|
اول ما نبدا وش نقول وش نقول
السلام عليكم ورحمة الله وبركاته اول ما نبدا وش نقول بسم الله بسم الله ولله الحمد زان الجو وبدأت الرحلات والكشتات وهذي اولها وبواكيرها كان الجو رائع يغري بالكشتة ياشباب وش رأيكم بكشتة شوي بالغضا والجميع وافق وكان معزبنا ابوحمد ونعم المعزب معزب على ايه على كم صيخ شوي وياليتهن حديد ولكن خشب استعمال مرة واحدة فعلا الطريقة ممتازة وكما هي العادة او الواصلين العمدة اللي هو انا ابو فراس ولكن هالمرة على الديماكس السوزو ولمن المه الخبر فالجيب ان شاء الله في الطلعات القادمة البعيدة المدى https://img856.imageshack.us/img856/5159/8vnq.jpg 1 صورة للشفق الاحمر مع محبوبة اهالي عنيزة شجرة الغضا 1https://img10.imageshack.us/img10/97/92os.jpg 2 ونثرنا العزبة وشبينا الضو وطبخت القهوة وبهرنا الدلة وحكرنا الشاهي حلو وخامر بأنتظار الاعضاء الكرام https://img266.imageshack.us/img266/7289/mku2.jpg 3 والتقنية معنا دائما لكي ننقل صورة حية لاحبابنا اللي هو انتم https://img163.imageshack.us/img163/1658/2bar.jpg 4 صورة يحبها اكثر اهل الرحلات والبراري والمكشات https://img33.imageshack.us/img33/5844/b2vh.jpg 5 وصورة اخرى من زاوية ثانية https://img855.imageshack.us/img855/3236/zzif.jpg6 7 يالله من فضلك سكرية حمرا فاكهة التمور كلها https://img7.imageshack.us/img7/7817/rzky.jpg 8 وهنا مقارنة بينها وبين السكرية الصفراء https://img513.imageshack.us/img513/2746/ourq.jpg 9 وبدينا انتقهوا من هالخولانية الطازة يعني توه مطبوخة وليست من ترمس او ثلاجة https://img15.imageshack.us/img15/1664/9hdp.jpg 10 وهالصورة لبعض الاحباب حيث اصر على ارفاقها بالتقرير https://img6.imageshack.us/img6/7045/wh98.jpg 11 حيث انها اول رحلة نبي نكثر من الصور اماهن ببلاش https://img856.imageshack.us/img856/6862/98pa.jpg 12 فاضي وما جاء احد من الربع قلت صور قبل يزعجونك يمكن تصيد صورة حلوة https://img708.imageshack.us/img708/9963/3wll.jpg 13 واول القادمين حبينا ابو نواف الجارمن https://img198.imageshack.us/img198/2087/wsua.jpg 14 وجاب معه هالذيب ابو حمد حياك الله ابو حمد في مكاشيت ذيابة الصمان والغضا ولو يابو حمد جلسة ذيب على هالمركاة https://img12.imageshack.us/img12/2955/aaji.jpg 15 اول صورة لي مع ذيبنا الجديد انتبه يابو حمد ياخذونه وهمين يحطونه لاحد لوحات السرعة مثل ما زينوا بصورتي https://img14.imageshack.us/img14/9056/e0ay.jpg 16 وبعدها وصل ابو صقر وابو عبدالرحمن متاخرين كالعادة وكل واحد يحط الملامة على الثاني ما ندري من هو الصادق بهم ولكن مقبولين دائما وعلى طول ابو عبدالرحمن شال الدلة يتقهوى يبدو ان السبب هو ابو صقر هالمرة https://img30.imageshack.us/img30/3204/9uu1.jpg 17 احلى يابو نواف لمبة الراس الجديدة فعلا كان رائعة https://img707.imageshack.us/img707/8118/4fd3.jpg 18 والمعزب ابو حمد وصل متأخر وغطا وجهه فشلا لا تهتم يابو حمد وتصير عندك صدمة تراه يصير في اكبر العوايل وشف ابو صقر ما تأثر https://img40.imageshack.us/img40/7563/fu1w.jpg 19 وبعد ان اقتنع المعزب تكرم علينا بهالصورة المقربة https://img12.imageshack.us/img12/2254/zk9e.jpg 20 هاه ابو عبدالرحمن وشلون حلى الشاهي عساه جاز لك https://img842.imageshack.us/img842/7149/5mze.jpg 21 وبدأت النقاشات ويبدو ان بعضها صامتة وشوفو المعزب https://img266.imageshack.us/img266/2530/8anp.jpg 22 وبعد صلاة العشاء وصل الاخ ابو بدر وهو على فكرة غير انترنتي وبدون انتظار