|
|| حصريا للبيع لاندكروزر 2002 نضيييف ||
بسم الله الرحمن الرحيم السلام عليكم ورحمة الله وبركاته صباح \ مساء : الخير موجود لاندكروزر 2002 نضييف استعمال شخصي رجل كبير في السن المواصفات : 1-الدفعه :الدفعه الاولى 2- الممشى : 232 الف كم 3- الحوادث : الحمدلله لايوجد اي حادث فقط دقشات بسيطه واحد مخش بسييييط في الخلف وطقه خفيفه في الامام ولم تعدل 4- الموتر مالمسه لافلتر ولا هدرز ولا اي شي من التعاديل 5- الموتر مع رجل كبير في السن 6- الموتر كل سنة يدخل الوكاله صيانه وكشف كآآآمل والكامل وجه الله 7-قير عادي هاذي هي المواصفات الصور للاسف لا توجد والي جازم يجي ويشوف الموتر ولا نختلف ان شاءالله انتضر سوماتكم وللتواصل ،:: الايميل : [email protected] أو الرسائل الخاصه السوم لم يسام حتى الآن فيـ أمآن اللهـ |
للرفع
ــــــــــــــــــــ |
للرفع
سبحان الله وبحمده سبحان الله العضيمـ |
السلام عليكم
هلهو رقم 1 او2 او 3 الخلفيه ؟ اللون من لدخل؟ مكيف ولا مكيفين |
السلام عليكم
هل هو رقم 1 او2 او 3 الخلفيه ؟ اللون من لدخل؟ مكيف ولا مكيفين |
اخي ....لو كان فيه صورة أفضل .
|
65000 وش قلت
|
الله يرزقك البيعه الطيبه
|
ويييييييييييييييييييين 65الف والله لوه وش ماجاب ذا القيمه
قبل اسبوعين بيع في المعارض لاندكروزر2001بــ100الف |
اقتباس:
ابيض من دااخل بني فاتح ومكيفيين اقتباس:
|
طيب اخوي ما كملت باقي الاسئله
الخلفيه؟ المراتب الخلفيه بالعرض والامتقابلات |
اقتباس:
بالعرض |
يإخوي محشوم عن الكزب ولاكن ماشي 232000 الف ومع شايب كبير سن وشلون تجي الله والعالم انه راعي وناسه سفر وبراري الله يرزقك بالمغمض لا وإكيد ان البريك جديد . |
80000 وش قلت
|
انا يوم اسوم مجرد بفتح السوم اذا ماتبي احد يحط سومته اجل حده 100000 وخلاص مو تقول ياخوي من سنتين يشترى 80000 وانت تقول مهيب سومه الله يرزقك الشراي الصامل قل امين
|
اقتباس:
|
هااه وش قلت
|
اقتباس:
سومه طيبه من رجال طيب لاكن الموتر يجيب اكثر ان شاءالله |
الموتر مسيوم ب 105
|
مسيوم 110
للرفع |
مرحبا اخوي شقردي المجمعه
ام 2001 ب100 وش لو انه جديد وانا شفت موضوعك بكم منتدى هذا كلامك 2001 ب100 موترك سعودي ولا فيه مواصفات وهذي مواصفات جي اكس ار1 و2003 قيمته من 90الى 95 وافضل شكل من الداخل ولا تزعل من الصراحه لان سعره مبالغ فيه 2001 ب100 والله يرزقك بالبيعه الطيبه |
اقتباس:
لاكن انا ماحديته يعني عطنا السوم ومانختلف؟ |
للرفع
00 |
السلام عليكم ورحمة الله وبركاته
يا أخي الكريم / المثل يقول ( الله عرفناه بالعين ماشفناه ) انا راعي معارض وأعرف اسعار السيارات جيدآ والكلآم اللي ذكرته غير منطقي بتاتا .... مع احترامي الشديد لك من الممكن ان يريد احد سيارتك ومعجبته ( بيدفع فيها اللي يبي ) وحنا مصدقينك أولآ وأخيرا قبل شهر يسام قدامي جي اكس آر موديل 2004 خليجي بـــــ 85 الف وراعيه ماعاد هوب بعيد عن البيع وقبل ستة أشهر بعت أنا جي اك آر موديل 2002 سعودي فل كامل ( ونش دفلك أستبنتين ... الخ ) لآ يوجد بها ولآ مخش وممشاه 190,000 بـــــ 76,500 هذا وضع السوق اللي نشوفه امامنا وليس من فراغ وأزيدك من الشعر بيت رفيقي باع له جي اكس آر خليجي لون ذهبي فل كامل ماشي 90,000موديل 2005 بــــ 105000 ( مئه وخمسة الآف فقط ) ياليت تتأكد ولك مني أجمل تحية |
اقتباس:
اخوي انا شراي صااامل لأاحد المواتر اللي ذكرتها اما الـ2002 او 2004 او 2005 بشرط البدي وكااااله وسعيك محفوووووووووظ تراي صاااااامل احتريك واذا عندك غيرها مهب مشكله بس حول هالاسعااار اللي ذكرت أنــــــتـــــــظـــــــركـ |
طيب انا ما اكذب
لاكن الموتر انسام قبل تقريبا قبل 3 ايام ب 87ألف |
| الساعة الآن 03:06 AM |
Powered by vBulletin .
جميع الحقوق محفوظة © لشبكة ومنتديات البراري 2010