|
الى الضومري مع التحيه
الى والدنا ومحبونا غانم الضومري
ارجو ان تنال الاستحسان يالضومري ياضلع ما احد تعلاه اخذ الحروف الوافيات النقيه من هاجس شيد من الطيب مبناه يرسل لك القيفان صبح وعشيه ماجور في سامي وعساه عساه في جنة الفردوس روحه هنيه أمر نفذ من ربنا ماتعداه وكل خذاه الموت حتى نبيه ومن لايموت اليوم بكره ترى جاه ياشيب عيني يالحياه الدنيه ماينفعك يالعبد مال ولا جاه تكميل دينك مكسبك والنجيه فل الحجاج وسج الاقدام بحماه وانا خويك والاجازه مديه بآخذك في ديره بها الهم تنساه يم المدينه والنسايم عذيه ســــــــــــــــــاهر |
كفو ياساهر الليل وصح لسانك وماقصرت
والله يرحم سامي ويعوض ابو سامي في سامي ويجمع له بين اجر الدنيا والاخرة ويستاهل ابو سامي |
حييت فكرن صــــــــاغ قافه ومــعناه جواهرن في مـــخزن الصــــــــيرفيه نوادرن طيبـــــه على طيب مـــجناه من شاعــــــرن واضح اخزونه مليه والله يرحـــــم كل شــــــــخصٍ فقدناه ورفـــــــــــع منازلـــــــهم بجنه عليه وحنا بأثر من راح نمشي على اخطاه كلن يبي يشــــــــــرب بأكاس المنيه كلٍ يســــــــــــوق اقدام رجله المثواه ويومه يقصه قـــــــص عود النصيه وجيمع ماقدم في الــــــــــعمر يلقاه مرصــــــود محصول الليال الخليه ساهر الليل درر وجواهر ثمينه عرضتها على ارض البراري دام ابداعك المتآلق والله يرحم سامي رحمة واسعه ويعوض اهله انه سميع مجيب الدعوات تقبل سلامي وخالص احترامي |
صح لسآنك ياسآهر الليل أبدعت وكأنك أخرجت مافي خواطرنا تجاه هذا الإنسان ... ويستاهل أستاذنا غانم الضومري كل الخير يارب ...
رحم الله سامي وجميع موتى المسلمين ... وأسكنهم فسيح جناته .. |
ساهر الليل
صح لسانك دائما" ،، وأبو سامي يستاهل ،،شاعر من الوزن الثقيل ،، ويستحق الأشاده,, *****دمــــتم بخير |
اقتباس:
واسكن براس الضلع بين الضبيه أنسى وجيه الناس واشوف ذكراااه تعرض على عيني صباح وعشيه أعيش باق العمر مع طيفهم آه ياويل قلبي يوم يطري عليــــه ياعاذلين القلب مافيه كفّااااه خلوني أغرق بالدموع العتيه لا أخفيك سرا إني كنت أنوي إجازة مفتوحة أبتعد بنفسي بعض الشي عن عالمي الافتراضي المحبب إلى نفسي .. وأنت أخي من أعادني .. أنا هنا ما دام ساهر الليل معي .. تبددت كل أحزاني ـ أسعدتني أسعدك الله في الدارين .. لك المحبة والتقدير |
صحت أبدانكم جميعا
مشكورين جدا جدا على هذا الحضور الغالي مشكور ياغانم ان بغيتنا اخوانك وان بغيتنا عيالك حنا عندك وبنطيب فالك ربي مثل ماجمعنا بالبراري يجمعنا جميعا بجنة عرضها السموات والارض |
كل الشكر لك أخوي ساهر الليل على هذه القصيده الرائعه وعظم الله أجرك أخوي غانم وأسأل الله أن يرحم ابنك ويجعله في جنات النعيم |
ابداع ماشاء الله من جميع الاخوان جزاهم الله كل خير واخونا غانم الضومري يستهال واكثر
اخي ابو سامي كلنا معك وفي حزنك وفرحك فأنت اخ وعزيز وغالي والله لايرينا واياكم مكروه في حبايبنا |
نداء إلى إدارة البراري
ساهر الليل شاعر متمكن .. أرجو أن يصبغ لون معرفه باللون الأزرق ساهر الليل ليس بحاجة أن أضيف إلى شاعريته جديد .. فهو شاعر متمكن ويعتبر إضافة رائعة إلى كوكبة شعراء البراري الذين يحق لهم دخول المجلس من أوسع أبوابه .. شكرا لكم أحبتي |
| الساعة الآن 11:54 PM |
Powered by vBulletin .
جميع الحقوق محفوظة © لشبكة ومنتديات البراري 2010