بدا نقاش ضاحك بينه وبين ابو عبدالرحمن والجارمن حاطن اذنه يتسمع ويبتسم https://img853.imageshack.us/img853/9342/ws5x.jpg 23 وهنا عرفنا سبب النقاش ابو عبدالرحمن يبي يقنع ابو بدر باني السكرية الصفرا ممتازة وابو بدر صليب الراس يقول السكرية الحمرا افضل https://img844.imageshack.us/img844/7326/r88q.jpg 24 ابو ابراهيم يفكر بوضع منتدى شباب عنيزة وابو صقر ما ادري وش يفكر فيه انتم وش تتوقعون علمنا يابو صقر https://img208.imageshack.us/img208/9939/kmbd.jpg 25 وهنا بدا الشيف الجارمن ابو نواف بتجهيز الجمر للشواء حلوة الشواء https://img405.imageshack.us/img405/9817/r6ky.jpg 26 صورة من قوقل لضونا لكي نقول لكم وفروا بالحطب https://img29.imageshack.us/img29/912/wx0h.jpg 27 هذا المعزب اذا قالوا معزب واقف يبي يتأكد بأن كل شي تمام وعلى الاصول عساه سفرة دائمة يابو حمد بس ليش حاطن ايدك بجيبك https://img46.imageshack.us/img46/535/i0tr.jpg 28 والنتيجة هذي البداية واعذرونا عن باقي الصور خفت يلعبون بالاكل وانا اصور وقلت يكفي صور اليوم والى كشتة قادمة ان شاء الله https://img197.imageshack.us/img197/7827/9y20.jpg والحمد لله على نعمه اتمنى ان تحوز على اعجابكم والسلام عليكم |
اهلاوسهلا بوالد الجميع ابوفراس يابيي
نسمع بك ولا نشوفك ومن كثر ما يقولون عنك اشتقنا لوجودك وعودة حميدة بإذن الله نقولها يابوفراس وموضوع اكثر من رائع خصوصا التعليقات خفيفة دم ماشاء الله لقطات رهيبة لشبة النار والمعاميل على قولتهم شي رهيب وريحة الحطب خنته تطير في الراس تسلم والله على هالصور وبارك الله فيك شكرا لك |
وعليكم السلام ورحمة الله وبركاته
ما شاء الله تغطيه رائعة يابو فراس والحمد لله على سلامتك ومن طول الغيبات جاب الغنايم واعجبتني طريقة اسياخ الكباب بالخشب طريقة مبتكرة وخطيرة هههههههه |
ماشاءالله تبارك الله وياهلا ومرحبا بالوالد والجار الغالي ( ابوفراس ) فعلا طلعه على الكيف وتعليق زاد الموضوع جمال والحقيقه امتعتنا الله يمتعك بالصحه والعافيه وجميع المسلمين اللهم امين لاكن اسمحلي بالسؤال عن ( عباس ) ماشوفك ذكرته عساه بخير ان شاءالله وتحياتي لك ولصحبك الكرام.
|
الله يعطيك العافيه يأبو فراس على التقرير الرائع وتسلم يمناك..
|
وعليكم السلام ورحمة الله
ماشاء الله تبارك الله اهلا بعمدة البراري مليون هلا لقطات موفقة لإجتماع رائع في اراضي الغضا الذهبية ياعساك سالم يابو فراس ولاتقول شي حنا نبي نقول لاتطول علينا سلامي لك ولصحبك الكرام |
وعليكم السلام ورحمة الله وبركاته
ماشاء الله تبارك الله رحلة جميلة وزادها جمالاً الرفقة والصحبه الجميلة عساكم دايم الدوم على ألمحبة وألأخوة الصادقة لك أخي ابو فراس ولجميع الموجودين معك خالص تقديري وتحياتي.. --- ابو احمد |
وعليكم السلام ورحمة الله وبركاته
ما شاء الله تبارك الله تقرير رائع وممتع أستمتعنا بسرد أحداث الكشته كما لو كنا بينكم الله يديم المحبه بينكم والله يجزاكم خير الله يعطيك العافيه أبو فراس شكرا لك |
وش هالزين يبوفراس
من طول الغيبات جاب الغنايم منوووور ياغالي لك ودي وتقييييمي |
ماشاءالله تبارك الرحمن ..
صور جميله جداً وإلتقاطات أكثر من رائعه لجو جميــل منعش في ظل هذه الصحبه الطيبه المباركه ... تقرير مميز وخفيف ظل ورائع من شخص عوّدنا بعد طول غياب أن يأتي ليحضر معهُ كلّ جديد ورائع ... أسعدك المولى أبافراس .. ورزقك من الطيّبات من حيث لاتحتسب ... اللهم آميــن .. وعوداً حميــداً بإذن الله ... رذاذ |
| الساعة الآن 02:42 PM |
Powered by vBulletin .
جميع الحقوق محفوظة © لشبكة ومنتديات البراري 2010