|
طمنا كيفك اخي غانم
وكيف صحتك يالغالي ندعي لكم والله العالم بأول الليل وبا لتالي تعود وترجع لنا سالم وللأهل ياطيب الفالي |
من جد غانم ياجمـــاعه فقدناه
له مدة عن واحة الشعر غايب اول اليا زرنا البـــــراري لقيناه واليوم ماجاب الخبر عنه جايب |
ابشرك غانم على ما تمناه
ماينقصه ياكود شوف الحبايب على ضفاف النيل تسرح مطاياه يارب عفوك قبل وضع النصايب |
"غيبة"
يا صاحبي غيبتك ما قصّرت في=ورّتني انجوم السما في الضحية كنت انشد الجيران والاهل والحي=لا غبت عني ثانية سرمدية وآنا لواني اليوم ظرف الزمن ليّ=من قلبي المكسور واهموم فيّه أصبحت أسهر وأعتبه حظي السيّ=وأقول كنّا مثل هذه وذيّة واقول كنت وكنت لكن وش ليّ=في كنت دامه انطفى النور ضيّه واليوم انا ما عاد لي في الغلا شيّ=امسي واصبح والمشاعر خلّية وان زاد نزفي قلت خليه يدمي=الجرح غير و صاحبه غير زيّه ومسامحك بالحل ّ..يحفظك ربي=والله يجنبك الحظوظ الردية و يستر عليك الله وانا يستر علي=ربي ويجزيني على طيب نيّة |
ان كنت تسأل عن الشيبان
انقرضوا .. اللي مرض مااحد زاره .. واللي مات مااحدن منهم صلى عليه ابو علي تحديث بيانات طال عمركك تحيتي هكذا هو العالم الافتراضي |
يطولي عمرك ابا سامي حقيقة يعلم الله ان القلب عندكم وكم كنت اتشوق لو الضروف ساعدت بزياره لآم الدنيا ومنها نسعد بلقائكم ولكن !الضروف عيت تطيع انما انتم على البال وكم ندعي لكم بظهر الغيب بالشفاء لكم وعودتكم الى اهلك ووطنك وانت بكامل الصحة والعافية وقد اتصلت للاطمئنان عليكم ولكن لم يكن هناك رد نسئل الله الكريم رب العرش العظيم ان يصبغ عليكم ثوب الصحة وطهور إن شاء الله وأجر وخير
|
الحــمولة الثقيــــــلة شالها البازلى
في سباق الميادين الصعوب تجفلي كان ودك تسير ولـــطريق تكـملى جهز الفــكس آرو بالوقود ممتلي |
ولن ينسى الشيبان را كان بن حثلين غزليات راكان..
عشق الشيخ راكان بن حثلين بنت عامر بن جفن آل سفران وقال هذه القصيدة عندما رأى أهلها يرحلون في طريقهم إلى مكان اخرفي فصل الربيع وقال الـلـه مـن قـلـب غـدا فـيه تـــفريق يـتـلي ضـعـون مـبـعـديـن الـمـنـاحـي قسم بـتـغريب وقـسم بـتـشــريـق والقـسم الآخـر مـا ادري ويـن راحـي لي صاحـب مـا فتق البيت بي ويق ولا عـذبـه طـرد الـهـوى والـطـمـاحـي والله يا لولا افـاهـق الصبـر تـفـهيق وارجي عسى دربه يجيلي سماحي أبوي يـا حامي عـقـاب المـشافيق لا طــيــر الــذلان ضـــرب الــمـلاحـي راعي الـدلال بـل وصـايـف غـرانيق الدلال فـيـهـن أشـقـر الـبـن فــاحــي وحامي حدور الخيل وقت التزاهيق وكـريـم سـبـلى في ا لليال اشـحاحـي ذبـاح حـيـل عـلـقـن بـل مـشـانيق حـيل الغنم مـع مسـمـنـات الـقـاحـي سوقوبها شـقح البكار المـلاهيــق مـثـل الـقـنوف اللي بـها البرق لاحـي