|
|
اقتباس:
اول مرا اشوفو هههههههه اجل ريح ولا تتعب نفسك انا ببحث عنه وعن رقم الايبي حق المتصفح حقه واعطيك خبر هنا |
اقتباس:
والله هذا اول مره اشوفه لاكن من شاف شكله ماهو خير عسى يفيدك اخونا المزن هذا جاي تهريب |
الله يجزاكم خير ويرحم والديكم اخواني الطيبين المزن والبارق الغربي وكل من تواجد وقدم المساعده وهذه صورتين من زوايا اخرى |
حصلته يا اخ اسير واسمه Wltfqq-124gn
يا اخ أسير دقايق بس ابحث عن رقم المتصفح لانه صراحه جديد عليا |
ابو اسامه ايش المدة المتبقيه لانتها الاشتراك اذا قليله اخذ الاتصالات بي 650 ريال اشتراك 3 شهور مع حق المودم وبعدين تجدد 300 ريال 3 شهور |
اقتباس:
باين من الصوره انه البرج عندك واحد بسس ويمكن هذا سبب المشكله دقايق اجبلك رقمه وتدخل وتحول لثري جي جايبه جايبه الله لايعوق بشر هههههههه |
الله يرحم والديك اخوي المزن ويجزاك خير
************ اخوي البارق توه جديد الاشتراك له حول الشهر الا شوي واشتراك لمدة سنه ونا مني عارف طريقتهم كيف حاسبين لي سنه اللي قاهرني 1400 واتصال زي الزفت اكرمكم الله ورفع قدركم والله لسحب عليهم في شرايح ثانيه واتفنن في سرقتهم ههههههه اذا يبغوا المعامله بالمثل |
اخ اسير جرب الرقم هذا
192.168.100.1 ان شاء الله يدخل واعطيني خبر اذا مادخل مالك الا تتصل على1100 وتقلهم ابي رقم الدخول لاعدادات المودم |
والله مارضي يفتح معاي الرقم الاخير اخوي المزن واخوي البارق
الف الف الف شكر لكم |
بشر عساه فتح معاك يارب
|
والله ي أخ أسير حاولنا بما نستطيع ولكن المودم جديد عندك
وانا شايف البرج عندك واحد بس وهذا اعتقد سبب البطيء يمكن لو حولته 3g ع الاقل تجيك 4 او 3 ابراج لانه اثري جي ابراجه اقوى اتصل عليهم يعطونك رقم الدخول للمتصفح واذا بغيت اسمه هذا WLTFQQ-124GN او قلهم الرواتر الجديد ابو شعار موبايلي بالوسط مضاءه وسامحنا ع القصور كنت اتمنى نقفل ونحل مشكلتك |
اقتباس:
والله شيء يقهر انا بحثت بااسمه اللي نزل اخي المزن ومالقيت اي يرقم للصفحة الاعتدادات حقتة والبعض يقول غير معروف المصدر الشركة المصنعة الحل روح الصبح لقرب مكتب لزفت موبايلي الله يكرم وجهك وخذ من عندة الرقم وخذ المودم معك امكن عندهم صيانة ويسويه اتوقع 3G يعطيك اشاره اقوى احسن من 4G |
ما قصرتم وبيض الله وجيهكم وحصل خير ووالله ان الشركات الثلاث كلهم حراميه لكن يمكن اس تي سي أفضل السيئين
|
اقتباس:
اخ اسير متضيق الا تنفرج وان شاء الله لحولتة يضبط اتمنى لو حلينا المشكلة ولاكن العذر والسموحة منك تحياتي |
مشرفنا ابو ااسامه
وضعي كان مثلك بالضبط..النت سيئ جدا في موبايلي الحل الي سويته انا شريت مودم الشبح تبع موبايلي موديل b593 مفتوح الشفرة وركبت شريحة stc بيانات الشهر ب100 ريال ومرتاح جدا المودم الي انت عارضه غريب اول مره اشوفه |
الله يحييك اخوي ابوراشد
منكم نستفيد وسوف اسأل عنه ومشكلتي انا استخدامي كثير جداً للنت ولكم ان تتعجبوا والله اني متصل 24 ساعه حتى وقت النوم اشغل اذاعة BBC لذلك افضل الاستخدام غير المحدود وتوهقت مع موبايلي وسلمت 1400 والنتيجه كما تشاهدون اتصال سيئ الف شكر ياغالي |
السلام عليكم ورحمة الله وبركاته صباح الخير ابو اسامه بشر عساك حصلت حل للمشكلة |
