|
العب ورق سو تقسيمه
وشكل ليا صار ناويها |
بعض البشر مالها قيمه
خسران منهو يماشيها لاصار مافرضه يقيمه لا تامنه لو يسويهــا |
يذكرون سهيل يم اهل الجنوب .. والحجاز ونجــد ما شـافوا سهيــل
ذعذعت عقب الحراره واللهوب .. واستراح العــود بالفـيّ الظليــل |
حبيت أعلن للملا .. ياوين عشاق الشعـــر؟ أحس كني بالخلا .. ولا فيه من حولي بشر ! مشتاق إلى كلمة هلا .. حرفين تكفي يا بشر إن كان لي عندك غلا .. يامرحبا باللي حضر |
خلوني أسـج دام الله معافيني .. لا بد يومٍ يجي ما نقــــــدر السجــه
دام القدم زين وعيوني تقديني .. خلوني ابعد عن الصجات واللجة |
اقتباس:
رافع مقامه واعتلا... شاعر وحق مثله يفتخر الشعر من عنه سلا. . ينسى طروقه والبحر اظن حان وقت الصلا.. كتبت بيت مختصر لا تدقق ههههههههه |
ما تدري إنه من تغلا يخلا .. حتى لو انه من شيوخ البراري
|
إرضا المره غاية صعبه .. ما تقدر إنك تحققهــا
كراسة الطفـل واللعبــــه .. افطن لها لا تشققها |
الردود اللي تقص وتنلصـق .. ما تفرق بين زين وبين شين
|
يستاهل الحكم والكرسي .. الريس اللي يقول الحق
مشكور يامحمد المرسي .. خليت بشار ياكل ..... ! |
يافشل من همه الكرسي = يوعد مواعيد وما يصدق
يحوم لكن ما يرسي = ماشفت انا بينهم به فرق |
يكفي خطابه على الفرسي .. يكوي لسانه ولا يرفق
بشار حول عن الكرسي .. والا نحولك للمشنــــق |
نبغى فعل مانبي همسي = القول للفعل هو يحرق
لو كان به خير من امسي = الحزب ماهو بمتوفق |
البن يحتاج له حمسي .. والهيل ما ينحمس ينــــدق
الصوت يكفي عن اللمسي .. للي عجز للعدو يلحق |
به ناس في الصوت تنغمسي = والفعل ماهوب له يطرق
قوله اليا غابت الشمسي = واليا اصبح الصبح بان الشق |
وين انت يامحمد المرسي .. ركاااام كذبك عنده حــــق ؟! يقول بياعة الهلســـــــي .. ما عندهم غير كثر النـــــــق أما انت فوق البحر ترسي .. ولا يدخل الماي عبر الشق ! يازينها هرجة الهمســــي .. لا وصلت الاذن صااار الخق |
البحر لا صار مالـــه مووووج مــا كنـّــه بحــــر
والقمر لا بان نووووره يجـــزر البحر الطويــل يانجوم الليل وينك اختفيتي تحت وضاح القمر صارت القمرا زريق ولا بقـى نجمــه بليــــــــل |
ياشينها لا طحت وسـط الغرازي .. في موقعٍ عجزت تصلك المداوير
لا هاتفٍ ياصل ولا بـه جهـــازي .. ياخـوفتي تبنـي عليـك المعاصير |
ياخبل انا من شانها دسـت الاخـطار .. ألفيـن ميـل وبينهـا اربـع حدودي
لو انها بالسجن تحت الف منظـــار .. أجيبهـا غـصـبٍ على اكبر يهــودي |
الشاعر اللي توايق وانكـف دربه .. وش فيه يرجع قبل ما ينثر اشعاره
يارب رده قبـل ما ينقطـع ســربه .. نبغــى نولع حطبنا من لهب نـــاره |
ياخوي الدرب حـوّل .. شفتكم خلف الستاره
جالس لحالي أمــوّل .. وانت جالس بالغمـاره |
بعد رمضان وقبـل وقت الخريفي
كلـن فتح مـوضوع تبشيــر الامطــار احدن يقول الموسم الجـــاي ريفي واحذر من الغدران و الديــم لا صار واحدن يقول وكـل همي و خـوفي سيبري وازوري معـــه عــج و غبــار وانا ماضاق صدري وعندي وليفي لكن صدري ضاق من شوف الاخبار |
لا تستمع الا لقول حصيفي
ياكثر ماقالوا وياقل ماصار احد يبشر بالوسم وقت صيفي واحد يقول العام ذا كله امطار |
اللي مريف يشوف كلٍ مريـفي .. يشوف ما حوله نواوير وازهـــار
واللي نشف ريقه بيوم كليفي .. يشوف كل الارض من حوله ادهار |
انت ياغانم لونك بس تذكر عمرك
بالصحيح ولا تحاول تختلق معناها ابك انامليت شعرن فيه يحتار امرك ماتعرف السابقه لو قدمت يمناها |
أنت تامر يامزن والامر امـــــرك
طاحت الخمسين والباقي غطاها الحطب موجود بس الجمر جمرك ولا يقــول الأح إلا من وطــاهـــا |
إن كان تسأل ياخويي فلا بـــــاس .. مرتاح لا طالب ولاني بمطـلوب
اليا بغت رجلي بعيدات الارمــاس .. اسجّها وارقــــى على كل مرقــــوب شفت الخيال اللي تسولف به الناس .. ياما رسمنا في مظلاته قلوب وياما عزفناله ربابه ومرواس .. قلب العنى يصدح هجيني ومسحوب |