ترى لها رجال قرومن مطاليق كسابت العليا الطيور الفلاحي وعندما سمع والده هذه الأبيات عرف انه مشغول بحب بنت عامر بن جفن من أمراء آل سفران وعلم أن عليه بالجاه للحصول عليها ، فطلب بعضا من كبار قومه أن يقصدوا الشخص الذي حاجرها فعندما وصلوا عنده أكرمهم فطلبوا منه أن يسمح لهم بالفتاة لتزويجها للشيخ راكان فأعطاهم إياها ولم يقصر في حقهم وأهداه على كرمه فلاح بن حثلين والد راكان فرسا له من الخيل الأصيلة على حجار البنت ورفض أخذها ولم يقبلها ولكن حلف عليه ليقبلها ، وقال فلاح ابن حثلين والد راكان هذه الأبيات يامن يبشر باريش العين راكان ان حنا طلبناها وكمل نشــبها امر تســـهل بين ذربين الأيــمان هذاك يعطيــها وهذا طلبــــها ومن حشمتك سقنا طويلات الأثمان بنت الحصان اللي طوال حجبها مايستوي في البيت نايم وسهران وتــكثر نجوم الليل للي حســبها كله لعينا وقفتك بين الأضــعان يومك تخايل وين راحو عربــها وتم زواج الشيخ راكان من معشوقته بنت عامر بن جفن وأنجبت منه فلاح بن راكان بن فلاح آل حثلين . وله أيضا غزلية في بنت عامر بن جفن يصف بها مدى آلامه من هذا الحب لها وانه لا يستطيع العيش بدونها ويقول فيها : يا ونـتـي ونـت خـلـوج تـسوفـي عـلى مـكان حوارها تعول اعوال لابو دليقي فوق متنه صـفـوفـي راعـي أشـقر مـتثيني كنه حبال في عينه اليمنى جموعا وقوفي وفي عينه اليسرى ثمانين خيال وكن القلايد في نحرها شنـوفـي في لابة كنها قراطـيـس عـمـال وكن الردايف لا قـفتها شـفـوفـي تـشــبـه بـواكـيـر تـحنـا الجـهـال إن قـلـت ديــان فـلا هـو بـيـوفـي أمـا الحـديـث الـزيـن كـل بـيكتال |
يا ونـتـي ونـت خـلـوج تـسوفـي عـلى مـكان حوارها تعول اعوال
لابو دليقي فوق متنه صـفـوفـي راعـي أشـقر مـتثيني كنه حبال في عينه اليمنى جموعا وقوفي وفي عينه اليسرى ثمانين خيال وكن القلايد في نحرها شنـوفـي في لابة كنها قراطـيـس عـمـال وكن الردايف لا قـفتها شـفـوفـي تـشــبـه بـواكـيـر تـحنـا الجـهـال إن قـلـت ديــان فـلا هـو بـيـوفـي أمـا الحـديـث الـزيـن كـل بـيكتال والله العشق يسوي اكثر شف الوصف الراقي العفيف هنا تتجلى روح الشاعر المحب العاشق الى الثمامة زيدنا ابا سامي من هالاشعار الباذخة لاهنت |
بسم الله الرحمن الرحيم
اخواني الكرام نستودعكم الله الذي لاتضيع ودائعه ونآمل من الجميع العذر والسموحة إذا بدر منا ما يعكر الصفو فأعفوا واصفحوا لله الكريم ونحن على ابواب شهر القراءن الفضيل الذي تتنزل فيه الرحمات والغفران إن اعطانا الله عمراً سوف نعود الى احبتي في الله وان أخذ الله وداعته فلا تنسونا من دعائكم لنا بالرحمة والمغفرة . والى اللقاء وفي أمان الله . |
| الساعة الآن 12:16 PM |
Powered by vBulletin .
جميع الحقوق محفوظة © لشبكة ومنتديات البراري 2010