 0559399084 وتقبلوا أطيب تحياتي ,,, |
ممكن صورة لشحنه
|
نبي صورة الشحنه لددسن ابو غماره
|
بكم شحنة الغمارة للدقاق
|
الله يعطيك العافية ابو سعد
طلب الرزق ماهو حرام والا عيب نتمنى لك التوفيق وتقبل مروري |
عطنا الاسعار
|
بكم الأسعار ؟
|
بكم شحنة الغمارة شلايخ
|
اخواني الله يرضى عليكم , , أنا ما أبيع كل شحنة مثل اللي قبلها والا اللي عقبها ولاهوب كل زبون عندي شرط ياخذ مثل شحنة غيره يعني كل شحنة تكون على طلب الزبون سواء كان الموتر غمارة - غمارتين احد يبي له شحنة مسح الصندوق : (شلايخ - متان - دقاق). احد يبي له شحنة هرمية : (شلايخ - متان - دقاق). احد يبي له مربعة على عرض الصندوق إلى حد التندة : (شلايخ - متان - دقاق). *أما الشحنة اللي نبيع بالعادة تكون مخلطة ما بين (شلايخ - متان - دقاق). *والأسعار الكل عنده خبر كل ما زاد البراد, كل ما ارتفعت أسعار الحطب وتغانموا الوقت قبل ما ترتفع زود ما يضر الواحد الى اشترى بداية الموسم. *أما من ناحية الصف انشاء الله انه صف ثمه نرص لك الموتر حطب بدون فراغات , , *وفي كل الأحوال إنشاء الله إني أرخص من السوق , , *والله يكتب اللي فيه خير ويعطي كل(ن) على نيته للطلب أو الاستفسار أبو سعد 0559399084 وتقبلوا أطيب تحياتي ,,, |
---( الأســعــار)---
---( الأســعــار)--- سعر الغمارتين (900) ريال مصفوف إلى مسح التنده سعر الغماره (1100) ريال مصفوف إلى مسح التنده * طبعاً شحنة الغمارة والغمارتين تكون مخلطه ما بين دقاق وشلايخ ومتان . * لكثرة السؤال عن أسعارالكميات الكبيرة حبيت أبلغكم يوجد شحنات عايدي السعر ما بين (7500 - 8000) ريال يوجد شحنات تريلات السعر ما بين (16000 - 20000) ريال * طبعاً الحطب مثل ما قلنا كلمة سمر يابس مخزن له سنتين مصفوف صف ثمة ما فيه فراغات "صف أعواد كبريت" * الأسعار مع التوصيل والتنزيل للغمارة والغمارتين. *الأسعار مع التوصيل فقط بدون التنزيل للعايديات والتريلات. للطلب أو الاستفسار أبو سعد 0559399084 وتقبلوا أطيب تحياتي ,,, "اللهم اكفني بحلالك عن حرامك وأغنني بفضلك عمن سواك" |
العايدي ياليت تحدد نوعه من الجنوب او المدينه
وهل هو شلايخ ومتان او يجي مخلط واذا مخاط ياليت توضح والله يرزق البايع والشارى |
* أخوي سداح الحطب اللي عندي من الجنوب و من نجد وسط نجد (الهضب , والحصاة , . . . .) * واللي يقولك عندي حطب المدينة تأكد منه زين لأن حطب المدينة السنة هذي قليل جداً يعني شبه منعدم. * أما بالنسبة لشحنة العايدي فيها متان وفيها شلااااايخ. * وإذا تبي شحنة معينة يعني كلها شلايخ أو كلها متان ما عندي مشكلة نلبي طلبك بس راح يفرق معك السعر. للطلب أو الاستفسار أبو سعد 0559399084 وتقبلوا أطيب تحياتي ,,, |
اقتباس:
الله يوفقك اخوي أبو سعد ولكن تصحيح .( إن شاء الله ) هذا من المشيئة و ( إنشاء ) هذا من الإنشاء . وهذا الأخير ( إنشاء ) لا يُقال في هذا الموضع في حق الله تبارك وتعالى . وإنما الذي يُقال ( إن شاء الله ) لتعليق الأمر على المشيئة فيما يُريد الإنسان فِعله . |
الله يجزاك بالخير أخوي فيصل على هالتنبيه ويجعل والديك في الجنة |
بسم الله الرحمن الرحيم " بسم الله الذي لا يضر مع اسمه شيء في الأرض ولا في السماء وهو السميع العليم" السلام عليكم ورحمة الله وبركاته ,,, إخواني الموضوع هذا تابع للموضوع الأول بس حطيت موضوع جديد عشان تشوفون الصور وإنشاء الله ما تشوفون إلا اللي يجوز لكم , , , https://www.albrari.com/vb/imgcache/9394.imgcache https://www.albrari.com/vb/imgcache/9395.imgcache https://www.albrari.com/vb/imgcache/9396.imgcache https://www.albrari.com/vb/imgcache/9394.imgcache https://www.albrari.com/vb/imgcache/9397.imgcache https://www.albrari.com/vb/imgcache/9398.imgcache https://www.albrari.com/vb/imgcache/9399.imgcache https://www.albrari.com/vb/imgcache/9400.imgcache https://www.albrari.com/vb/imgcache/9401.imgcache https://www.albrari.com/vb/imgcache/9402.imgcache https://www.albrari.com/vb/imgcache/9403.imgcache https://www.albrari.com/vb/imgcache/9404.imgcache https://www.albrari.com/vb/imgcache/9405.imgcache https://www.albrari.com/vb/imgcache/9406.imgcache ---( الأســعــار)--- سعر الغمارتين (1100) ريال مصفوف إلى مسح التنده سعر الغماره (1500) ريال مصفوف إلى مسح التنده * طبعاً شحنة الغمارة والغمارتين تكون مخلطه ما بين دقاق وشلايخ ومتان . * لكثرة السؤال عن أسعارالكميات الكبيرة حبيت أبلغكم يوجد شحنات عايدي السعر ما بين (11000- 14000) ريال يوجد شحنات تريلات السعر ما بين (24000- 30000) ريال * طبعاً الحطب مثل ما قلنا كلمة سمر يابس مخزن له سنتين مصفوف صف ثمة ما فيه فراغات * الأسعار مع التوصيل والتنزيل للغمارة والغمارتين. *الأسعار مع التوصيل والتنزيل لجميع الكميات للطلب أو الاستفسار أبو سعد 0559399084 وتقبلوا أطيب تحياتي ,,, "اللهم اكفني بحلالك عن حرامك وأغنني بفضلك عمن سواك" |
بالتوفيق أخوي و حطب طيب وسعر طيب من وجه أطيب
|
أخوي أبو أسيل الله يطيب فالك ويطيب أيامك ويقر عينك ويسدد خطاك , , , شاكر لك مرورك , , , |
السلام عليم الله يرزقك اخوي رزق الحلال لكن ماتلاحض الغمارتين غالي شوي
|
أخوي أبو نورة أما من ناحية الغمارتين وقولت غالي شوي , , مهوب صحيح إذا السوق يبيعون الغمارتين بــ 1300ريال. واللي صامل وشرّاي يدق علي و ماله إلا طيبة الخاطر , , |
مشكورررررررررر
|
يعني ممكن التوصيل للإمارات جزاك الله خير تسلم ولا هنت
|
الله يوفقك ياخوي على قد نيك
|
| الساعة الآن 12:46 PM |
Powered by vBulletin .
جميع الحقوق محفوظة © لشبكة ومنتديات البراري 2010