|
يا ما حلى حزة المقناص @@@ في هظبة جوها يطرب
وشوف الاثر يعجب القصاص @@@ لا من لقا جرته يشرب هاك الوعل فيه طعم خاص @@@ لا باين وزان للمضرب ثمن عطيته لهيب رصاص @@@ والياه واقع بلا مهرب |
اقتباس:
صج لسانك تهـواه لانك بعـد قــناص == اكـيد يحلى لمـن جـرب يازين لو تمتلك لك شاص == وتعـيش ايام مـتـغـرب في البر انت ومعك اشخاص == يحلى السمر ساعة المغرب ومنور زاهر القـرقـاص == في ديار سكـانها من حـرب |
اقتباس:
وصح الله لسانك يا بو سعود |
صح لسانك ياالغالي
|
اقتباس:
صح بدنك عني ونيابة عن الذعذاع ونتمنى ممن يمر على الموضع المشاركة وشكرا للجميع |
صج لسانك تهـواه لانك بعـد قــناص == اكـيد يحلى لمـن جـرب يازين لو تمتلك لك شاص == وتعـيش ايام مـتـغـرب في البر انت ومعك اشخاص == يحلى السمر ساعة المغرب ومنور زاهر القـرقـاص == في ديار سكـانها من حـرب صح لسانك يابو سعود وبيض الله وجهك انت والذعذاع والله انك صادق في كل كلمه قلتها |
[quote=الفرات;863832]صح لسانك ياالغالي[/quote
صح بدنك أخوي وهلابك |
اقتباس:
|
الـحـر زايـد ولابـه حـل == حرارة تاصـل الخـمـســين نشكي وحنا بعد في الظل == والشمس منها الحديد ايلين يالـيـت مـنه بعـد يرحل == لـديار صـاير هــواهـا زيـن يارب تلـطــف بنا ويزل == لهيب صـيف ذبحـنا سنــين |
صح الله لسانك أخوي الركام
دوووووووووووك ياشاكي الحر أحسن حل @@@@ تصبر ولا لك مفر الحين لو هي على طول برد نمل @@@@ مانفرق الجو زين وشين بضعت شهور تجي وتفل @@@@ نصبر عليها بقلب زين لا باين سهيل راح المل @@@@ يالله عسانا من الحيين |
اقتباس:
صح لسانك نعم الصبر زين |
اقتباس:
والله يابو سعود لو تروح للمريخ مالك الا مسقط راسك والله ان تحن له احمد ربك بس يقولون ( اسال مجرب ولا تسال طبيب ) |
اقتباس:
حياك الله يابرق القوافي انا نبي لوشهرين والا صحيح الديار غالية لكن في هالغربة عطنا ابيات وشكرا لك |
رسالة الى برق القوافي يامن شكيت البعد لك حل == زواج يمـكـن يهــون البعد اختار لك ضبي يرعى الفل == تسـعد وهو بك بعـد يسعد ويزين وقـتك ولا ترحل == وفي دارهم تعـشـق المـقـعـد وان كان قلبك لحد ميل == في نجد فصـبر الى المـوعـد |
ههههه
صح لسانك يابو سعود يارجال عجزنا عنه نبيه يعرس , بس راسه يابس الله يهديه انصحه يمكن يقبل منك |
اقتباس:
صح لسانك يابو سعود والله يزينها من عنده وعلى الطاري فيه بيت يقرقع عندي وهو اللي مصبرني وهو للشاعر حمد السعيد ويقول فيه يجيبها الله اللي رازق هالعجافي بهايم تمشي على غير نيه واللي رزق البهايم بيرزقنا انشالله والصبر مفتاح الفرج واشكرك على هالابيات وانشالله بنعرس الين الله كتب النصيب |
والله قلبوتها سوالف
|
نعيد لكم هذه الكسره لأنها راحت سلم ما أحد رد عليها
سلام في عالي المرقاب @@@@ مشرف على المنتدى الغالي صرح البراري بزينه طاب @@@@ مثل المزن غيث همالي ابغى الافاده عن الاصحاب @@@@ هم فيه ولا بزمن خالي يقوله اللي مضنه خاب @@@@ من شوف ما يعترض حالي |
اقتباس:
صح لسانك سلام ارده عن الاصحاب == حيـيـت ياساكن العـالي صرنا بقسم كما الاجـناب == وكل بقـسـمه قعـد سالي نشكي ونقول القسم منصاب == يقول ماشفت انا ازوالي اما تجـون ونصـير اقـراب == ولا ترى البعـد اشوى لي |
جضعخفث=الركامك867039د
صح لسانك سلام ارده عن الاصحاب == حيـيـت ياساكن العـالي صرنا بقسم كما الاجـناب == وكل بقـسـمه قعـد سالي نشكي ونقول القسم منصاب == يقول ماشفت انا ازوالي اما تجـون ونصـير اقـراب == ولا ترى البعـد اشوى لي جظضعخفثد صح بدنك وصح لسانك والله إنك صادق |
