|
وش رايك يابو خالد بالكوره
|
اقتباس:
ياهلا والله ارحب ارحب ياهماليل المخيل اقسم بالله ودي اقولك صح لسانك بس المعذره يا ذيبان الاسطوانه شغاله مالك لواء وتخير لك حد الباصات ا انتظر جديد رمعاتك يا هماليل المخيل |
والله إني ما اخلي هماليل بالباص لحاله .. معه معه .. سلام ياهماليل .. معك .. وين ؟ الخرخير والا طبرجل ..
الرمعه .. هي التي في ساعة الضيق ملقوفه : وقت الحادث لا سمح الله .. air bag ، ابو خالد .. كم راكب يشيل الباص هههه تحيتي |
اقتباس:
ياهلا والله يابو سامي والله لا يحدك ولا يحد مسلم على اير باق مضاره اكثر من فوائده بس مالك لواء على فكره الباص رحلاته وين ماتبي بالنسبه للباصات تشيل المنتدي كله لو تبي بس على فكره الشباب لهم باص والبنات لهم باص خاص لهم يعني مافيه اختلاط |
وش تبي جاي هنا مافيه رمعات
طيب ابرمع وبقول مالك لواء ممتاز الو شباب مافيه رمعات حولكم شكلي ابي اخلي اللغز هذا علي جمب وانزل واحد بداله ولد يمكن يزعلون عليك الشباب ، لا شاورهم وشف ردهم . ابشر <<<< يسولف مع نفسه بصوت عالي .. نفسيه الله لا يبلانا ها وش رايكم |
الخوف من ركوب الباصات ، ماهو مشكلة لو معك أحد بالباص ولكن لوحدك في باص مشكله !!
ركبتني الباص وتركتني ــ ياخي حرك الباص لأي مكان مو مشكله .. قيمة اللغز 50 ريال .. إذا لم يتمكن احد من الحل فإني سأدفعها وأحصل على الحل .. شكرا ابو خالد ... تحيتي |
اقتباس:
اقتباس:
السلام عليكم هلا والله ابو سامي مشكله كبيره يابو سامي اذا كنت مانت حاس بالباص يمشي ولا واقف هذي بق بربلم بس الضاهر انك راكب باص الفي اي بي VIP انز الله لا يهينك ورح هناااااااك لباصات خط البلده منفوحة الديره اسواق حجاب حراج بن قاسم ولعيناك ياطويل العمر بنزل لغز علي السريع وش يقول اجيال كم وردة يمه @@ واجيال كم ودعت صاحبك ان كان همك ولا همه @@ باعك ولو وقتها ساعدك الطير ما يندرا عنه @@ مثل الفلك يومها باعدك |
اقتباس:
هلالا ابو خالد اتوقع السيارة ماتناظر اللي يلمسها وتسرع بوقت الضيق مثل وراك اسعاف مريض او غيره الله لايضر مسلم (ملقوفة) ووقت الرخا تلقى السايق يلاعب ايده بالدركسون ان لم يكن الحل هو السيارة فسيكون الدركسون بديل واسلم هذا اللي عندي |
بانتظارك عسى ما اركب لي حدا الباصات بس شوف لي باص يوديني ينبع عند ابوي غانم
|
اقتباس:
الباص الباص الله لا يهينك باص النساء وعلي الخرخير ينبع نو يعني لا جدول الرحلات الشتوية الخرخير ، راس ابو قميص ، شروره ، ابو قعر جدول الرحلات الصيفية الرقعي ، الدبيه ، الصداوي ، المزاحمية ، شواله |
اجل بروح ابوقعر قريبة علينا بس 8كيلو
|
السلام عليكم
هذي اول مره اشارك بالالغاز وقول انها (النظاره) |
اقتباس:
هلا والله يا بو عايد حياك الله مالك لواء بالنظاره |
من الغاز شعراء العواد
لشعراء العواد كتاباتهم في الالغاز وهذه بعض الالغاز الشعرية للشاعرين رحمة الله عليهم : سعود الدخيل العواد وسعد الدخيل العواد . و هذا لغز قاله المرحوم سعد الدخيل العواد لأخيه سعود : ابنشدك ويش أربع بنات يشيلن عيالهن أربعين وهن مابهن نقص وزود عيال العيال من البنات اقوله بصك المعجزات تزين الهجوس اوما تزين اقوله وفكر ياسعود حيا وين ماهن من صفات وقال سعد ابو عواد رحمه الله هذا اللغز في البحر ومده وجزره والقمر انشدك عن عذرا تهوش ولاتخاف تزعل الى منه طلع رجالها تزعل وهو لامن وقع همن تخاف كفت وخلت بالطريق عيالها من نسلها شيء بماقفها يشاف الا القوي أبطانها يبرالها تاكل ولاتوكل تضيف ولاتضاف ياقرد عين من ألتوى بحبالها بأول شهرنا شفت أنا فيها خلاف وتالي شهرنا دبرة في فالها 1/ يقصد اليدين والأظافر 2/ يقصد ماء البحر في المد والجزر وقال ايضا هذا