السسسسسسسسسسسسسسسسسسسسسسسسسسسسسسسسسسلالالالالالالا لالالالالالالالالالالالالالالالالالالالالالالالالا لالالالالالامممممم عليكم


من الآخر

حبيت اطلع البر ونويت على مكان بعيد بالمره بعيد عن صخب المدينه (حلوه كلمة صخب ) مدري من وين تجيني الكلامات الرنانه هاذي اذا جيت اكتب موضوع او مشاركه

المهم
نويت على الطلعه برفقة حارسي الشخص وانتو مثل ما تعرفون ان عندي حارس شخصي ولا صارت علوم ..........وللمره الثانيه اقول (المهم )ما علينا
قررت اني اطلع شمال الرياض حول مخرج قوات الآمن الخاصه قريب يعني ولكن لآنه سبق اني وعدت حارسي الشخصي با أنا (((( حلوه كلمة (أنا ) وأنا راح نطلع طلعه بعيده
...... جتني فكره ثعلبيه وقررت التنفيذ اتجهت بالسياره على طريق القصيم مرورا بالمخرج المذكور اعلاه ومشيت الين وصلت الله العالم حول مفرق الزلفي ومن فوق الكبري رجعت مديور الين المخرج ( كبري قوات الآمن الخاصه ) ودورت لي محل ......وسط ذهول واحتجاج وامتعاض مرافقي الشخصي حيث انه يريد مكان بعيد يحس فيه احساس المتعرض لمشقة السفر وبعد محاولات وشد وجذب تم اقناعه با أننا رحنا مكان بعيد والدليل انا مشينا ميتين كيلو وهي الشغله كلها بر ......ولكن ربك ستر ما ثور فيني بالسلاح الشخصي الخطير اللي كان يحمله لحراستي ........واليكم الصور ...........ولا احد يقول بايخه تكفون

ترا فيني اللي فيني من كثر مواضيعي البايخه .
https://up.albrari.com/uploads/12826606424.jpg
https://up.albrari.com/uploads/12826606423.jpg
https://up.albrari.com/uploads/12826606422.jpg
https://up.albrari.com/uploads/12826606421.jpg
https://up.albrari.com/uploads/12826606422.jpg

ما ينراح معك
انشهد انك فضيحه
ههههههههههههه

اوهام
هلا وغلا

والله يبيلي اخذ لي كم واحد من الآعضاء ونطلع انا وياهم طلعه بعيده بالمره
ويبيلها تجهيز قوي شوفوني احذركم.

وبعدين تعال هنا
وراه ما تحط لنا سالفه حصلت لك بالبر بدل هالرد ولو انه ماشي الحال بس الموضوع هاذا مو للسوالف ......نبي سالفه حصلت لك بالبر.

شي غريب

والله ان هالمنتدى ما يدخله الا ناس يحبون متعه الحياه ويبحثون عن البساطه والهدؤ ومزاجهم رايق ولاكن الله اعماهم عن التلطف مع بعضهم والمشاركه بمواضيع توسع الصدر
وعلى فكره ترا كتابه قصه سوا كانت عجيبه او مضحكه او محرجه او غريبه ما تنقص من المرجله .
حنا بشر نمر بكل المواقف .
وسعو صدور بعض.

يالله لاتزعل اخوي ابا البر
اذكر لك سالفه فيها نصيحه عن العبطيه وتسوي نفسك مالك الارض ولا احد يردك انت وموترك الكاشخ فية (مع العلم ان الموتر ماعليه منك اتلاها يفحط الكفر ويخليك ولوه دبل) وفي جهينه على ماقالوا
ابدء مره انا بديرتي تمير توي طالع من البيت ابروح للمزرعه العصر الا جوالي يدق من اخوي الله حيه مادريت الا ( عجججججججججججججللللللل تراي ظاغط على الفرامل الين تجي انهج ) وشفيك انا بين الحياه والموت
واثره مثل ماقلت فوق مسوي نفسه يبي يرقى العرمه(ظهار ـ جبال كبيره متواصله) من تحت هههه بين ام قليده ومليح وانا احط رجلي واجيك 160 مع التمهيده الا اشوف ذاك الابيض في نص العرمه يوم وصلته الاه ميت من الخوف
وموتره على طرف ظهره ومن تحت جرف لو طاح فيه كان علىيه السلام والموتر يالله شاد عمره بعد نمره الثقيل والجلنط حول ماينقطع شاد عليه مررره والفرامل راصها ويقول كل شوي يزلق
الموتر متصاغي وخشته بعلوا السماء رايح فيها لو اوصف ماوصفت
وانا اقوم ماوصلته الا بمخاطر بالجيب اهل الديره عارفين وعر المنطقه
المهم جريته بالونش على شنق لانه مهوب على كيفك تضبط الموتر ويوم طلع
تتتتتتتتتتتتتوبه ان رقيت
وسلامكم
للعبره واخذ الحيطه

انا صار لي مثل ما صار لخوك وربك انقذني بمثل شرواك ولا كان تلاقيني الحين هيكل عظمي بالطوقي .

ههههههههههههههههههه تبي الصدق والله انا كنت مسوي فيها فاهم ومتعيبط بقوه .

للرفع غصب عنكم

شاركو بهالموضوع


يوم من الآيام بكون مشرف بهالمنتدى وراح اشيل كل الردود ولا راح اخلي الا القصص

بس شاركو يا اشباه ابو الهول .

هلا الوديع
باين عليك شفت اخر رد مني مع الصور
انا اتكلم طال عمرك عن الجميع ليتهم يشاركون وينورون المنتدى بالسوالف السنعه.
شكرا لمرورك.

ديك المرة رحنا البر بي بليازر قديم فق الكفر انتهت القصة