|
يا الضومري طيبك ذايع الصيت
لـيه الـتحـسف والـنـدم والتجنّي مـا شـفـت مـنك الا مـا تـمـنـيـت طيب وشهامة وتبعد الهم عــني |
شفت لي كابتنً ماينفع ابنقل كوره او بشوت=وان بغيناه يتعــمـق فهو هـاب واصلب دونها
والله ماهمني كانك لبست الك فروه اوبشوت=وكانك اتفصله جيتك وانا فصل واصل بدونها |
المدافع مرتكز وسط بابه لو تشــوت .. كورته طارت من الشارع يجيبونها
والبشوت اللي ماهي على اهل البشوت .. مالها داعي خساره يلبسونها شكرا ابو تالين على المشاركة في هذه الزاوية تحيتي |
يانــــاس وينه ابــو ايوب
مبطي ولااشوف انا زوله عساه سالم وذا المطلوب وتجينا اخبــار مـن حوله |
من (جادك الغيث) انتقلت لـ(رامز )
وترى الدعاوي كلها رمزية |
اقتباس:
لاقـــــــــوةٍ له ولاحــــــوله مرغوب والا ماهو مرغوب يمشـــــيه لوهو ملك دوله |
[align=center]
ان شاء الله يكون بخير ... ويمكن انه لاهي بمطارد السحاب والامطار .. لعل شيخنا الموهوب مشغول بالغيم وثعولهوابعد بمطارد المحبوب والنت عنه مفصوله [/align] |
اخر هدف سجل الشلهوب
تقدر تسجل مثل قولههههه .. حيالله الجميع .. الظروف حسبي الله عليها هي من حال بيني وبينكم معكم احبتي |
اهلاً وسهلاً بشيخنا .. الحمد لله على السلامة ...
والله يعيننا وياك على الدنيا ,,, الضومري له تفز قلوب يستاهــل الشيخ فزو له |
ودي اجاري على المكتوب
واكتب لك ابيات مفتوووله خاطوا بقلبي ثلاث ثقوب واسبابهها الحب وفعولهه |
فترة نقاههه هي المطلوب
تعرف موريكا ! انا حوله |
شكلي دخلت المنتدى كنت غلطان
وين الطريق اللي يــــــودي لبابـه وين الشباب اللي لهم بالشعر شان ؟ اللي قصايدهم تشيل الكأبـــــــــــــه ! عزالله إني للسواليف شــفــقــــــــان لو السوالف بيننا بالكتابهههههه |
اقلط / وصلت / ومثلك الكل شفقان
هات اللحون وجر صوت الربابة / / / أنا رفيقك (جادك الغيث) |
يارامز اكتب لي من الشعر قيفان
وانا علي أجر قوس الربابـــــه أنا بشر واحيان مجموعة انسان أضداد نفسي ما تحب الرتابــــه |
الله على الصحة إذا كنت مرضان
والله على شوفة جميع القرابـــه |
جديدي (ساعاتنا والدقايق)
https://www.albrari.com/vb/showthread...13#post2060813 |
جديدك أجمل حروف الشعر يارامز .. حرفك مميز يشد اللي يزورونه
روعه يارامز |
ما اتحدى والتحدي ما يجوز .. كان قصدي نستفيد من الجميع
نازلوني ما يهم اللي يفـوز .. أي بحرٍ تركبونه نستطيــــــــــع |
جف نبع الشعر والفكر امحجوز = كل ما ولفت لي بيت يضيع
كن حالي تقول مقطوع الفيوز = وان زهمت الفكر عيا مايطيع |
ماكتبنا الشعر نبحث عن بروز
نكتب الابيات واكثرها يضيع عندنا الشايب يسمونه عجوز والحروب الطاحننه صارت ربيع |
القوافي مالها حد وكزوز ،،، كل شاعر ياسم المعنى بديع