نعتذر عن التأخير
بسبب خروجنا للصلاة عقب الخمسين عمرك لو نشوفك نــفرك كــــل ناسـن ماتهابـــــــك لعنبو مجنــاها والذلول اللي تشيـــل الحمل نوبن تبـرك وعن معدن في الطويلة يقصرن اخطاها |
كانكم بالدرب علمنا نمــرك
يامزون نثرت من حلو ماها شاعرٍ ياعل ربـي ما يضرك يابيوت الشعر يسلم من بناها |
حمل الجمل يقدر عليه ويشيله .. ولا زاد حمله طاح بين الرجاجيل
طيحة جمل مافيه من يرتكيــه .. كلن يجهــز خوصـتــه والمعاميل |
بسويسرا شفت دنيا غيـر .. مافيه مقارن مع بلاااادي
الألب والثلج والاكسير .. ولا فيه معصير بالواااادي الله يعوض بلادي خيـر .. خريفهـــا نار وقــــااااادي |
أشره على الطيب وانا غير معتاز .. وراه من دوني يصك القــزازي حنا زرعنا الطيب والطيب ممتاز .. واللي مشى بإخلاص نال امتيازي بعض العرب وده يولع بنا قــــاز .. من حر ما به كل شي مجــــــــازي ليته يفارقنا ورى شـط شيـــــراز .. ويحول من دونه بحور وغرازي |
ياهيـه ما انتي شايفه وش تسوين .!!. لا .. لا .. تحسبيني عن الوضع راضي تحط لك من دوني احبــاب ثانيــن .!!. وانا تسـلى بي إذا كنــت فــاضــــــــي الله عطاني قلب وانته بقلبـــين .!. إلى هنــــــا وقّـف لــدي اعتــراضــــــي |
الليله السهره على طرس قرطاس .. خـل القلـم يصّرخ بصـــوتٍ حزينـا دنيا الفلس ما وسطها غير الافلاس .. وعمر الفلس ياخوك ماجاب شينا يادباس انا من رحت ياخوك يادباس .. ومحـاجري بالــدمع دايم دفيـــنـا راحت ثمان اسنين ماشفت الاوناس .. روحـي معه أظـنّهــم دافنيــــــا |
راح الربيـع وصـفرت خضـر الاوراق .. حتـحـت هـجيـر القـيـض ضـافي ورقها
ماباقي الا الغـصن واقف على الساق .. لو يلمـس الرمضى بظلـه حـرقـهــــــا |
مشتاق له شوق البراري للأمطــار .. وشوق الفياض المدهره للخباري
الشوق ما يقبل هزيلات الاعــــذار .. وحتى سمان العذر طعنــة شباري |
والله ان الشعر طبــعن لي والحــــــظ امتردي
كيف حضي مافزعلي عنــــد شعار البـــراري كل شاعر في البراري عن مدح شعري معدي مايهـــــمه ويش قلـــت ولا يبي لو كان داري كلـــــهم صارو جماعه واتفاق الجمع ضــدي وهمشــــوني مايجيلي عنــدهم سيره وطاري والحقيقة ماذكـــرته بين مــــــزح وبين جدي بس يبــــــقى في ضميري عــــز شعار البراري |
والله انك غالــــــي بالحيــــل عـنـــــــــــدي البرد والمزن غرّق كل شعبان الصحــــاري لا يهمــــك حط يــــــــدك وســـــــــط يـــدي مـــع يديـــن اخوانــــنــا أهـــل البــــراري من حروفـــــك واضحه لهجة تحــــــــدي والتحـــــــدي عشق ما هو باختيــــــاري لو بغيــت التهـــــديـــه مااقـدر اهـــــدي جابك الله بعــــد طـــــــول الانتظـــــاري مرحبـــــا بك بعـــــد ما بيحـت ســـــــدي ياهلا بك والغــــــــداء كبســة قمـــاري |
مشاركة كتبت بواسطة :غانم الضومري
اقتباس:
كان خليت الكــــلام احد من حـــــــد الشباري بس انا بعض الكلام اللي ذكر ماباح ســــدي ولا يسمى حر فرخن عاش في عش الحباري |
اخي غانم انت تقصر القافية
يجب ان تكون هكذا نفس ابياتك زدنا عليها بعض الكلمات حتى تكون على وزن الطاروق بإمكانك تطلع عليها وتحذفها الان والله انــــــك غاليٍ بالحيــــل لك مقدار عـنـــــــــــدي البرد والمــزن غـــــرّق كـــل شعبان الصــــــــحاري لا يهمك حـــــط يــــــــدك ياعميلي وســـــــــط يـــدي مع يديـــن اخواننــا في المنتدى وأهـــل بالبــــراري كن في مجمل حروفك واضــــــحه لهجة تحــــــــدي والتحدي عشــــــــق ما هو يالسنافي باختيــــــاري لـــــو بغيت التهــــــديه ياصاحبي مااقـــدر اهــــدي جابك الله عنـــــدنا مــــن بعد طـــــول الانتظـــــاري |
| الساعة الآن 05:49 AM |
Powered by vBulletin .
جميع الحقوق محفوظة © لشبكة ومنتديات البراري 2010