|
اقتباس:
أما عاد حاط الصابون يحسبه ملح أحس إنها مقصود منه هالمهستر تخيلت إن لو أحد ماكله كل ما فتح اثمه يطلع منه فقاعات بس الدرس من قصتكم إنه ما يصلح كثر التدبير بالطبخ إذا استلم واحد المعميل خلاص يترك لكن إذا الله بلاك بواحد كثير دبره ولا هوب مشتغل بنفسه (تقل شيبان) |
اقتباس:
وخوينا عليه طلعات مرة فاضي شغل وقعد يضبط طلحة يعني يحسلك الشوك وذاك الغصن يبي يكسره وجره وطاح عليه الغصن وتضربه هاك الشوكة فوق الاذن وللمستشفى على طول وفكه الله من شرها ولله الحمد |
في احد الطلعات البرية ما شاء الله أبو صالح شقردي بالطبخ ولا يبي أحد يطبخ غيره* * ولا يحب أخد يتلقف على طبخة ويزعل لو احد يفتح غطا القدر وكل مرة طابخ لنا شئ غريب المهم الشقردي كابسن لنا ذيك الكبسة الي يحبه قلبك على زرازير والربع جوعانين خاصة بعد الدوران ومطارد الزازير صوت أبو صالح كالمعتاد *** يالله ياشباب الغدا جاهز دورنا البيز وين البيز هات البيز مالقيناه كبينا الرز مع الزرازير بالصحن ونلقا البيز بالقدر مطبوخ وشلون حطه وشلون طبخه ما ادري لكننا متعودين عليه *** أكلنا وحنا مغمضين يقولون الجوع كفر ا ا ا الموقف الثاني من الطباخ الشقردي ابو صالح تدرون وش طابخ لنا هذه اغرب من الأولى كان العدد قرابة 15 شخصاً وعلى لحمة حاشي بعد ما تعشين وقضينا قال يا أخوان للأمانة *** وأرجو أن تسامحونن ا ا ا ا تراني طابخ نظاراتي اخاف اقولكم قبل العشا ما تاكلون رغم الحوسة بالطبخ الا إن كبسة أبو صالح مالها مثيل *** ولا يبقى بالصحن شئ |
تسلمووووووووووووووووووووو
|
اقتباس:
أبو حمد لو بحلف ما طعم بالعشاء إلا البيز من كثر قربه للمعاميل جامع روائح الطبخ كلها وش عاد البيز طاح ما تعرف المثل اللي يقول هات البيز رد البيز وأثر البيز خرزه والله يإن أبو صالح شكله طباخ شف أي واحد ما يبي أحد يقرب عند قدوره وهو يطبخ إعرف هذا الواثق من طبخه سلم لي على ابو صالح |
الموقف اللي حصل من عدة شهور ولي شخصياً طلعنا طلعة برية مع اخواني واولاد عمي واخوالي المهم يوم يجنا نشب النار حطينا الحطب بعدين اخذت انا جلون بلاستيك يوجد به بنزين وجالس على الارض اصب على الحطب وثناء ذلك قام ولد عمي بشب النار ومنها يشب الجالون وانا ماسكة بيدي ويصدر صوت كأنه انفجار والمضحك اني فزيت واقف والجالون في يدي من الفجعة بعدين رميته بس الحمد لله ما جاني شي ولا كان راح فيها وجهي ههههههههه وبعدا رحت اجري ورى ولد عمي وهو شارد لين مسكتة وترفيس في موقف ضحكنا منه جميعاً هههههه وتقبلوا تحياتي |
المواقف كثيره ولكن هناك موقف لن انساه وهذا الموقف حصل على احد الاخوان على مااذكر في عام 1417وكان الوقت بارد وكانت هناك اسراب هائله من الجراد وبينما كنا نمر على احد المنازل اللتي في وسط النخيل وعند مرورنا بسيارة صاحب المنزل وهو احد الاصدقاء وكان نائماً في صندوق السياره لأاعلم لماذا ترك المنزل 0 خطرت فكره من النوع الثقيل من المزح على صاحبي وهي القيام بجمع اكبر عدد من الجراد الذي تحت اللمبات وكان متجمد ولايقدر على الحراك ووضعه في برميل كبير ومن ثم تفريغه على الشيخ اللي في الصندوق وننظر ماهي ردة فعله وقد قام هذا المزاح بوضع اكبر كميه على وجه صاحبنا ولم نلبث قليلاً حتى سمعنا الصراخ وقم برمي نفسه من الصندوق بشكل مضحك وكنا نرقب الوضع من بعيد وكان مقلب جامد جداً000
|
اقتباس:
والله أنا من الناس الي ما يحب توليع النار بالبنزين لخطورته |
اثناء الاستعداد لصلاة الفجر في يوم بارد جدا في مخيم بالثمامة .. وكانوا الشباب مجهزين بريق على النار .. من اجل يتوضأون بماء دافي ... وبعد معركة خفيفة بين الشباب لأن الابريق لا يكفي الكل ,,, تفأجا اول قوي حصل على الابريق بعد ان سكب للوضوء ان الذي داخله شاااااي
|
:w11:
يا رب نزل علينا المطر |
| الساعة الآن 05:50 PM |
Powered by vBulletin .
جميع الحقوق محفوظة © لشبكة ومنتديات البراري 2010