لا نهمت الشعر قيفاني فزوز ،،، يصهرن العذب بالفكر الوسيع الشرايد في ذهبها ما تبوز ،،، مثل برق الوسم لا رفرف لميع والبحر ما ينّزف في متر هوز ،،، يرهق اللي من نزل قاعه طميع |
[align=center] اثنين بالميه عدل والباقي نشوز ... حــال الشـعر ذا الـوقت مزريً مريع اصبح وجاهة والكـل الهـا يعـوز ... صارت تجارة ذاك يشري وذا ويبيع [/align] |
الشعر لاصار له معنى يفوز
جمهره حوله وكلن له سميع والا بعض الشعر احفرله بقوز واعظم الله اجرمن قاله سريع |
ودع الترحال و اقعد للمقيل
صيفنا اللاهب بدا نجمه يبين راح وقت كان ذعذاعه عليل وحلت رياح وسموم الله يعين |
مبدع أخي الشاعر / الركام صح لسانك على هذا الطرق الرائع الفلك دوار ونجومه دليل ،،، والشتاء والصيف من عمر السنين والبنادم عايش وعابر سبيل ،،، كل ما صابه مقدر بالجبين الحظيظ اللي بدينه ما يميل ،،، يعتبر ويلوذ بكتابٍ حصين |
صيفنا تحت المكيف لا بديل
ولا تنطح ساهر النذل اللعين لا تعرض للخساير ياههههبيل لا يغرك راعي الكرش السمين |
[align=center] الشتا والصيف ممشاها طويل ... سـاير هـالكون وحنا مقفيين الــزمـن لازال يـحــط ويشـيل ... واحـد مولود والـثـاني دفين [/align] |
النهار يطول ولانلقى ظليل
والشجر متعري وحاله يشين مايدوم الحال هذا مستحيل وكل وقت راح يبقى له حنين |
مايدوم الحال هذا مستحيل وكل وقت راح يبقى له حنين الله الله ابداع يا الركام بيض الله وجهك |
ماعليك زود ياصبح المطر
ووجهك ابيض |
ياصباح الخير ياصبح المطر .. اسعد الله روح من سير هنا
|
مرحبا بك عد ما يقطف ثمر ،،، عد براقٍ تحدر له سنا
يا هلا بالغانم اللي له قدر ،،، جاره الله من صواديف العنا |
مجهودنا يابوسامي ضاع
موضوع تحدي الكسرات موضوع ابدع به الذعذاع واللي مشارك معه بالذات رده يابوسامي هالساع يمكن يجي مطول الغيبات اللي تركنا بليا وداع وبنقبل العذر للي فات |
إن كنت تسأل عن الذعذاع
حاولت أجيبه عشر مرات ما كنه إلا الجليــد ومــاع ما رد يالله عسى ما مــات ياخوفتي كان منا ضــاع مااظن ينسى زمانٍ فـات |
يادار وين اللي منول هنيـّـا .. أموت واعرف بس سر انقطاعه
؟؟؟ |
جنوبنا زين بس .!. المشكله وحده .. أهل اليمن كلهم بالضلع مندسه
يطلع عليك اليماني طالب الشحده .. لا جيت تاكل يجي لك كنه البسه |
الله لا يحدنا ونشوف ماحده = يمكن بعضنا تشوفه زاد في الخسه
ولا هو بس اليماني جايع وحده = تلقى به اجناس لو تعدهم خمسه |
الأجنبي بالبلد يا ناس من قده ،،، هذا هو الواقع اللي مانبي مسه
يالله قرار ٍ يعدل الوضع ويشده ،،، نضرب بقوة وترجع خبرة العسه |
الخط زين ولا به أي ملفات .. يشوق من قدمه مسافه طويله
بس البلا مزروع كله فلاشات .. يجهرك بعيونك ولا فيه حيله |
اللي يجينا ياهلا فيه مليون ... واللي يروح الله يسهل طريقه
|
| الساعة الآن 03:27 AM |
Powered by vBulletin .
جميع الحقوق محفوظة © لشبكة ومنتديات البراري 2010