أبو اسامه انصحك تلغي الاشتراك مع موبايلي وجررب اس تي سي ..صدقني رااح ترتاح معها كثير لان موبايلي اسأل مجرب خدمتهم سيئه .. وسرعة الاتصال بطيئه جداً |
كان الله في عونك مشرفنا الكريم
والاخوان ماقصرو الله يعطيهم العافيه جميع بالنسبه للمودم هذا اخر شي نزلته موبايلي وبالنسبه عنوان Ip في الغالب تحصله مكتوب علا نفس الجهاز او علا الكرتون سعره عند المحلات بدون اشتراك 140 ريال تقريباً مشكلته مانزله فك التشفير عشان تقدر تركب عليه اي شريحه غير موبايلي وبالنسبه للاتصال سوي اختبار لسرعه ونزلها خلينا نشوف اتصالك ملاحضه مهمه هل الي يستخدمون الاتصال عندك يعانون نفس المشكله ام لا لانه احتمال يكون المشكله بجهازك |
الله يحييكم جميعا
وبالنسبه اخوي بارق الاتصال مازال سيئ جدا ...وصقر الاسلام نصيحتك طيبه وانا كنت معهم لفتره وهم افضل السيئين ... والحبيب ابواسيل مشكور على المعلومات المفيده والجميع عندي في البيت يشكون من سوء الاتصال ..اما قياس السرعه صدقني ماني عارف اقيس السرعه من بطئ السرعه يعني سيئ جدا الف الف الف شكر للجميع |
انا عندي موبايلي وشغال مثل الحلاوة
ومثل العسل على القشطة لكن حاول تغير موقع الجهاز يا ابواسامة ويمكن انت عندك عازل بالبيت فهذه مشكلة يسبب ضعف الاتصال ولازم تضع الجهاز بالقرب من النافذة علشان يلقط لك الاشارة بكل يسر وسهولة والواضح لي من خلال الصور التي وضعتها انك واضع الجهاز بعيداً عن النافذة وهذا خطأ يجب يكون موقعة بالقرب من النافذة علشان يلقط صح وجرب جميع النوافذ لين تشوف ان الاتصال تحسن . |
بشر عساه صلح وزان بس
|
اقتباس:
الاتصالات من يوم اشتريته وانا حاطه بمكان واحد بس مشكلة موبايلي يقولون مفتوح وبالمقابل أستخدام سياسة الإستخدام العادل باليوم والاسبوع لك حد تتعداه أستحمل البطء وأبو أسامه يوم نزل المودم شايف برج واحد وهذا يعتبر ضعيف جدا ولو حول الى ثري جي افضل لانه الابراج اقوى ويتحسن النت شوي الين عاد يشفله شركه ثانيه |
السلام عليكم
شكراً لكم جميعاً والله يابونواف جربت من قبل ونفس المشكله اخوي المزن ماصلح والله وناوي من يوم السبت اغير على اس تي سي استخدام غير محدود لكن نفسي احلل 1400 |
اقتباس:
1 الشبكه كيف بالحي 2 تاكد هل أحد مشترك بالحي وكيف وضعه خايف منطقتك ارسالها ضعيف لانه شكله موبايلي مركبين الفور جي بأبراج الطائف والارسال يوصلك ولكن ضعيف أهديه لأخوك او قريبك وراح تكون نعم الهديه :new12: على فكرا كنت مشترك بي الدي سي ال زمان والله أنه افضل واحسن واسرع ايام أخوي بالخطوبه تعرف عشان المكالمه مجانا وسعر واحد :new12: |
اقتباس:
اس تي سي ممتازه تغطيتها في الرميده وفي الروضه شكرا ياغالي |
ابو اسامه حرام تضيع 1400 على الفاضي
يبي لك تشوف اقرب برج لك 4g وتشتري انتينا خاصه فيه وتوجه جهة البرج وان شاء الله يضبط شف هذا الموضوع https://www.adslgate.com/dsl/showthread.php?t=2018827 |
اقتباس:
والله يا اخوي جربتهااااااا وكانه مركب صاروخ فوق السطح هههههه ومانفع خسائر ع الفاضي اذا أس تي سي ممتازه عندك اشترك وتوكل والله يعوضك |