اللغز : انشد اهل العرف عن بنت لونها لونٍ سماوي كان لقحت بأمر ربي جا ولدها مع ظهـــرها الولد خلقت خواته جامع كل الدعاوي ماتعرف المرشده ليما تصوب مع ظهرها ــ وقال الشاعر الكبير مزيد السريحي هذه القصيدة إلى المرحوم سعود العواد معها اللغز : ياراكب من عندنا فوق هماز هو منوة اللي بالطريق امتوازي يسرح من الشيشة بجالون ممتاز ومشي الوعر عنده يشاد العزازي يشدي ظليم طالعت شوف حوازي ايضا وهي بالندر خصم الجوازي ملفاك ابن عواد منته بمعتاز اللي على درب الصخا دوم لازي ( قل انشدك يوم انك بخيصن بالالغاز تفهم مباديها وحل اللغازي عن حي لاميت نفع كل معتاز والناس لو لزوه ماهوب لازي أيضا ولا له حل في كل الارماز الا براس النايفات النوازي ) رد عليه الشاعر سعود ابو دخيل رحمه الله يقول : حي الكلام اللي لفا فرد واجواز يصرف ذهب ماهوب يصرف بيازي حيه عدد نو من الريح يماز للشاعر اللي له بهن امتيازي اقول خذ رده ولا ناب عجاز ولانايب من ياقف الا جا الغرازي الحل هو :طير النحل بين الاهواز بجبالها وتهامها والحجازي اخي ممتاز هذا فقط للمشاركه والاطلاع واحببت ان اضعه في الممتاز للالغاز وهي الغاز مع حلولها (رحمهم الله ) آمل ان تتقبلونها ملتقى العواد |
اقتباس:
حياك الله وحيا الله جيباتك يطولي عمرك انشاء الله فيه افكار انه يفتتح قسم خاص او قسيم خاص للاغاز ويتم فيه الشغل العدل . اشكر تواجدك ومشاركاتك تحياتي |
اللغز رقم ( 8 ) بحكم الهدوء المكتسح ارسل لي رجال لغز وجاز لي وقلت ابي اجيب لكم عساه ينال الاستحسان انشدك عن بنتً تسن سنونها للضيف @@ لها باب واذا حل الضيوف بدارها داخو لها سبعة حروف ومالها زوار وقت الصيف @@ تجمل صورة الضيفان وكل ما زاورو شاخو في اول اسمها شئ يقدم بالعسل للضيف @@ وفي اخر اسمها معني العلم والناس له ناخو |
اقتباس:
الحل يابوخالد أعرفه منيب قايل اجتهاد وامدح عمري هههههه لكن قريته في النت ، تبيني اعطيكيه ولا نعطي فرصه للربع |
دامك قريته خله
اقسم بالله ارسله لي شرواك وانا علي خط قريته قريته قريته اعجبني شتلني قلبته يمين يسار لقيته ياربي لك الحمد وارسلت له قل صح لسانك نزلته هنا لتحريك الركود . فيه لغزين قبله رح قلبهن تشوف وارمعهن عشان اركبك الباص مع الشله هههه . الله لا يهينك |
اقتباس:
واما الغازك اللي اللي قبل ماردني عن الرمعه الا باصك هههههههه لكن ابرجع له وابرمع ومن هالحين شف لي محل فالباص مع الربع : ) |
مجرد رأي .. من لديه ألغاز وحلولها .. فضلا يرسلها للممتاز ..
محمد .. لا تخاف الباصات جديده ومكيفه .. اركب معنا الله يسلمك .. تحيتي |
البنت المكفوفه ماهي الساعه :shutup:
الظاهر اني متجه لخرخير :crying: |
ابوسامي الظاااهر جازت لك ذا الباصات ، الله يجيرنا من باصات ابوخالد
تسنها باصات خط البلدة نبي نرمع ثم نشوف رحلتنا وين متجهة : ) |
اقتباس:
ياهلا ياذيب آجا الخرخير قفلت رحلته ماعنك وعن جيزان مالك لواء ياذيب انتظر الرمعات المقبله منك اشكرك |
اقتباس:
رمعتك وين ياالمقاطي احلى واروق باص لعيناك وبأذن الواحد الاحد ما يوقف الا بديره على كيف كيفك بس هات رمعتك اجل باصات خط البلده ها طيب سامحوني على البطحاء والخرخير وعلى الباصات الغير مكيفة . |
اللغز رقم (9) انشدك عن بنت مكفوفة @@ ما تبصر اللي لمسها لمس في ساعة الضيق ملقوفه @@ وتموت وقت الرخاء بالخمس ــــــــــــــــــــــــــــــــــــــــــــــــــ ــــــــــــــــــــــ اللغز رقم (10) اجيال كم وردة يمه @@ واجيال كم ودعت صاحبك ان كان همك ولا همه @@ باعك ولو وقتها ساعدك الطير ما يندرا عنه @@ مثل الفلك يومها باعدك ــــــــــــــــــــــــــــــــــــــــــــــــــ ـــــــــــــ اللغز رقم (11) انشدك عن بنتً تسن سنونها للضيف @@ لها باب واذا حل الضيوف بدارها داخو لها سبعة حروف ومالها زوار وقت الصيف @@ تجمل صورة الضيفان وكل ما زاورو شاخو في اول اسمها شئ يقدم بالعسل للضيف @@ وفي اخر اسمها معني العلم والناس له ناخو وين الرمعات وين الشباب ولا زانت المكاشيت |