ياوجودي يالله انك تزينها تزين == كل ماظنيت لي ظن خابن الظنون
|
اقتباس:
صح لسانك الزمان يسير واغنم زمانك يافطين == ماحد فيها خلا من كثير من الشجون ماحد يصـفي زمانه ولا ياتـيه شـين == مير هـونهـا وتلـقـا لهـا درب و تهــون وماحد فيها مخلد على طول السنين == لو سكن في وسط برج تحيط به الحصون مانقـول الاعــسى ربنا دايـم يعــين == كـل من يـشــكي ويرزقــه مـال وبنــون |
صح الله لسانك وبيض الله وجهك
|
وين رحتو يالركام انت والذعذاع نبي جديدكم
|
اقتباس:
والله كدر خاطري وأزريت@@@ ما فيه من يسمع الثاني كلن مقفل عليه البيت @@@ ما يحسبون العمر فاني من لا بعمره طلع له صيت @@@ بالطيب يلقى الذي باني |
اقتباس:
صح الله بدنك وصح الله لسانك ماشالله عليك يالذعذاع |
اقتباس:
صح لسانك انا بعـد مابعـد مـليـت == معـكم ولانـيـب مـتـواني مادام به من يحط البيت == يستاهل اللي يجي عاني لو غبت ماصرت انا اوفيت == لابو زياد يوم ناداني حييت يابو عمر حييت == ياحـي من يزهـم الـثاني |
صح بدنك أخوي برق القوافي
وصح بدنك أبو سعود وصح الله لسانك على الرد الوافي طال عمرك |
اقتباس:
ماشالله عليكم لولا الله ثم انتو وبعض الاخوان والاخوات كان قسم الشعر طافي |
بيت الشعر فك بيبانه @@@ من كل نوع خذاله لون
في منتدانا علا شانه @@@ الله يبارك لمن هم عون بأشعاركم قسمنا دانه @@@ وانتم لها بحرها المكنون أهلا هلا بكل من زانه @@@ من وين حيث إنكم تلفون |
صح الله لسانك اي والله انه عـلا شـانه == من عقب ماهو كما المسجون ظهر على الناس عـنوانه == يرحب بمـن هم اله يمـشون وانقـول صـح الله لسانه == من يبدع القاف من المـكنون ومن نقـلـكم زانت الوانه == من يدخـله صار به مفـتون |
صح بدنك أبو سعود
وصح الله لسانك على ما أبدعت بارك الله فيك |
بالصدفه من هنا مريت 000 لقيت كل ٍ يمدح الثاني
ابوزياد والثاني نسيت 000 جديد المعذره يااخواني متحمس تراني جيــت 000 ياويل منهو تحدانـــــي ابي شعر مابي صيـت 000 والقصيد اصـدق خلاني |
صح لسانك وحياك الله يا اربعة قروش حييـت ياللي كتبـت البيت == جيـتك تستـاهـل العـاني يامـرحـبا عـد ما مـريـت == واعـداد ماتكــتـب اوزانـي واصل وحنا على ماطريت == نرحب بمن يبدع الحاني من شفت قافك حضرت وجيت == ارد ولانيـب متـواني |
يالركام مشكور ماسويت -- اتعبت روحك على شانـي
اشهد انك كفيت ووفيت -- علا شانك ونا علا شانــي كلنا اخــــوان داخل بيت -- عاشت بلادي ست الاوطاني اهل القصيد تراني جيـت -- لحروفكم مشتاق طربانــي |
صح لسانك والله يحييك أخوي أربعة قرووووش
محلك يالغالي ورد الركام عني ماني قالطن عليه بالتوفيق أخوي |
اقتباس:
|
اجيال راحت وجات اجيال-----تمشي على العرف ةالقانون
واليوم ذا جليلنا بطال -------درب الاهانه رضوا يمشون تحياتي لكم |
صح لسانك مافيه وقت صفـت الاحـوال == الناس من طبعهم يشكون لو تسأل اللي مضوا والحال == لقيـتهـم لحـالهـم يرثـون صحـيح اخـر زمـان او مال == والناس في غيهم يمشون |
كتب ابو زياد الذعذاع موضوع انه سوف يودعنا ويترك المنتدى والى الان انا بين مصدق ومكذب اتمنى ان يعود في اسرع وقت فكلنا ننتظره ودعــتــك الله يالـذعـذاع == ياسرع ماحنا تفارقنا هوصـدق ولا كـلام ايذاع == انك على طول تاركنا وش صار وش غير الاطباع == ياقو قلـبك تخـلينا القسم عقـبك غدا ملـتاع == ندخل ولا احدٍ يناجينا وهذه اخر كسرة في هذا الموضوع الا اذا عاد الذعذاع واشكره على هذا الموضوع والسلام عليكم ورحمة الله وبركاته |
| الساعة الآن 03:04 PM |
Powered by vBulletin .
جميع الحقوق محفوظة © لشبكة ومنتديات البراري 2010