ابو اسامه حرام عليك تخسر 1400 ريال وباقي لشتراكك 11 شهر اسمع مني لاتشترك في الاتصالات لما تجرب جميع الطرق 1- تغيره على 3G اتوقع انه يتحسن 2- تذهب لهم وتقولهم يغيرونه من فور جي الى ثري جي 3- اذا غيروه ثرجي وما صلح قلهم يغيرون المودم لك اذا بعيد عليك المكتب انا مستعد امر مكتبهم عندنا في المدينة واستفسر لك من عندهم اتمنى اذا المكتب بعيد عنك تبلغني ولاكن لاتضحي 1400 و11 شهر بي هذي السهوله تحياتي |
اهلين اخي أسير البراري ،،
يوجد راوتر stc 4g انا صرت استخدمه من رمضان تقريبا وسرعته عالية جدا لدرجة اني اتابع عليه مباريات والشبكة ما تتأثر!! انصحك اخي في راوتر stc المطور ويتم شراء شريحة بيانات خاصة به ،، وشف كيف السرعة !! |
ياخوي تبي الحل
قبل كان معي راوتر اس تي سي فور جي وكان ضعيف جدا السبب هو البيت فيه عوازل واشترلك مقوي واريل وجيب فني يزبطه لك وحط المقوي بالسطح افضل علشان يلقط صح |
اقتباس:
والله انها معورتني في قلبي بس وش اسوي هي راح تعود لها السرعه لكن بعد فتره وهذا كله منهم ومن سياستهم البايخه الاستخدام العادل اي عاااااادل الا ظالم المشكله ليست في التغطيه المشكله في الطريقه الزفت اكرمكم الله كل اسبوع ينزلك 15 قيقا واذا تجاوزت ال 15 قيقا قبل نهاية الاسبوع طبقوا سياسة الاستخدام الظااااااالم طيب يااااااحرامي كيف تأخذ حقي وتعطلني وانا مشترط عليك سنه دون انقطاع ...ما عليك منهم والله مايسلمون من دعوة المظلوم وابشرك سمعتهم الآن مثل اللي في رجلك اكرمكم الله ومن يقرأ . |
هذي صورة الجهاز
https://www.foxpic.com/VoZZ8FzU.png في السابق كنت استخدم كنكت ماي فاي stc 3g لاكن كان بطيء جدا ويفصل من رغم أنه stc وبعدها جربت نفس الشريحة على الراوتر وشفت سرعة عالية جدا ،، بشرط أن تضع الراوتر في مكان عالي ،، وان شاء الله قدمت لكم المفيد ،، |
اقتباس:
مرحبا اخوي سلطان طيب ابغى استخدام غير محدود يعني ممكن سنه لكن استهلاك البيانات غير محدود يعني 24 ساعه يوتيوب ...مدري كم عند اس تي سي |
اقتباس:
حياك الله اخوي مشاري لا والله عندي المشكله ماهي من العوازل المشكله حسب ماوضحت اعلاه |
اقتباس:
وهناك أشخاص في البيت يستخدموا الشبكة بشكل كبير جدا يعني مثلا يحمل مقاطع على قنوات يوتيوب وزي كذا من رغم ذلك الشبكة سريعة وما تتأثر والاستخدام لا محدود ،، وأنصحك بشريحة البيانات 3 أشهر بلا حدود انا من فترة وانا استخدمها ولسع سريعة ،، وسعر الشريحة 300 ريال وانا توي مجددها ولسع زي الحلاوة طبعا انصحك اشتريها من فرع stc نفسهم اما المحلات التجارية تحط أسعار من راسها وتضحك على العالم ،، |
اقتباس:
مفوتر ام غير مفوتر وايهما افضل ؟؟ ...اشكرك |
اقتباس:
حبيبي اسير انا عندي نفس الى مصورة اخي سلطان سعر الاشتراك مع المودم 650 ريال لمدة ثلاث شهور والسرعة طيبه اليوتيوب مايقطع لو كان المده ساعة اجلس على اليوتيوب 24 ساعة ماعندك مشكله واتمنى اذا باتشترك اخذ اشتراك لامحدود3 شهور مع المودم 650 ريال وبعده جدد 3 شهور 300 ريال |
اقتباس:
تروح الشركة وتشتري كرت إعادة شحن 3 أشهر بلا حدود وتشحنها وفيه عروض ثانية ،، وأنصحك بمسبقة الدفع كما هو موضح أعلاه ^^ يعني في أي وقت تجدد منت مغصوب عليها ،، |
| الساعة الآن 01:22 AM |
Powered by vBulletin .
جميع الحقوق محفوظة © لشبكة ومنتديات البراري 2010