|
البعد عن شوف المواليف حراق
لو صاحبه يخفي الدموع ويموه ياما تجرعنا غرابيل وفراق وياما اعترض بالدرب خيره وسوه |
صروف الزمان الجايره والهوى والمال
تخلي نفوس الناس تظهر خوافيها وانا أدعيك ياربي بتقوى ودين وفال عن الخلق يغنيني وروحي تعافيها |
مايرفع الناس غير الطيب
والحاضر يعلم الغايب الاخذ بالنصح ماهو عيب ياكم شباب(ن) نصح شايب |
ارفع مقامك وخلك ذيب
لا تخيب ويقال لك خايب لو كان درب الرجال تعيب الذنب لابد له تايب |
يشلهب ورود الحب حر الجفا وتحت
وتبقى بذور الورد تحت الثرى تحته عسى الغيث يسقيها بعد ما ارتحلت ورحت وعسى القلب يشفى من هواجيس جارحته |
ياالله بغيث(ن) يسر البال
يشمل سهلها مع جباله مزنه يطول وهو همال ياخذ نهارين هماله |
اشتقت لمشاهد الودان
ومشاهد الغيم بألوانه بأرض خلا في طرف ضلعان واشجارها الخضر رويانه |
غيث انهمر من مدلهم المخاييل
سبحان من سواه وابدع هميله الحمد لله سالت ديارنا سيل مامر مثله من سنين طويله |
احترام الناس يرقى بك سنود
مازرعته في حياتك تحصده ان زرعت الطيب تبشر بالسعود وان زرعت الخبث تشبع منقده |
راحت طراة القاف وعلوم الاسلاف
كلن على المشراف يومي له بسيف راحوا هل الاشعار وافين الاشبار واشعارهم تذكار بين المواليف |
ماللصباح بدون شوفك تعابير
وما للمشاعر دون همسك ذخيره ياصاحبي وهجوس صدري مقابير عسى فراقك تالي الوقت خيره |
يطيب لي فنجال من دلة الكيف
والجو هادي لا مشاكل ولا ازعاج ارتاح وآخذ لي تمشاي بالريف انا اشهد انه للعنا طب وعلاج |
من هاجسن يبدع التمثيل
مافيه هسه وﻻ ميله جتنا رياحين ورد وهيل تبعد عنا الراس وتشيله |
عسى البارق اللي في دجى ليلنا الموعود
تهشم سحابه والشجر يرتوي عوده وتخضر سفوح القلب ويفوح عطر ورود ربيع ينسينا عنا الوقت ولهوده |
يا الله بغيث(ن) يسر العين ياربي
هملول مزنه على الضلعان غاشيها وتسيل منه الديار اللي على دربي اللي بها الصيد موجود بعلاويها |
حآكم عليك الزمان تغيب
والليل ماعاد تسري به ماغير تقنب قنيب الذيب مسجون والقلب تومي به |
تزايد هطول الغيث والسيل بإثر السيل
من اقصى الجنوب ليا الحدود الشماليه سحابه تجي عصر وسحابه بنص الليل وناسه وفله في مناظر ربيعيه |
تذوب الحروف بهاجسي قبل لأكتب شي
ونار المحبه داخل الصدر وهاجه عليك الله امسح كل شطر(ن ) يخص اسمي لأنك بعد ذا اليوم ما انته بمحتاجه |
عقب المطر ياذعاذيع الشعر ذعذعي
مع شبة النار والدله وفنجالها من هاجسي قربي لأشواقنا واقدعي باصوغ الابيات وأرفع صوت موالها يالبيه يالجووو |
عيش الوناسه وافتح لبسمتك درب
لو كانت همومك تذوقك الامرار والله لو تمشي من الشرق للغرب ماتحوش غير اللي لك الرب يختار |
ياحبيبي والله انك في عيوني غالي
وداخل القلب المعنا شي ما انت شويه شوفتك تبري الجروح وغيبتك غربالي لا تخليني بصدرك صفحة(ن) مطويه💔 |
القلب لو هو من حديد
وتضمه قفول وحدايد اليا تباعدنا بعيد لابد للطاري وقايد |
روحت يالعيد السعيد
بلا حضور ولا معايد وين انت ياساعي البريد ابيك ترسل له قصايد |
الشمس تشرق من جديد
والليل والهاجوس بايد معذور يالخد الهميد لأسقاك همال الرعايد |
حتيش يالحظ العنيد
ماعاد باقي من شرايد تحتار يالعقل الرشيد لو شفت مركوز النهايد |
طرقا غلاها بالوريد
لها بساتين(ن) فرايد بعيونها جيش شديد يقودهم تسعين قايد |
ياليل ياليل الجفا
يامبيح علوم(ن) خوافي بالله ياليلي كفا ماجاء من الاشواق كافي |
توايق على صدري وشوف الغلا وشلون
وكيف العروق بدم الاشواق مشحونه تصدر من القلب المعنا ألم وشجون بها احساس شعري يبدع القاف ولحونه |
لي في ضمير الشعر منزل ومقدار
احشمه عن سقط حرف(ن) يهينه |
ياليل ماترحم المشحون!!؟
يسهرك وتغرق عيونه أقبلت كلك أسى وشجون ماتدري الحال وش لونه شطر |
ياقلب ويش اسباب جرحك قل لي
وليه النزيف اليوم زايد نزفه هو خلك اللي راح والا خلي والا صوابك جاء من الله صدفه شطر |
آنا معلق فيك كلك كلي واحساسنا في دمع والا رجفه جرحك وجرحي مشترك بالملي إثنيننا يآصآحبي في كفه قلب شطر |
المركب اللي مبحر(ن) بالمجاديف
صابه من اللوعات ميله وخله الله يكفينا شرور الصواديف ويعين من كبده على جمر مله شطر |
ياتايهه بين الهواجيس والناس
الدرب آخرته هموم وتعآسه لاصار قلبك بالملذات غطاس مآعاد في دنياك حب ووناسه شطر |
من مزايا البوح في عقد القصيده
إختصار الحرف ببيوت(ن) فرايد ياجميله من تغلى مانريده المقفي ماورا طرده فوايد شطر |
إنتهينا من هوانا يالحبيبه
دام ودك ماتدوم بنا العلاقه كل واحد بالهوى يلقى نصيبه لو يعاني من غرابيل اشتياقه شطر |
الله يعين اللي من الوجد مابآت اللي بصدره ضيم جور الليآلي لو كآن يبعد عن حبيبه مسآفآت ماهوب عن طاريه داله وسآلي شطر |
أحاول انساك وأدله مير ماقد سليت
وأدور لضيق صدري باب والا سكك أضمآك والشوق يلعب بي واترجمك بيت حروفه الطاهره من دون ظن وشكك شطر |
،،*ليت مآلك في قصيدي ذكريآت وصوره
يآمعآنق كل حرف بهآجسي وأعمآقي_'' شطر |
❤عآنيت هاجوس الجفآ لين مليت
والنوم من كثر الطواري جفيته ماغير اسلي خآطري كان سجيت وانا عنه ماقط لحظه سليته❤ شطر |
| الساعة الآن 07:06 PM |
Powered by vBulletin .
جميع الحقوق محفوظة © لشبكة ومنتديات البراري 2010