|
هههه
صح لساااااانك نغير بحر الهوى كم أخذ له ناس ياخذ من الناس ويودي ومن لا اعتبر وافتهم بقياس تلقاه كل يوم متردي الذعذاع |
سلام مني على الذعذاع
وسلام مني على الرحال وسلام مني على الي جاء سلام مني وكيف الحال |
طلبتكم طلب ياخواني ******تكفون يانشاما لا تردوني مين الي عدل الكسره ******* يعترف يالله ويقلي |
من شافني قال لي لاباس ... وراك ما تاخـــذ اوتــــــدي
واقول انا غارق هوجاس ... ماجا على الكيـف لي ودي |
امس القمر غاية العشاق == نوره سطع زين للسمار كم واحد صار له مشتاق == حيثه ونيس وله تذكار |
آه الـذي كنـت مغليهم **في أزمتي كيف نسيونـي في ما مضى كنت شاريهم **واليوم بالرخص باعوني |
سهرت والنجم سهاري000ماباقى احد معي سالي
الى ذيب يعوي خلاوي 000 ويالله اسري يا الساري |
ياغايتي وامناي 00 انت سبب بلواي
اشقيتني بدنياي 00 وانت لجرح دواي |
بسأل طبيب الهوى والود = اللي بالخلاص متفوق وأقول كيف أمتنع وأصد = لا صرت بالحيل متشوق |
ياشين ليمن غطاك الياس == والفكر منك غدى محتاس وان قلت ابصبر ولا به باس == خالفت منهج كثير الناس |
من كثر ماكتب على القرطاس ... بابيات من خاطر منحاس
صار يتشــكى من الاوجـــاس ... وانا ببحر الهوى غطاس |
ان كنـت وحدك بلا جلاس == وشفايفـك اصبحـت يباس احذر من الهم والوسواس == عقبه يجي خلة في الراس |
عندي مع الفكر قوة باس ...والشعر عندي درر والماس
والي يســبب لي الاتعاس ...الويه واحبس لــه الانفــاس |
الحب يرفع ويهدم ساس == يسقيك سمه بغير قياس مابه محبه بدون احساس == لا تكابر وتضربه بالفاس |
القلب لاصار ملتاع -- وصويحبه عنه مناع
وعينه دايمه دماع -- ماحيلته بقلبه الجزاع |
لاني المهلهل ولا الجساس...ولاني من الي يباري الساس
الحب فصل وانا اللبــــاس... وقبــله انا القــايد العســاس |
من جرب الحب يشكي الباس == تـلقـاه دايـم على الاطـعـاس يكتب ويمحي بدون احساس == فكره ذهب مشغـله هوجاس |
رحال التنهات ,,,,,,,,, الركام
ماشاء الله عليكم شعراء من الوزن الثقيل امتعتونا بهذه الكسرات الجميله تقبلوووو مروري |
خالي المحبه ضعيف قياس ... والحب لهل الوله نسناس
لاهـب تطرب له الانفــاس... من لابلي به عديـم اجناس |
نـعــوذ بالله رب الـنـاس == من عـالـم مابهـا احساس تطرب على شوفة الاتعاس==وتفرح الى من حصل افلاس |
والنعم بالله شــــديد الباس ... حكمك بنيته بدون اساس
وان قلت قلبي ورا ترباس ... بقول مع عسكر اوحراس |
رحال نبغى علـومك هـات == ابسألك كيفها التنهات هو جوها يصلح لمكشات == والاتشكى من الاوقات |
لاتجرح القلب بالاهــات ... الوسم قفى ووقتـــه فات
برد ودهر مابها طلعات ... لاربّع التهم نجد(ن) مات |
لاتبدي اليأس والاهات == الله كـريم وله رحمات ليمن ومر ربنا الغيمات == يسوقها تحيي الاموات |
الله يكتــب لنا الخيـرات ... يغيثنا بعد هــــا الازمات
كان البراري على ثبات ... من علمهم بالحيا قد فات |
وراك مـاتابع الـنـشـرات == الرصد يتوقع الخيرات بامر الله الروض كالجنات == والطير تسمع لها لجات |
السحب والمزن غربيات ... كلامهم كــل ها الاوقات
ماذكرفي نجد له جولات ... وان مر مرحبهـا جيـات |
ان ماحصل لوبعض رشات == لابد ما نذرف الدمعات ونسأل كريم عوض مافات == يارب ياسامع الدعوات |
نطلبـك يامنزل الآيـــــات ... رحمتك ياواسع الرحمات
تنزل لنا من المطر كبات ... تسقي بها نجدنـــا بالذّات |
يارب يافارج الضيقات == ان كان ذا المنخفض قد فات انك تسوق السحب مرات == يازين مـزن بـها لـمـعـات |
أشوف ذا الناس في الكسرات *** واللغز منسي عسى ما مات حلوا اللغز لو هي رمعات *** والوقت باقي بعد ما فات |
يـالله يامسندي بالـــذات ... يالمشتكى سامع الدعوات
تسوقها تخلف الهقوات ... مزن تركــم تتـالى اوقـات |
رحال عطنا من الرمعات == امدور الغيث له شرهات ماشاف لك يمه زيارات == ارمع وعود على الكسرات |
مدور الغيث له وقفــات ... يستاهل الخير ابو الشرهات
فكري مع سيد الخفرات ... تفتـح وتقفــل على الفرغات |
ياهل البراري شكيت الحــال
وش سبت الحض لامن مال دوم ارفع الصوت بالمــوال ياعين ياليل ياليـــــــــــــلي |
لا تشكي الحال يارحـال الصبر لو شانت الاحوال الله امرنا بحـسن الـفـال يزين حـضـك ولــو تالي |
اشكي من اللي عليه البال
دايم معي حلي اوترحــال الفكـر دايـــــم معه جوال وقبلــه انا ياوش احليلي |
مد الرجاء في العظيم العال واعزم على طلبته بالحال بـيـسـر الله لــك مـاطـال ويصير مرك عسل حالي |
شربت مر بدون وصــــال
وابطيت وانا على ذا الحال واليوم وصلي بهم محـــال لله ياعـــــدلي وميـــــــلي |
مدام ضاقت بك الاحـوال ان كان تقدر على المحوال فلاتحمل النفس زود اثقال من خـوف ما تنام بالـيلي |
| الساعة الآن 07:08 PM |
Powered by vBulletin .
جميع الحقوق محفوظة © لشبكة ومنتديات البراري 2010