دون الحنين لجسمك مابقى فــودي
...... وش فايدة جسمً مابقى فيه وجداني
موت الشجر واقف لو كانها عودي
...... اخـير مـن شـجـرةً ضـلالــهـا فـاني

يا عد لا تشكي.. كـم صــدر ورودي
..... وكم ارتوى من عذب ماك ضمياني
راحت بـافراحـها.. وايـامها السودي
..... فلا تشتكي يا عد من هجر خـلانـي

صار الأمل !! ريشة تلعبها النــــودي
لمحة بصر واختفت عن ناظر أعياني

تعبت ما شفت طيبة صبر منشودي
مثلك زماني خذل حلمي وعناني

يا صبح ما مثلك يهنا له رقودي
..... الـحـلم والـهـوجــاس لـواحد ثاني
ما فـات راح ولا يـمـكن يـعـودي
..... وافتح لدرب الامل يا صبح بيباني

القاف يا صاحبي يحتاج لوقودي
...... وانت تطربني وقافك يشعل الحاني
من بر رفحاء ارسل لك ردودي
...... والنت عندي تجيب الضغط وتعصاني

يا مرحبا يا شمال الطيب والجودي
ترحيبة ٍ وافيه من قلب ولساني
أقولها وآتباهى يوم مقصودي
أروى قوافيّ من جيلان وجداني
ورفحاء عساها تسيل برايح رعودي
عسى الحياء في ثراها دوم رياني

وقاد ياجونا وقااا د . . وقد بنا .. ﻻااهب الكنه
لو نفترض يفصل العداد .. يالموت ماعنك ما عنه