ياكامل الزين ليه تزود فتوقي
عذبتني في بهاك وذوقك الراقي
ماتدري ان الدموع تهل من موقي
ماغير ربي وقاني والله الواقي

امس العصر وايقت مع راس مشراف
هيض علي الذكريات الخوافي
واخذت اجر الصوت وابني على آف
يالين صارت شمسنا ماتشافي

الله من قلب(ن) لجا فيه رجاف
لج الضلوع الحانيات الصخافي
عليك ياهداف يارام الاهداف
يابو جديل فوق الارداف ضافي

الروح لك ميلاف والقلب ميلاف
وغيرك من الخفرات ينزح خلافي
صوبتني وانا على حيد مهياف
والحمد لله جات طيب وعوافي

كما مزنة غراء مطله تلوح بروق
تجرجر هماليل المطر بين اياديها
الا واوجودي واعنا قلبي المفتوق
انا كيف ابدله عن هواها وطاريها

تغيب الوناسه عن محياي ﻻمن غبت
وروحي يباريها العنا دوم منكبته
وانا ياعشيري عن تغزلك ماقد تبت
ليا شفت عينك كل شعر الغزل جبته

اعوم المحيط الواسع المنتحي ماهبت
وانا من عرفتك يالغضي ماتهيبته
تمر الطواري في عروقي وتنبت نبت
على سفوح ضلعاني وقلبي معذبته

سقى الله ليالي قد مضت في ربيع العام
يوم اني اخط اسمك على دفتر ايامه
قبل ﻻيموت العشب والورد والاحلام
ودمع المفارق يكشف الشوق وآلآمه

يامسا الخيرات يانبض القصيد الفاخر
ياهلا بالشعر كله يوم جاء في حله
يابحر باللول والمرجان قاعه زاخر
المعاني مثل زل الكيف يوم تزله

يسريني الهاجس وبرق الجفا لماع
واسج القدم وانا على السمع والطاعه
لو ان الطريق يطول والمشي ماله داع
وروحي تقاسي من عنا الوقت واسناعه
ابصبر وصبري بلسم لقلبي الملتاع
وازيد الصبر لو بانت بروحي اوجاعه

لليل في صدر التعآليل تمثال
منحوت من برد الغياب وجليده
يذوبه شوق اشتعل وسط موال
من خالص الوجدان ينبض وريده

للصبح بسمه تبني كبار الآمآل
وتحس معها إن حيآتك مديده
تغانم الحسنات ياطيب الفال
ترفعك عن حر اللهب والوقيده

اسعد الله صباحك ياورود الربيع
ياجمال الطبيعه فوق روس الجبال
الهواء ساق عطرك بين سفح(ن) وريع
كل ما انشق عبيره ضيم الايام زال

للقصايد ذوق يتبع رغبة الذويقه
تنهمر من فكر شاعرها وباله رايق
والكلام اللي حروفه كنها المزويقه
نكبة(ن) للشعر لاينفع ولاهو لايق

راكب اللي بالصحاري ماش شي يعيقه
جيب لاند كروز شاص مسلمينه سايق
سايق(ن) ماعوده للنصب والتلبيقه
عوده في روس ضلعان الحجاز يوايق

لا شعم ناره وحول دلته وابريقه
في حراوي صيد للمقناص قلبه تايق
يطلب الله من رضاه ويطلبه توفيقه
هي شفوفه دام ماهو بين ربعه بايق

الصباح اللي يعانق بسمتك واهدابك
اشهد انه وصفة(ن) للضيق والنفسيه
جيت ياسمح المحيا والله اللي جابك
مع هبوب(ن) ذعذعت من يمة الشرقيه

بين توتك مع ورودك تستظل أعنابك
كن قطرات الندى واشكالها سحريه
ما يذيب عروق قلبي غير كثر غيابك
والبلا مع كل غيبه ..إنتظار الجيه

حبيبي أنآ موجود الى صرت بتعود
وتلقى حبيبك وآفي(ن) في وعوده
تذعذع نسآنيس الهوى شوق وورود
ونبض الغلا يبرق وترزم رعوده