جاري التفكير باللغز الأول
أما اللغز الثاني مدري هو لغز ولا بويتات قصيد مهوب واضح سلامي عليك يابوخالد ، تحرانا مانا مبطين |
انشدك عن بنتً تسن سنونها للضيف @@ لها باب واذا حل الضيوف بدارها داخو
لها سبعة حروف ومالها زوار وقت الصيف @@ تجمل صورة الضيفان وكل ما زاورو شاخو في اول اسمها شئ يقدم بالعسل للضيف @@ وفي اخر اسمها معني العلم والناس له ناخو عرفتها عرفتها يابو خالد ... والله ان تركب الباص انت .. كم لي وانا بالباص لوحدي .. البر الباء برى حالي ظبي العدامه .. بري القلم للمرسمه يابو خالد الرايه : راية بلادي وافتخر فيها .. الله يعزك يالسعوديهه برايه .. بر وأيه ، وليست ب و راية .. ولكنه بر وأية .. يا شباب الباصات زينه ، وفيها جوله على ربوع بلادي .. ومرافقة وتعارف .. جربوا باصات الممتاز .. تحيتي |
اقتباس:
ابوسامي انت حليته بخيمة ابو شديد وقلت لك صح لسانك والحين تبي تركبني الباص ابشر ابركب اشيك عليك وعلي من معك بالباص يمكن ماكو اقامة ولا جواز ولا بطاقة عشان اختم لكم تأشيره على ابو قميص بها البرد . |
انقهههرت يابو خالد إني حليت اللغز ونزلت من الباص وخليتك فيه تدقدق بوااااري ..
وش دعوى يابو خالد .. يعني أنا ما يحقلي أشارك .. يعني حلولي الأوله كلها غش من خيمة ابوشديد ؟ طيب هات لغز من خارج الخيمة وتشوف اذا ما حليته .. خلاص ما أركب الباص خدمته سيئهههه . تحيتي |
اقتباس:
وعليكم السلام هلا والله اللغز الثاني من اروووق اللغاز الي مرت علي ومليان في كل غصونه بعيد عن الحشو انتظر تفكيرك ولو برمعه واتحراك هنيا |
تم وضع 11 لغزا .. وتم حل عدد ؟
شكرا ابو خالد .. متصفحك وصلت مشاهداته إلى أرقام مشجعه بإذن الله قريبا سيكون قسم كامل خاص بالالغاز .. تحيتي |
اقتباس:
لا شكر على واجب استاذي ابا سامي وبمناسبة القسم الخاص لغز على الطاير وخالي من الكسترول يقول اللغز (12) تبين الحق والمسرى @@ وسارو على رأيهم راضين العود نقص عن العذراء @@ وزادو على سهمها سهمين الاخوه الاحبة زوار المتصفح اللغز الي ودك ترمعه انسخة وحط رمعته تحته الله لا يهينك الان فيه كم لغز تدور لها على رمعات قواكم الله وتقدرون عللى رمعتها بس شوية تركز والشغل يظبط |
وين الرمعات ياشباب
الظاهر الاجازة مئثره علي التفكير |
اقتباس:
الله يعننا علي صعب الانتظار دمتم |
الباصاااااات هي مايمنع الرمع
زاويه لها متابعين كثر مشكوور على دوام الحضور عوده للألغاز |
اشكرك انا يطولي عمرك
وابشرك الباصات الان كلهن بالوكاله شك اب كامل بتقعد لها اسبوعين وتعود انتظر |
اللغز رقم (10)
اجيال كم وردة يمه @@ واجيال كم ودعت صاحبك ان كان همك ولا همه @@ باعك ولو وقتها ساعدك الطير ما يندرا عنه @@ مثل الفلك يومها باعدك رمعتي : العمر |
اللغز (12)
تبين الحق والمسرى @@ وسارو على رأيهم راضين العود نقص عن العذراء @@ وزادو على سهمها سهمين طلوع الفجر |
الحق : الفجر
العود : النهار العذراء: الليلة سهمها : صلاة الفجر سهمين : ركعتي الفجر (السنة الراتبة) |
اقتباس:
هلا والله ومرحبا بجادك الغيث حياك الله في زاوية الممتاز للغاز ابشر بالدله واليراد طال عمرك بنقهويك بها اللغز بالنسبه للعمر يسلم عمرك ويطول عمرك علي طاعته مالك لواء وجهز نفسك للباص ياللغز الجاي انتظر رمعتك |
| الساعة الآن 04:37 AM |
Powered by vBulletin .
جميع الحقوق محفوظة © لشبكة ومنتديات البراري 2010