جعل السحاب اللي مقاديمه بروق // يمطر على نجد وعموم الجزيرة
يمطر على دار المطاليق من فوق // وبلٍ من الوسمي سيوله غزيرة

وتنبت نفود العرق والخافق يتوق // لشوف البراري والغيوم المطيرة
يا ما حلا في كل ريعٍ وزملوق // العشب الاخضر والزهور النظيرة

وياما حلا الفنجال في حزة شروق // وجمر الغضى حوله دلالٍ كثيرة
وياما حلا يا اهل الوفا شوفة النوق // بين الزهر حيرانها مستديرة

والسيل يجري بين سابق ومسبوق // ياما حلا شوفه وما ازين مسيرة
وطير السعد غنى على كل طاروق // يجذب خفوق اهل الوجيه السفيرة

وصوت ام سالم تجذب الصوت وتسوق // اعذب لحون العشق في كل ديرة
العشق يبقى بين عاشق ومعشوق // عيني لشوف البر شفقة واسيرة

فكر المولع ينتشي حيل ويروق // هجوس صقارٍ تفاخر بطيره
ذيك الديار اللي بها الزين والذوق // باشعاري وعذب القصايد جديرة

قلبي شفوق وله ملازيم وحقوق // حقٍ علي ان اطربه واستشيره
هذا مناي وكل نفسٍ لها ذوق // يالله عسى في الامر خيرٍ وخيره

جعل السحاب اللي رقى بالسما فوق // يسقي ديار اهل الوجيه السفيرة

الشاعر جعفر بن هادي القحطاني

الامطار متواصلة والحمدالله واتحرك النفيض من الجنوب الى لشمال او الشمال الغربي بشكل سريع

مبروك عليكم الامطار
واذا تبغى قارب ابو نواف موجود جاهز

مطر قبل قليل عل سويدان جنوب الأفلاج 15 كم تحت المتوسط مع بروق ورعود

مطرنا بفضل الله

اللهم لك الحمد والشكر
امطار مستمره

والشوارع صارت شعبان