يدور الزمآن وسلك الايآم ممدود
وعمر الفتى مابين بيضه وسوده
ليآ ما ارتفع عن كل هفوه ومنقود
يجيه الفلس مايشفعن له نقوده

طريق الردى لو طآل ممشآه مسدود
ورآعيه غآدي موسمآة(ن) خدوده
ركب رآسه الشيطآن ماجاب له فود
يدندن عليه ونقزه عن حدوده

نصوغ البيوت وكنهآ ملح بآرود
سريع اشتعآله يوم تضرب زنوده
لهآ قوة تطلق على الصيد عبرود
يفج النحر والكآيده مآتكوده

ياليل ياليل ياليل الهجوس الطويل
فيك المشاعر غريبه صعب تحليلها
من دون قمراك ونجومك ترى مستحيل
الناس في ليلتك تلقى تعاليلها

الا ياصباح (ن) بان نوره ويا محلاه
عقب مانفض ليل المعاناه واخفاها
عسى شمسك اللي وايقت من جهة ملفاه
تدفي ضلوع (ن) أبيض الثلج يكساها

وعليكم السلام ورحمة الله وبركاته
ياهلا ومرحبا ولاعليك زود يالنشمي
شرفني مرورك لاخلا ولاعدم

يسعد صباحك صباح الخير
إيه أنت ياعاطر السيره
بيني وبينك مسافه مير
مع حبنا تقرب الديره

الارض خضراء واكتست زين الالبآس
والجيب جاهز للسفر والعسآسه
نبا نسج بخآيع(ن) يقعد الرآس
مع خوة(ن) تضفي علينآ الونآسه

يهل القلم حبره على خالي الأوراق
ويطوي ديار(ن) ممحله راكز(ن) ساقه
حسب مايناسب كل ذوق من الاذواق
يسوقه وليه في ذرى القاف واشنآقه

سلم الفتى يرفاه عن كل منقود
لاصار يمشي مامشت به جدوده
والتايه اللي خوته مابها فود
يلقى من اشباهه مقرد تقوده

بين القصايد والحبر طرس واقلام
واحساس مايقفاه شك وملامه
عطر حروفك يا ابيض الوجه قدام
يجيك يوم(ن) ماش بعده سلامه

على المشتحن ليل الشتاء حمسة(ن) واحراق
يجاذب لحون القاف وتزود احراقه
يحده على المنكوس من داخل الاعماق
فراق الوليف اللي له الروح تواقه

وياهاجسي من قبل ﻻتطفي الاشواق
تجمل معي طالبك مع ناس ذواقه
وخلك رديفي وازهل الدرب والسواق
مع اول حلول الليل الى وقت مشراقه

دروب المحبه عسرتن حيل ماتنطاق
وكم ناس فيها ردها الحظ منعاقه
اباخذك معيه دامني للغضي مشتاق
ودام ان قلبي داخل الصدر معلاقه

اﻻ ياوجودي وجد عودن كسير الساق
يجر الونين وطيب الزاد ماذاقه
واﻻ ياوجودي كل مالاح لي براق
وهلت هماليل السحايب على فاقه

واﻻ ياوجودي من ظروف الزمان الشاق
ليا حدت الرجال وانحلت أخلاقه
على واحدن سبحانه الواحد الخلاق
عطاه الولي مصنع هل الزين واسواقه

يلج الضلوع اليا على الصدر طل وواق
ويشلع ستار القلب والطنب ورواقه
وصوفه على غيره خطيره وﻻ تنلاق
ليا شافها راع الهوى يبست ارياقه

لاهنت ياقاف(ن) من الجاش جبناك
ولاهان من هو بالوصايف محليك
مايستوي وزنك ولا يرفع بناك
الا هنوف(ن) حبها دون تشكيك

حب(ن) على وضح النقا ماهو بذاك
اللي دروبه تودعك للمهاليك
يافاتنه لو كان مافيه شرواك
ماينفعك زينك وكثرة تغليك

يارب عفوك يابديع السموات
اخطي وتكرمني بجزل العطايا
عبدك فقير ويطلبك كل مافات
اغفر لي الزلات وادمح خطايا