|
عام جديد عسى ينعاد
وايامنا كلها سعيدة يمشي بنا الوقت كالعداد ماغير نرقب مواعيده |
العمر ينقص ولا يزاداد
لو كان في عدها تزيده نخاف يقرب لنا الميعاد ونبي سنين لنا جديدة |
ياشطر يامنتظر ذعذاع
الوقت باقي به سخونه ان كان مازانت الاوضاع عطنا من الشعر والحونه |
يمكن وقته معه ما طاع
كان الله بعونك وعونه الكل منكم طويلٍ باع بالشعر ويقول يا هونه |
واللي حضر زايد ابداع
في الشعر وبكل الوانه نبي جديدك وبكل انواع ونبي من الكل عنوانه |
ماعاد ندري وش اللي صار
ولا فيه حيله مع اللي غاب ومن كثر ماصار من تكرار تعبت منكم وراسي شاب |
ضاقت من الهجر ذا الكسرات
ياهل الشعر لا تهجرونه اشوفها تزيد بالعبرات حق عليكم تمرونه |
بنعذر الغايب اللي غاب
ان كان مبعد عن الديره بنعذره لو بدون اسباب لا شك من شان تقديره |
لايضيق صدرك ولا ترتاب
ياطيب الساس والسيره والمنتدى ياصحيبي شاب انشغلوا الناس في غيره شطر |
يا مرحبا بجمعة الأحباب
والمنتدى له تأثيره شف الشعر كيف به ينساب يكفي عن التيك وغيره بقآيآ |
كن الشعر انفتح له باب
كل يشارك بتعبيره ان جاب هذا وهذا جاب كثروا علينا مساييره |
يآمل قلب(ن) عشق وانصاب
ولافاد طبه وتخديره راعيه من عقب قرع الناب مزاول الناس والديره شطر |
رتويت من فضلكم واعجاب
والحرف يشهد بتسخيره يا أحبابنا يا هل الألباب يا عل في ما انكتب خيره بقآيآ |
سلام يا اصحابنا الشعار
ردية(ن) بالعطور تفوح أعضاء والا من الزوار عنوانها الخاطر المشروح شطر |
الله يجيرك عذاب النار
يالشاعر اللي قليل البوح عطنا من العزف بالأوتار يمكن تهيض حمام الدوح بقآيآ |
درب العنا ماعليه غبار
يشوفه اللي هوى بوضوح يمشي معه ناوي المسبار ولاينكف الا دمه مسفوح شطر |
أذكرك يا صاحبي صقار
دايم مع الصيد وين يروح جزل الغنايم نبي أخبار عن بارقٍ بالحجاز يلوح بقآيآ |
أكيد تذكر وش اللي صار
يوم ان صدر الجريح يفوح أرهى على الطير لكن طار ووقع على يد بعيد الشوح شطر |
أنا أذكر إني نصحت الجار
قبل يتوهق وقبل النوح مدري أعده من الشطار وإلا أن ذنبه كتب باللوح بقآيآ |
أخفاه عن جملة الانظار
والله رفا جرحه المفتوح بينه وبينه بقى المقدار لو لجلج العاذل المشفوح شطر |
ما نلحق الخلق بالأبصار
لاهين عن من يجي ويروح والحمد للواحد الغفار مملوح طار ونزل مملوح بقآيآ |
الله يهني حمام الدار
ويبارك بحبه المطروح ويجيرنا من سنا المسعار ويرزق عباده نعيم الروح شطر |
لولاي اغني واصوغ القاف
وارتب اغصان بالكسره لأقنب كما الذيب بالمشراف على طرف هضبة(ن) عسره شطر |
ابداع ياهل الكسرات حتى الاشباع 💐💐
|
ياهلا ابو سعود ولايهون اخونا بقايا وباقي الحضور تستاهلون كل خير
|
يالله عسى مايجيك خلاف
وتسلم من ايامك العسره ليا ضاق صدرك وهمك طاف يجيك بعد العسر يسره |
خوينا ما يجيه خلاف
ما تلحقه يومٍ الحسره نملك من العقل الإنصاف ونميز النخل من بسره بقآيآ |
زمان ولا* وعمر(ن)* فات
وذكرى مع الوقت ممقوته تسحب هقاويك للويلات مابين فضه وياقوته شطر |
يامستريح الفؤاد اقديت
عقبت للمنشحن صدمه قد طاب جرحه ولكن جيت وصحيت هاجوس ياقدمه شطر |
اللي عمر في فؤادي بيت
ساعده مقرود في هدمه الحق ضايع ولو ابديت دام المواثيق منعدمه بقآيآ |
الحي ماهو سوات الميت
والبحر مايمتكن ردمه من لاعه البعد والتنهيت يشوف كسر الرجل كدمه شطر |
ماهو معاتب وما سويت
بالعكس قدمت لي خدمه كني بغيبوبة وصحيت على وجه جعل ما عدمه بقآيآ |
نجبر المكسور و الدعوى عوافي في عوافي
لا تضيع سنين عمرك من مدينه في مدينه والرفيق اللي دعانا لين بيحنا الخوافي نلزمه بالحق وغيابه على فعله يدينه بقآيآ |
دنيا تعلم قليل العرف
وتشربه كاسها وافي والتمر لابد ماله خرف ياربنا سترك الضافي شطر |
ياشارب الماء من الحابوط
خذ لك منه شربة استحياط وان كان كبدك لحقها شعوط لحسة عسل تبري المشتاط شطر |
لا باس لو كان جالك ظرف
لكن ظروف الله يكافي قدام جرف وخلفك جرف تمل دنياك وتعافي |
الوقت هذا كثير ضغوط
من عين وإلا من استغباط ينفك خيط وتبقى خيوط ما تنفعه رقعة الخياط بقآيآ |
ماعاد يبقى خبر مغطوط
لو ٮكٮٮوںه ٮدوں ٮڡاط من يعرف الصح والمغلوط يستاهل النعم والمقلاط شطر |
الدرب موحش كثير خطوط
من سالكينه تشوف احباط لو كل درب يجي مضبوط ندرك صلاة العشا بالغاط بقآيآ |
الدرب لو هو عسر ممغوط
مايتعب السايق المحتاط ليتك تقرب وتاخذ شوط مابين شجوى وريع بواط شطر |
| الساعة الآن 07:08 PM |
Powered by vBulletin .
جميع الحقوق محفوظة © لشبكة ومنتديات البراري 2010