|
يادار وين اللي منول هنيّأ ؟!
متـواضعه أتمنى ان تنال استحسانكم وذائقتكم الكريمة فك الغطاء واكتب على ما تهيا الحبر عندك لا تخاف انقطاعه البارحه جفني عن النوم عيّــا يحرم علي النوم لو ربع ساعه رقيت لي ضلـعٍ صعيــب الرقيا عديت راس الضلع رغم ارتفاعه اخترت من بين النجوم الثريّــا وحداني المرزم بقوة شعاعـــه وقاموا معه كل الكواكب حميــا وكثر العدد يمنع قـوي الشجاعه اللي نبيهم عنهم الحظ عيـــا واللي يـبـينـا مالنا به قناعـــه يا دار وين اللي منول هنيـــا ؟ ما كنهم يا دار كانوا جماعــه ! الله على شوفـــــة كريم المحيـا الله على صوته وحسن استماعه لا يا زمن وش فيك دايم كــذيـــا ؟ تجمع تفرق قبل لحظة وداعــــه وصلاة ربــي عـــد من قال حيــا على الصلاة الحق صلاة الجماعة تحيتي |
اقتباس:
بيض الله وجهك يالغالي وماشاء الله عليك والله يحفظك من كل شر اللي نبيهم عنهم الحظ عيـــا واللي يـبـينـا مالنا به قناعـــه ومن غير نقص بالباقي بس ذا البيت عن ديوان رائعه من روائعك يالغالي |
صح لسانك ياابو سامي
رائعة في المبنى والمعنى |
ياسلام يابوسامي ، جازلي البيت اللي اقتبسه سحاب شقرا ، وجازت لي القصيدة من مبداها للنهاية هنا في هذه الصفحة استمتعت بمعنى الشعر ، صح لسانك مد بلا عد وبيض الله وجهك يالجزل زدنا زادك الله من فضله سجل إعجابي |
لله درك يابوسامي كبيررر والكبير الله وانا بعده صغير
ايش هالحلا وهالجمال تسلم يمينك من اجمل القصايد التي مرت علي شهادة حق يابوسامي والله مبطين عن هالطرب لاتبخل علينا بجديدك |
اخترت من بين النجوم الثريّــا وحداني المرزم بقوة شعاعـــه = = يا دار وين اللي منول هنيـــا ؟ ما كنهم يا دار كانوا جماعــه ! بيض الله وجهك يابو سامي على هذه القصيدة الرائعة صح لسانك يالغالي - |
،،،،،،
،،،، ماذا عساني أن أقتبس من هذه القصيدةِ الفارهة الجمال ...؟! صحّ نبضُ قلمك ياوالدي ... فقد أبدعتَ حقاً بما نظمتَ هُنا .. حفظكَ الباري وأسعدك في الدارين .. اللهم آميــن إبنتك رذاذ ،،،، ،،،،،، |
فك الغطاء وارفع شعارك هنيا
حبرك بحر والقاف سمعن وطاعه صح لسانك يابوسامي. ابيات في قمة الروعه تسلم يمينك ومادريت انك تخفي يابوسامي ابداع بكل ماتعنيه الكلمه لاتحرمنا شعورك الدافي في جزل المعاني تقبل مروري الذي يعجز عن وصف ماتكنه المشاعر لك تحياتي يالغالي |
جواهرٍ تلمع كما لـــون ضيا
من الذهب قلمك يكتب يراعه صح لسانك يابو سامي قصيده كلها معاني ودرر تعبر عن واقع الدنيا واهلها |
صح فكرك ولسانك دائما" وأبدا" يابوسامي
جزاله غير مستغربه من شاعر بقامة غانم دمت بخير مع وافر التقدير |
| الساعة الآن 04:22 PM |
Powered by vBulletin .
جميع الحقوق محفوظة © لشبكة ومنتديات البراري 2010