اقتباس:

المشاركة الأصلية كتبت بواسطة سحاب سدير (المشاركة 2476092) خيييييييييييييير وش جاكم ووش فيكم اخليكم كم يوم ارجع القاكم هوشات ونقاشات بين نينو ولانينا وبين العام وهالسنة من وجهة نظري هالسنة اميز لمنطقة الرياض عن العام الماضي وانا بصدد طرح موضوع تغطية لحاير المجمعة اللي من امطارها في الوسم وبعدين البارق وسلطان ماتبون تغيرون الوانكم انت واياه قاضبين سيرتي والله يكافيكم شرها هالحين انا صرت شر انا صرت شرررررر :anger2::anger2::anger2: وعلى فكرة الاحمر مايحظر الا اذا رفعنا لهم وقلنا احضروا يعني التدرج اللون مطلوب حتى في الحظر :a_threat:

صح لسانك يا أم محمد عليكي فيهم وبالاخص شائب المدينه الله الله:038:
بكرة تبدا الحالة الماطرة على المملكة
ايضاً متوقع سحب عالية على المدينة لعلها تخفف من الحرارة
ولاتخلو مِن بعض الرشوش على منطقة المدينة
https://up.albrari.com/uploads/14890669911.jpg

للعلم منقول من الزميل سامي عبيد

الله يستر ... هذيك كانت ترنيدو مو حاله طبيعيه ... كل شي تكسر ... فعلا كانت حاله خرافيه لم يسبق لها مثيل حتى وقتنا الحاضر

سحب قوية تقريبا شمال شرق أبها https://uploads.tapatalk-cdn.com/201...c67fe0d1d1.jpg


أرسلت بواسطة iPhone بإستخدام Tapatalk

الله يعيد ذيك الايام صحيح كانت حالة خرافية لم يسبق لي وقتها ولا حتى بعدها شفت مثلها
وقتها كنت (غليِّم) صغير سن مخلص المتوسطة ولا كملت ثانوي وابحث عن وظيفة بشكل يومي وذاك النهار جاي من مراجعة وتغديت وناوي انام ولا كان فيه شى يوحي ان فيه مطر جاي او حتى غيم وقبل ما يدخل عيني النوم الا اسمع صوت جلجلة متواصله يمكن الساعة 2 او 3 او قريب منها واناظر مع الشباك الا الجو مهوب الجو الي قبل شوي واطلع لسطح بشوف الصوت ايش، الصوت غريب سبحان الله،
الا سبحان الله السماء لونها اخضر لون السحاب ما عمري شفت مثله في حياتي لأقبل ولا حتى بعد والصوت الي اسمعه صوت الرعد منها رعد متواصل مثل الجلجلة مكتوم والبرق داخلها تقول كهرب ما يفصل يديرها من كل جهة وقفت أنأظر وانا مندهش من المشهد حتى بدات اول حبات البرد كبر الفناجيل ثم سمى الرحمن برد مع ماء هطول لم اشاهد مثله في حياتي والله ما ابالغ ان قلت اني وقتها توقعتها القيامة قامت من الخوف الي صابني
وبعدها كل سنة احتري مثلها ولا الله كتب وان شاء الله السنة هذه نشوف مثلها وأطيب
والمعذرة على المداخلة الطويلة لكن حبيت أوثق تلك الحالة

لون الأحمر مغطي شمال السعوديه والكويت ياحظهم

صح سحب صيفيه بس يازين المطر

الجو صار دافئ اشتقت للبرد متي بيي برد العجوز